Chapter Title : അലീവാൻ രാജകുമാരി 2 [അണലി]

മുന്നിൽ നിൽക്കുന്ന ഇവൻ ..

ഹോക : ഇവൻ ഒരു ചിത്രകാരൻ ആണ്....... ആയുധം കൊണ്ട് മരണത്തിന്റെ ചിത്രം വരക്കുന്ന ഒരു ചിത്രകാരൻ. അകിനോവ് രാജാവിന്റെ ആയുധ പുരയിലെ ഏറ്റവും മൂർച്ചയുള്ള ആയുധം... ഹാനികരമായ ഒരു ഇരു തല വാൾ .... ദൈവസമാനമായ യുദ്ധവീരൻ, ഇവന്റെ പാദം പതിഞ്ഞ മണ്ണ് എല്ലാം രക്ത സാഗരവും ജഡ കൂമ്പാരവും ആയ ചരിത്രം ആണ്, യുദ്ധഭൂമിയിൽ അവന്റെ മുന്നിൽ തന്റെ പ്രിയപ്പെട്ടവർ ചെന്ന് പെടാതിരിക്കാൻ ആണ് ശത്രു രാജ്യത്തെ സ്ത്രീകളും കുട്ടികളും മനസ്സ് ഉരുകി പ്രാർത്ഥിക്കുക .... രാജകുമാരി അലീവാന്റെ സേനാ തലവൻ, ഇവന്റെ പേര് ഇത്തയാസ്.

ഇരുനൂറു കാൽ മുട്ടുകളും ഒരുമിച്ചു നിലത്തെ ചുംബിച്ചു... അവരുടെ കണ്ണുകൾ മങ്ങി... കാലും കൈയും വിറച്ചു.... കേട്ട് മറന്ന കെട്ടു കഥകളിലെ അപരിഷ്‌കൃതൻ. അവരുടെ ശ്വാസം തടസ്സപ്പെട്ടു, ആ രാത്രിയുടെ തണുപ്പിലും മുഖത്തു കൂടെ വിയർപ്പു തുള്ളികൾ ഒഴുകി ഇറങ്ങി ...

പുറകിലൂടെ വന്ന് വളഞ്ഞ സൈന്യം അവരെ ബന്ധികൾ ആക്കിയപ്പോഴും അവരുടെ ഉള്ളിൽ മുന്നിൽ നിന്ന ഘാതകന്റെ കൈയിൽ നിന്നും രക്ഷപ്പെട്ട ആശ്വാസം ആയിരുന്നു..

ഇത്തയാസിനും അവന്റെ പിച്ചള വാളിനും നിരാശയും.. അവൻ കൈയിൽ ഇരുന്ന മനുഷ്യ തലയോട്ടി കൈയിൽ ഞെക്കി പൊട്ടിച്ചു കളഞ്ഞു...

അവരെ അലീവാൻ കുമാരിയുടെ മുന്നിൽ പടയാളികൾ കൊണ്ടു ചെന്നു..

അലീവാൻ : ഹോകയുടെ കൂടെ ഉണ്ടാരുന്ന എല്ലാവരെയും അശ്‌മരി കാരാഗൃഹത്തിൽ അടക്കു.... ഹോകയെ മാത്രം ജനങ്ങൾ കാണുന്ന എവിടെ എങ്കിലും വെച്ച് തല വെട്ടി എടുത്ത് ദുലക് ഗ്രാമത്തിന്റെ കവാടത്തിൽ കുത്തി വെക്കു... ആളുകൾ