അഹം 2 [നൈമ]

അഹം 2
Aham Part 2 | Author : Naima
[ Previous Part ] [ www.kkstories.com ]

"ഇപ്പൊ എങ്ങാനും എത്തോ ??" ഒച്ചിഴയുംപോലെയുള്ള ജോണി ചേട്ടന്റെ സ്കൂട്ടറിന്റെ ഓട്ടത്തിൽ അക്ഷമനായി ഞാൻ ചോദിച്ചു .

"എത്താറായി മോനെ ...ദേണ്ടെ ആ വളവ് കൂടി " ജോണി ചേട്ടൻ മഴക്കിടയിൽ എനിക്ക് കേൾക്കാനായി ഒന്ന് ഒച്ചനെ പറഞ്ഞു .

പോവുന്ന വഴി പലയിടങ്ങളിൽ സ്കൂട്ടർ കയറ്റം കയറാൻ ബുദ്ധിമുട്ടിയതോടെ പലപ്പോളായി ഞങ്ങൾ ഇറങ്ങി തള്ളി കയറേണ്ടി വന്നിരുന്നു .ഇട്ടിരുന്ന ഡ്രസ്സും ബാഗിന്റെ പുറം ഭാഗവുമെല്ലാം നനഞ്ഞു ചീഞ്ഞതോടെ നേരെ താമസ സ്ഥലത്തേക്ക് പോവാമെന്ന് ഞാൻ ജോണി ചേട്ടനോട് പറഞ്ഞു .

ഏകദേശം വൈകിട്ടോടെ ഞങ്ങൾ ജോണി ചേട്ടന്റെ വീട്ടിലേക്കെത്തി . മതിലോ വേലിയൊന്നും കെട്ടാത്ത തേപ്പ് പണി കഴിയാത്ത ഒരു ചെറിയ വാർക്ക വീട് .വീടിന്റെ മട്ടും , ചുറ്റുവട്ടവുമെല്ലാം കണ്ടാലറിയാം ഒരു ഇടത്തരം സാമ്പത്തിക സ്ഥിതി മാത്രമുള്ള,അല്ലേൽ അതിലും താഴെ നിൽക്കുന്ന കുടുംബം ആണെന്ന് .

"ചേട്ടന് അപ്പൊ ജോലി സ്ഥിരായില്ലേ ?" തല തോർത്തികൊണ്ട് ഞാൻ ജോണി ചേട്ടനോട് ചോദിച്ചു .

"സ്ഥിരാവാനോ ...നല്ല കഥയായി " ജോണി ചേട്ടൻ ചിരിച്ചുകൊണ്ട് പറഞ്ഞു "അതൊരു താൽക്കാലിക നിയമനം അല്ലാർന്നോ മോനെ .അങ്ങനെയല്ലേ മോന്റെ അച്ഛനായി പരിചയം . സ്ഥിരായില്ല ."

"അപ്പൊ ചേട്ടന് എന്തായിപ്പോ ജോലി ?" ജോണി ചേട്ടന്റെ ഭാര്യ എനിക്ക് നേരെ വച്ച് നീട്ടിയ കട്ടൻ ഊതി കുടിച്ചുകൊണ്ട് ഞാൻ ചോദിച്ചു .

"ചെയ്യാത്ത ജോലി