Chapter Title : അച്ചായത്തി ഫ്രം ബാംഗ്ലൂർ 5 [അധീര]

അവൻ പതിയെ തല ചെരിച്ചു അവളെ നോക്കിയതും സ്റ്റെല്ലയുടെ മുഖത്ത് ദേഷ്യം ഉരുണ്ട് കൂടി വരുന്നതും അവൾ കണ്ണ് ഇറുക്കി നോക്കുന്നതും അവൻ കണ്ടു.

" ഓറഞ്ച് എടുത്തോളൂ..."

ഓർഡർ കൺഫേം ചെയ്ത്  നൽകി ശിവ വീണ്ടും അവൾക്ക്  അഭിമുഖം ആയി തിരിഞു ഇരുന്നു.

" ഇപ്പോഴും അത് തന്നെ ആലോചിച്ച് ഇരിക്കാണോ.. ?? "

"  എന്തായിരുന്നു കളിയും ചിരിയും എല്ലാം ഒന്നും മിണ്ടാൻ പോലും സമയമില്ലല്ലോ..??  ഇപ്പോൾ എവിടുന്നാണ് സമയം ??  ഞാൻ പോവുകയാണ്..!! "

ഓർഡർ ചെയ്ത ജ്യൂസ് പോലും കുടിക്കാൻ നിൽക്കാതെ അവൾ അവിടെ നിന്നും എഴുന്നേറ്റ് പോകാൻ തുടങ്ങി.

" സ്റ്റെല്ല..!!  അഡ്വാൻസ് ഹാപ്പി ബർത്ത്ഡെ " ശിവ അത് പറഞ്ഞതും  അവൾ എഴുന്നേറ്റ് പോകാൻ തുടങ്ങിയിടുത്ത് നിന്നു.

"  എൻറെ ബർത്ത് ഡെ  ആണെന്ന് എങ്ങനെ അറിയാം..?? "

"  അതൊക്കെ അറിയാം ഇനി നാലുദിവസം കൂടി കഴിഞ്ഞാൽ നിന്റെ ജന്മ ദിനം ആണെന്നും അറിയാം..  നീ അന്ന് ലീവ് ആണെന്നും  അറിയാം...!!  "

അവൻ ചിരിയോടെ ആണ് അത് പറഞ്ഞെങ്കിലും അവൾക്ക്  ഭാവ മാറ്റം ഒന്നുമില്ല.

" സ്റ്റെല്ല ഞാൻ അറിഞ്ഞുകൊണ്ട് തന്നെയാണ് ഒഴിവാക്കിയത്..!! "

ശിവയുടെ വാക്കുകൾ കേട്ടതും  പോകാൻ നിന്നിടത്ത് നിന്നും  അവൾ ഞെട്ടലോടെ തിരിഞ്ഞ് അവനെ നേരെ നിന്നു...!!

" എന്തിന് ?? "

ആ ചോദ്യത്തിന് ശിവ മറുപടി നൽകിയില്ല. അവൻ കഫെറ്റീരിയയിലെ സൈഡ് ഗ്ലാസ്സിൽ  കൂടി പുറത്തേക്ക് നോക്കി കൊണ്ടിരുന്നു....

"  ശിവ എന്തിനാണ് എന്നെ പ്രോജക്ടിൽ  നിന്നും  മാറ്റിയത്..?? "

" നിന്നെ പ്രോജക്ടിൽ  നിന്നും അല്ല മാറ്റിയത് എൻറെ സമീപത്തുനിന്നും ആണ്  മാറ്റിയത്... നീ കൂടെയുള്ളപ്പോൾ എനിക്ക് മറ്റൊന്നിലും  ശ്രദ്ധ കേന്ദ്രീകരിക്കാൻ കഴിയുന്നില്ല പെണ്ണെ  നീ അടുത്തുള്ള ഓരോ നിമിഷവും ഞാൻ നിന്നെ അറിയാതെ പ്രണയിച്ചു പോകുന്നു...!! "

ശിവ ഒന്ന് നിർത്തി സംഘർഷത്തൊടെ  അവന്റെ കൈകൾ കൂട്ടി തിരുമ്മി ..

" പെണ്ണേ..നീ പറഞ്ഞ എല്ലാ കാര്യങ്ങളെയും ബഹുമാനിച്ചുകൊണ്ടുതന്നെ നിൻറെ പ്രൈവസിയും കുടുംബ ജീവിതത്തെയും കൺമുന്നിൽ കണ്ടു