Chapter Title : അല്ലുവിന്റെ മായികലോകം 3 [അഖിലേഷേട്ടൻ]

മാമന്റെ മുന്നിൽ നിന്ന് എന്നെ രക്ഷിച്ചെടുക്കാൻ വേണ്ടി പറഞ്ഞ കള്ളം ഇങ്ങേരു സത്യമാണെന്നാണ് വിചാരിച്ചിരിക്കുന്നത്. അതേതായാലും നന്നായി.. ക്‌ളാസിലെ കുറെ കുട്ടികൾക്ക് ബൈക്ക് ഓടിക്കാൻ അറിയാം.

എനിക്കും അവരെ പോലെ ബൈക്ക് പഠിക്കണമെന്നുണ്ടായിരുന്നു. പക്ഷെ അതിനിതുവരെ അവസരം കിട്ടിയില്ല എന്ന് മാത്രം.

" നീയെന്താ.. ആലോചിച്ച് നിക്കുന്നെ.. എന്തെ വേണ്ടേ..? "

മാമന്റെ ചോദ്യം പെട്ടെന്നെന്നെ ഉണർത്തി.

" ഉവ്വ്.. വേണം പക്ഷെ ഇവിടെ മുറ്റത്ത് പറമ്പിലെ അടക്കയും നാളികേരവും കൂട്ടിയിട്ടിരിക്കുകയല്ലേ..

അപ്പൊ പിന്നെ എന്താ ചെയ്യാ.. "

" ഉം.. അതു ശരിയാണല്ലോടാ .. "

അതും പറഞ്ഞു മാമൻ എളിയിൽ കയ്കുത്തി നിൽക്കുമ്പോഴാണ് ഇന്ദുച്ചേച്ചി അങ്ങോട്ട് വന്നത്.ഒരു വെള്ളയിൽ വയലറ്റ് പൂക്കളുള്ള മാക്സിയാണ് ധരിച്ചിരിക്കുന്നത്.

കയ്യിൽ ഒരു ഗ്ലാസ്‌ ഉണ്ട്. മാമന്നുള്ള കട്ടനാണെന്ന് തോന്നുന്നു ..

ഇന്നലത്തെ സംഭവത്തോടെ എനിക്ക് ചേച്ചിയോട് വെറുപ്പായിരുന്നു. ഞാൻ അവരുടെ മുഖത്ത് നോക്കാതെ തല തിരിച്ചു.

" ഏട്ടാ.. ഇതാ ചായ.. "

മാമൻ ചേച്ചിയുടെ കയ്യിൽ ചായമേടിച്ച് അവിടെയുള്ള തിണ്ടിന്മേൽ ഇരുന്നു.

" എന്തുപറ്റി... എന്താ ഏട്ടാ .. അല്ലുവിനെ വണ്ടിയോടിക്കാൻ പഠിപ്പിക്കുന്നില്ലേ...? "

" ആ വേണം.. പക്ഷെ ഒരു പ്രശ്നമുണ്ടെടി.. നമ്മുടെ മുറ്റത്ത് വെച്ച് പഠിപ്പിക്കാം എന്ന കരുതിയിരുന്നത്. പക്ഷെ ഈ കണ്ട അടക്കേടേം തേങ്ങേടേം കാര്യം ഓർത്തില്ല... "

" അതിനെന്താ പുറത്ത് പോയി പഠിപ്പിക്കണം... "

" പുറത്തെവിടെ...?!! "

ചേച്ചിയുടേം ചേട്ടന്റേം വർത്താനം കേട്ട് ഞാൻ ചുമ്മാ മാമനിരിക്കുന്ന തിണ്ടിന്റെ എതിർ വശത്തുള്ള തിണ്ടിൽ കൈകെട്ടി ഇരുന്നു.

കുറച്ച് നേരം ചിന്തിച്ചിട്ട് ഇന്ദുവേച്ചി തുടർന്നു...

" ആ..

അന്നേട്ടൻ പറഞ്ഞില്ലേ നമ്മുടെ വീടിന്റെ ബാക്കിലുള്ള മൺ റോഡിലൂടെ പോയാൽ ഒരു പറമ്പ് ഉണ്ടെന്ന് ...അങ്ങോട്ട് പൊയ്ക്കൂടേ...? "

" മ്മ്.. അവിടെ ഒരു വലിയ പറമ്പൊക്കെയുണ്ട് ..

പക്ഷെ ഇവിടുന്നല്പം

ദൂരം ഉണ്ട് പോരത്തതിന് ഒരു ചെറിയൊരു കുന്നും കയറണം ....വേണ്ട അങ്ങോട്ട് പോവണ്ട ..? "

"അതെന്തേ ഏട്ടാ...? "

"അവിടെ ആളും മനുഷ്യനുമൊന്നും ഇല്ലാത്ത സ്ഥലമാ.. പോരത്തിന് വണ്ടിയുടെ