Chapter Title : അഹം [നൈമ]

, ആഹാ മാജിക് മൊമെന്റ്‌സ്‌ " ഞാൻ കുപ്പി പൊക്കി പേര് നോക്കി പറഞ്ഞു

പാവങ്ങൾ രണ്ടും ഇളി കോട്ടി എന്നെയും അവർ പരസ്പരവും നോക്കി ഇളിച്ചു .

"അത് പിന്നെ ചേട്ടാ വിശന്നപ്പോ..മഴ ...ബിരിയാണി..ദാഹിച്ചപ്പോ .."

"ഹ്മ്മ് ...ഹ്മ്മ് ..ദാഹിച്ചപ്പോ വോഡ്ക ?" ഞാൻ അമലയെ നോക്കി ചോദിച്ചു

"അല്ല ബാഗിൽ വെള്ളമാണെന്നു വച്ച് ഒരു കുപ്പി എടുത്തപ്പോ ...ഇവിടെ വന്നപ്പോ ..."അമല കിടന്നു കഷ്ടപ്പെട്ടു

ഞാൻ അമലയുടെ കൈയിൽ ഇരിക്കുന്ന ഗ്ലാസ് വാങ്ങി ബാക്കി ഉണ്ടായ വോഡ്ക വലിച്ചു ."അആഹ് ...ഒന്നൂടെ ഒഴി "   ഞാൻ പറഞ്ഞത് കേട്ട് അമല കിളി പറന്ന ഭാവേനെ എന്നെ നോക്കി . "ഒന്നൂടെ ഒഴിക്ക് പെണ്ണെ " ഞാൻ അമലയോടു പറഞ്ഞു .

അമല ഒഴിച്ചത് ഞാൻ പെട്ടെന്ന് കാലിയാക്കി . "ആഹാ കറക്റ്റ് അളവ്. അപ്പൊ ഇത് സ്ഥിരാലെ " ഞാൻ രണ്ടിനേം നോക്കി

"അയ്യോ ഇല്ല ചേട്ടാ സ്ഥിരമോന്നുമല്ല , ആഴ്ചയിൽ ഒരു തവണ " എൽനയുടെ നാവിൽ നിന്ന് ചാടി .അമല അവളെ കണ്ണുരുട്ടി കാണിച്ചു .

"അല്ല ചേട്ടാ ഇതാദ്യമാ "എൽന കിടന്നു ഉരുണ്ടു .

"ഓക്കെ എങ്കിൽ ഞാൻ ജോസപ്പേട്ടനെ ഒന്ന് കാണട്ടെ " ഞാൻ എഴുനെക്കാൻ പോയി ."അയ്യോ ഇരിക്ക് ഹരി " അമല കൈയിൽ കയറി പിടിച്ചു .

"എടൊ..ഇയാള് പ്രശ്നാക്കല്ലേ." അമല എന്റെ കൈയിൽ പിടിച്ചുകൊണ്ട് തന്നെ പറഞ്ഞു .

"എന്നാ എനിക്ക് ഒരു കാര്യം വേണം "

"എന്ത് ?" അമലയും എൽനയും മുഖത്തോടു മുഖം നോക്കി.

"എനിക്കാ മുട്ട വേണം "

"എന്തൂട്ട് ?" അമല കിളി പോയ പോലെ ചോദിച്ചു

"എടി പെണ്ണെ എനിക്കാ ബിരിയാണിയിൽ മുട്ട വേണമെന്ന് .വിശന്നിട്ട് വയ്യ "

അമലയും എൽനയും കുടു കൂടാ ചിരിച്ചു "ഇന്നാ മുട്ട മാത്രം ആക്കണ്ട ഫുൾ എടുത്തോ എന്ന് പറഞ്ഞു ബിരിയാണി എനിക്ക് നേരെ നീട്ടി .

"ഒരു രണ്ടു ഗ്ലാസ്സെ ഉള്ളു ?" ഞാൻ ചിക്കൻ കഷ്ണം കടിച്ചു വലിച്ചു