Chapter Title : അച്ചായത്തി ഫ്രം ബാംഗ്ലൂർ 9 [അധീര]

മാറി ഹാളിലേക്ക് വന്നതും ആൽബി ഒരു കളിയാക്കലോടെ ചോദിച്ചു

" എന്റെ കെട്ടിയോനു ഇന്ന് കുറെ പ്ലാൻ ഉണ്ട് എന്ന് തോന്നുന്നുണ്ടല്ലോ..?? "

" വലിയ പ്ലാൻ ഒന്നുമില്ലെടി നമ്മൾ രണ്ടുപേരും ടെറസിൽ പോയിരുന്നു കുറച്ച് കൊച്ചു വർത്തമാനം പറഞ്ഞു ഒക്കേ ഇതങ്ങടിച്ചു തീർക്കുന്നു അത്രയേ ഉള്ളൂ..!! "

" ആ കവറിൽ ഇച്ചിരി ബീഫ് ഇരിപ്പുണ്ട് നീ അതും കൂടി ഒന്ന് വരട്ടിയേക്ക് "
ആൽബി അതും പറഞ്ഞു ബീഫ് എടുത്ത് അവളുടെ കയ്യിലേക്ക് നൽകി, നേരെ വാഷ് റൂമിലേക്ക് കയറി.
ആൽബിന്റെ കൂടെ തുറന്ന് സംസാരിക്കാൻ ഒരു അവസരം അവളും ആഗ്രഹിച്ചതായിരുന്നു എന്തായാലും അവനായിട്ട് കൊണ്ടുവന്ന പ്ലാൻ അവൾക്ക് കുറച്ചു അധികം ഊർജ്ജവും ഉന്മേഷവും നൽകി, ഒരു ചിരിയോടെ സ്റ്റെല്ല ബീഫും കയ്യിൽ എടുത്ത് നേരെ കിച്ചണിലേക്ക് നടന്നു.

രാത്രി ഏകദേശം ഒൻപതരയോടെയാണ് അവർ ഡിന്നർ കഴിക്കുന്നത് , അതിനുശേഷം വേറെ പ്ലാൻ ഉണ്ടായിരുന്നതിനാൽ രണ്ട് പേരും കാര്യമായിട്ടൊന്നും കഴിച്ചില്ല,
സ്റ്റെല്ല കുഞ്ഞിനെ കിടത്തിയുറക്കാൻ നോക്കുമ്പോൾ ആൽബി ബാൽക്കണിയിൽ നിന്ന് ഓരോന്ന് ചിന്തിച്ചു കൂട്ടുകയായിരുന്നു..

കുറച്ചു സമയം കൂടി കഴിഞ്ഞതും അവൾ പതിയെ ശബ്ദമുണ്ടാകാതെ വാതിൽ ചാരി പുറത്തേക്ക് വന്നു,
" അന്ന ശരിക്കും ഉറങ്ങിയോ..?? ഇനി ഇടക്ക് എഴുന്നേൽക്കുമോ..?? "

" അതൊന്നുമില്ല ആൽബി അവൾ ഉറങ്ങിക്കോളും, നമുക്ക് നോക്കിയാലോ "
സാധനം എടുത്തതിൽ പിന്നെ സ്റ്റെല്ലക്ക് നല്ല ആവേശമായിരുന്നു.

" എടീ ടെറസിൽ പോയാലോ..?? "

" ആൽബി അതിപ്പോ കുഞ്ഞിനെ ഒറ്റയ്ക്ക് ഇട്ട് എങ്ങനെയാ പോകുന്നത്..?? "

" എടി