Chapter Title : ഐശ്വര്യാർത്ഥം 3 [സിദ്ധാർഥ്]

പറഞ്ഞില്ലേ, ക്ലിപ്പ് എടുക്കാൻ....."

"അത് കള്ളം, അന്ന് നി ക്ലിപ്പ് കുത്താതെ ആണ് വന്നേ എനിക്ക് ഓർമ്മയുണ്ട്....."

"ഓഹ് ആണോ, അപ്പൊ ഞാൻ മറന്നത് ആവും....."

"ആണോ, ശെരിക്കും. ഇങ്ങോട്ട് നോക്ക്...."

അവൻ അവളുടെ താടിയിൽ പിടിച്ച് മുഖം ഉയർത്തി. അവൾ അവന്റെ നോക്കി.അവളുടെ നിഷ്കളങ്കമായ മുഖവും വിറക്കുന്ന ചുണ്ടുകളും.ജീവനിൽ വികാരങ്ങൾ അണപൊട്ടാൻ തുടങ്ങിയിരുന്നു. ദിയ അവന്റെ അടുത്തേക്ക് നീങ്ങി ഇരുന്നു. അവന്റെ കൈ അവളുടെ കവിളിൽ പൊതിഞ്ഞു പിടിച്ചു.

"ടിങ്ക് ടിങ്ക്...."

പെട്ടന്ന് പുറത്ത് കാളിങ് ബെൽ അടിച്ചു. അത് കേട്ട് അവർ രണ്ടുപേരും ഒരുപോലെ ഞെട്ടി മാറി.ജീവൻ എഴുനേറ്റ് ചെന്ന് വാതിൽ തുറന്നു. അത് സാന്ദ്രയായിരുന്നു. ഒട്ടും പ്രതീക്ഷിക്കാതെ അവളെ കണ്ടപ്പോ അവൻ ഒന്ന് ഞെട്ടി.

"ഹലോ ഡോക്ടർ സാർ....!"

"സാന്ദ്ര, എന്താ ഇവിടെ.....?"

"രണ്ട് കാര്യങ്ങൾ. ഒന്ന് നിങ്ങളുടെ മെഡിസിൻ റിപ്പോർട്സിൽ കുറച്ച് കറക്ഷൻ ഉണ്ടായിരുന്നു. സൊ ഡിപ്പാർട്മെന്റിൽ ചെന്നപ്പോ ജീവൻ ഇന്ന് ഓഫ്‌ ആണെന്ന് പറഞ്ഞു. അപ്പൊ റെക്കോർഡിൽ നിന്ന് അഡ്രസ്സ് തപ്പി പിടിച്ചു. രണ്ട്... എനിക്ക് ജീവനെ ഒന്ന് ഒറ്റക്ക് കാണണമെന്ന് തോന്നി....."

"അഹ്... ഓഹ്...."ജീവൻ നിന്ന് പരുങ്ങി.

"എന്താ വീട്ടിൽ വന്നയാളെ അകത്തേക്ക് വിളിക്കുന്നില്ലേ....."

അതും പറഞ്ഞ് അവൾ തന്നെ അകത്തേക്ക് കയറി. എന്നാൽ സോഫയിൽ ദിയ ഇരിക്കുന്നത് കണ്ട് അവൾ ഒന്ന് ഞെട്ടി.

"ഓഹ് സോറി, ഞാൻ കരുതി ജീവൻ. ബൈ ദി ബൈ ഐയാം സാന്ദ്ര...."

അവൾ ദിയക്ക് നേരെ കൈ നീട്ടി. ദിയ മടിച്ച് അവൾക്ക് കൈ കൊടുത്തു.

"യു ആർ സൊ ക്യൂട്ട്. എന്നെ മനസിലായി കാണില്ല. ഞാൻ ജീവന്റെ ഹോസ്പിറ്റലിന്റെ എംഡിയുടെ വൈഫ് ആണ്. ജീവൻ എന്നെ പറ്റി പറഞ്ഞു കാണും അല്ലെ....?"

"അഹ് ആ...."ദിയ ഒന്നും അറിയാതെ ചുമ്മാ മൂളി.

"ഞാൻ ജീവനോട് ഒരു റിപ്പോർട്ട്‌ വാങ്ങാൻ വന്നതാ. എന്തായാലും വന്ന സ്ഥിതിക്ക് പറഞ്ഞേക്കാം. നാളെ ഒരു ഫങ്ക്ഷൻ ഉണ്ട്. ജീവനോട് പറഞ്ഞിട്ടുണ്ട്. രണ്ട് പേരും വരണം ഓക്കേ...."

അത് കേട്ട് ജീവൻ ഒന്ന് ഞെട്ടി. ദിയ തന്റെ ഭാര്യ ആണെന്നാണ്