Chapter Title : അഹം [നൈമ]

ഒരു ചായ കച്ചവടക്കാരനെ പോലും കണ്ടില്ല .

"അയ്യോ എനിക്ക് വിശന്നിട്ട് വയ്യേ "എൽന കിടന്നു കുട്ടികളെ പോലെ വാശി പിടിച്ചു .

"ഒന്ന് മിണ്ടാതെയിരിക്ക് പെണ്ണെ ...വല്ലതും കിട്ടോന്നു നോക്കട്ടെ "അമല എൽനയുടെ വാ അടപ്പിച്ചു .

"റയിൽവേ സ്റ്റേഷന് മുന്നിൽ പോയി നോക്കിയാലോ അമലാ ? എന്തേലും കാണാതിരിക്കില്ല വല്ല വടയോ ചായയോ " ഞാൻ പറഞ്ഞത് കേട്ട് അമലയും തലയാട്ടി .

"അയ്യേ വടയോ ?" എൽന കട്ടിയിൽ എന്തോ ആണ് പ്രതീക്ഷിച്ചത്

"അല്ല നിനക്ക് ബിരിയാണി താരാം "അമല എൽനയെ നോക്കി ഒന്ന് ആക്കി പറഞ്ഞു "മര്യാദയ്ക്ക് മിണ്ടാതെ ഇരുന്നോ അല്ലേൽ ദേ ഈ ഹരിയെക്കൊണ്ട് നിന്നെ ഒന്നൂടെ പ്ലക്കിച്ചു ബോധം കളഞ്ഞു കിടത്തും പറഞ്ഞേക്കാം "അമല എൽനയെ ഒരു കുസൃതി ചിരിയോടെ ഭീഷണി പെടുത്തി .

ഞങ്ങൾ മൂന്നും ചിരിച്ചുകൊണ്ട് സ്റ്റേഷനിന്റെ മുൻ വശം ലക്ഷ്യമാക്കി നടന്നു ."ഇനി ഒന്നും കിട്ടിയില്ലേൽ അമല പറഞ്ഞ ഐഡിയയ്ക്ക് ഞാൻ റെഡി ആട്ടോ "ഞാൻ എൽനയുടെ കാതിൽ പറഞ്ഞു

"അയ്യടാ” എന്ന് പറഞ്ഞു അവൾ എന്റെ കൈയിൽ ഒന്ന് നുള്ളി .

ഭാഗ്യം മുന്നിൽ ഒരു തട്ടുകട .നേരെ ചെന്ന് ഓരോ ഡബിൾ ഓംലെറ്റും കട്ടനുമടിച്ചു ഞങ്ങൾ .

"ചേട്ടാ ഒന്ന് വീതം ഞങ്ങൾക്ക് മൂന്നാൾക്ക് ഒന്നൂടെ അടിച്ചോ " ഞാൻ തട്ടുകടക്കാരനോട് പറഞ്ഞു

ആ സമയത്താണ് ഒരു തേച്ചു വടി പോലെ നിൽക്കുന്ന ഒരു ഷർട്ടും അതുപോലെ തന്നെയുള്ള ഒരു പാന്റുമിട്ട് ഒരു പുള്ളി അങ്ങോട്ടേയ്ക്ക് വന്നത് .

"എന്തുവാടോ ഒരു വൃത്തിയില്ലല്ലോ "വന്നയുടനെ അയാള് തട്ടുകടക്കാരനെ ചൊറിഞ്ഞു .

"മഴയല്ലേ സാറേ അതുകൊണ്ട് വെള്ളം കെട്ടി കിടക്കുനതാ " അയാളെ നോക്കി തട്ടുകടക്കാരൻ പറഞ്ഞു .

"പിന്നെ മഴയില്ലേൽ ഭയങ്കര വൃതിയല്ലേ "അയാള് വീണ്ടും ചൊറിഞ്ഞു . തട്ടുകടക്കാരന്റെ മുഖത്ത് നിന്ന് അത് പിടിച്ചില്ല എന്ന ഭാവമുണ്ടായിരുനെങ്കിലും അയാള് ഒന്നും മിണ്ടിയില്ല .

ഞാനും എൽനയും അമലയും ഭക്ഷണം കഴിച്ചു കഴിഞ്ഞു ഓരോ കട്ടൻ കൂടി കുടിച്ചു ."അകത്തു പോയപ്പോ പേടിച്ചു