Chapter Title : അല്ലുവിന്റെ മായികലോകം 4 [അഖിലേഷേട്ടൻ]

ഒരു കവിൾ ഇറക്കി കൊണ്ട് ചേച്ചിയോട് പറഞ്ഞു.

" ആ .. പിന്നെ ഇന്ദു.. എനിക്ക് ഇനി ചിലപ്പോൾ അച്ഛൻ കൂടെയുള്ളതുകൊണ്ട് പെട്ടെന്ന് വരാൻ പറ്റിയെന്ന് വരില്ല . അത് കൊണ്ട് ഞാൻ വരാൻ ഇച്ചിരി വൈകും.. അല്ലു ഉണ്ടാവും നിനക്ക് കൂട്ടിന്ന്.. "

മാമനത് പറഞ്ഞപ്പോൾ ചേച്ചി എന്റെ മുഖത്തേക്ക് നോക്കി പുരികം ഉയർത്തി കാണിച്ചു. ഞാൻ ചുമ്മാ ചേച്ചിയെ നോക്കിയതേ ഉള്ളൂ..

" അപ്പൊ ഏട്ടാ.. അമ്മയും ചേച്ചിയുമൊക്കെ എപ്പഴാ വരാ..?.!!"

ചേച്ചിയുടെ മനസ്സിൽ അവര് വരുന്ന സമയം അറിയാനുള്ള വ്യഗ്രതയിലാണ് അങ്ങനെ ചോദിച്ചതെന്ന് എനിക്ക് മനസ്സിലായി..

" വല്യമ്മാവൻ നമുക്ക് അകന്ന ആളൊന്നും അല്ലല്ലോ മോളെ.. പെട്ടെന്നങ്ങ് പോരാനൊക്കെ പറ്റോ..? "

മുത്തശ്ശൻ വസ്ത്രം മാറി ഉമ്മറത്തേയ്ക്ക് വന്ന് കൊണ്ടിരിക്കെ പറഞ്ഞു. മുത്തശ്ശനെ കണ്ടപ്പോൾ മാമൻ വേഗം വണ്ടിയുടെ അടുത്തേക്ക് നടന്നു വണ്ടി സ്റ്റാർട്ട്‌ ചെയ്തു. എന്നിട്ട് തിരിഞ്ഞ് ചേച്ചിയോടായി പറഞ്ഞു.

" നിങ്ങൾ പേടിക്കണ്ട.. അമ്മ ചിലപ്പോൾ ഇന്ന് വരണ്ടാവില്ല. ചേച്ചിയെം അമ്മുവിനേം ഞാൻ ഏതെങ്കിലും ഓട്ടോയിൽ കയറ്റി വിടാം.. പോരെ.. "

" ഹേയ്.. എനിക്ക് പേടിയൊന്നുമില്ല ഏട്ടാ.. അവര് പതിയെ വന്നാൽ മതി. എനിക്ക് അല്ലുവുണ്ടല്ലോ കൂട്ടിന്.. "

"ആ.. ശരി എന്നാൽ.."

അതും പറഞ്ഞു മാമൻ ബൈക്കിൽ മുത്തശ്ശനേം ബാക്കിലിരുത്തി ഓടിച്ചു പോയി.

ചേച്ചി മാമൻ കുടിച്ച ചായ ഗ്ലാസുമായി അകത്തേക്ക് പോയി. ഞാൻ അകത്തേക്ക് കയറാൻ നിന്നില്ല.

ഇനിയുള്ള കുറച്ചു മണിക്കൂറുകൾ ഞാനും ചേച്ചിയും ഒറ്റയ്ക്ക് ഇങ്ങനെ ഒരവസരം ഇനി ജീവിതത്തിൽ കിട്ടില്ലെന്ന് ഞാൻ ആലോചിച്ചു.