Chapter Title : അച്ചായത്തി ഫ്രം ബാംഗ്ലൂർ 5 [അധീര]

ചെയ്ത ജ്യൂസുമായി വെയ്റ്റർ  അടുത്തേക്ക് വന്നു.

" തനിക്ക്  പറയട്ടെ ? "

"  വേണ്ട ഞാൻ കോഫി കുടിക്കുന്നുള്ളൂ..!!  കോഫി പ്ലീസ് "
അവൾ വെയ്റ്ററോട്  ആവശ്യപ്പെട്ട ശേഷം അവനോട് സംസാരിച്ചുകൊണ്ടിരുന്നു.

" സോ  എങ്ങനെയുണ്ടായിരുന്നു ലീവ് ഒക്കെ.. കുറച്ചു ദിവസമായല്ലോ കണ്ടിട്ട് ? "

" ചുമ്മാ അടിച്ചു പൊളിച്ചു..!  കുറച്ചു ദിവസം  കുടുംബത്തിന് ഒപ്പം ചെലവഴിക്കണമെന്ന് തോന്നി പിന്നെ സത്യം പറഞ്ഞാൽ  വെറുതെ  ലീവ് എടുത്ത് ഇരിക്കുന്നത് ഞാൻ വിചാരിച്ചതിനെക്കാൾ രസമാണ് ട്ടോ..!! "
അവൾ മറുപടി കൊടുത്തതും രണ്ട് പേരും ഒരു പോലെ ചിരിച്ചു.

" അല്ലെങ്കിലും ഈ കോർപ്പറേറ്റ് ജീവിതം മടുക്കുമ്പോൾ  കുറച്ചു നാൾ മാറി നിൽക്കുന്നത്  എല്ലാവർക്കും ആവശ്യമുള്ള  കാര്യം തന്നെയാണ്..  താൻ ചെയ്തത്  നല്ല കാര്യമായിട്ടെ ഞാൻ പറയൂ "
ശിവ തൻറെ ജ്യൂസ്  ചുണ്ടോടു ചേർത്തു.

ലീവ് എടുത്തതിന്റെ  യഥാർത്ഥ കാരണം മറ്റൊന്ന് ആയിരുന്നു  എങ്കിലും അവൾ  ശിവക്ക് ഒരു ചിരി മാത്രം ആണ് മറുപടി നൽകിയത്.

" ഒരു സിപ്പ് എടുക്കുന്നോ ?? "
ശിവ ചെറിയ ചിരിയോടെ  കുടിച്ചു കൊണ്ടിരുന്ന ജ്യൂസ്  അവൾക്ക് മുന്നിലേക്ക് നീക്കി.

"  വേണ്ട..!!  ഞാൻ കോഫി പറഞ്ഞിട്ടുണ്ട് എനിക്ക് അത് മതിയാകും "

"  ഒക്കെ തൻറെ ഇഷ്ടം നിർബന്ധിക്കുന്നില്ല.. പിന്നെ  ആൽബിയും മോളും ഒക്കേ  സുഖമായിരിക്കുന്നൊ ?  "

" ആൽബിക്ക്  എന്താ.. പഴയതുപോലെ ജോലിയും തിരക്കും ഒക്കെ ആയി അങ്ങനെ  അടിപൊളിയായി തന്നെ പോകുന്നു..
അന്ന മോൾ അതിനേക്കാൾ ഹാപ്പി ആയിരിക്കുന്നു.. എല്ലാം കൊണ്ടും അങ്ങനെ  അങ്ങനെ..!! "
അവർ സംസാരിച്ചുകൊണ്ടിരിക്കുമ്പോൾ തന്നെ സ്റ്റെല്ലക്ക് ഉള്ള കോഫിയുമായി വെയ്റ്റർ അങ്ങോട്ടേക്ക് വന്നു.

"  താങ്ക്യൂ "
അയാൾക്കൊരു നന്ദി പറഞ്ഞ ശേഷം സ്റ്റെല്ല കോഫി  ചുണ്ടോട്  ചേർത്തു.

" പെട്ടെന്ന് എന്താ ശിവ ഒരു ബോർഡ്  മീറ്റിംഗ് വിളിച്ചിരിക്കുന്നത് എന്തെങ്കിലും പ്രശ്നം ഉണ്ടോ ?? "
അവൾ പതിയെ പുതിയ വിഷയത്തിലേക്ക് കടന്നു.

" ഇമ്പോര്ടന്റ്റ്‌ മീറ്റിംഗ് തന്നെ ആണ്  ഇപ്പോൾ ചെയ്തുകൊണ്ടിരിക്കുന്ന പ്രോജക്ട് കംപ്ലീറ്റ് ആകുന്നതിനു മുന്നേ പുറത്തുന്നൊരു ടീമിൻറെ അപ്രൂവൽ വേണമെന്ന് ഞാൻ പറഞ്ഞതോർക്കുന്നുണ്ടോ..?? "

" യെസ്..!! എന്നോട് ഒരിക്കൽ അതിനെപ്പറ്റി സംസാരിച്ചിട്ടുണ്ടായിരുന്നു "

"  അതുതന്നെ കാര്യം അവർ വന്നിട്ടുണ്ട് ഫ്രം ഫിലിപ്പിൻസ്  !! അവർക്ക് ഇതുവരെ കമ്പ്ലീറ്റ് ചെയ്ത പ്രോജക്ട്  ഡീറ്റെയിൽസ്