Chapter Title : അമ്മ റെന്റൽസ് 1 [Bijo John]

അച്ഛൻ അവിടെ മരുഭൂമിയിൽ ട്രക്ക് ഓടിച്ച് കഷ്ടപ്പെടുന്നത് നിനക്ക് വിലകൂടിയ കളിപ്പാട്ടങ്ങൾ വാങ്ങിത്തരാനല്ല."

"അമ്മേ, രാഹുലിന്റെ കയ്യിലൊക്കെ പുതിയ ഐഫോൺ മോഡലുകളാണ്. എല്ലാവരും എന്നെ പുച്ഛത്തോടെയാണ് നോക്കുന്നത്. എനിക്കൊരു വിലയുമില്ലാത്ത പോലെ..."

"പുച്ഛിക്കുന്നവർ പുച്ഛിക്കട്ടെ! നീ വല്ല ജോലിക്കും പോകുന്നുണ്ടോ? " അമ്മ വീണ്ടും ഉത്തരക്കടലാസ് കയ്യിലെടുത്തു. "ഈ പേപ്പറിൽ എഴുതിയിരിക്കുന്ന ഉത്തരങ്ങൾ പോലെ തന്നെയാണ് നിന്റെ ആവശ്യങ്ങളും—യാതൊരു അർത്ഥവുമില്ലാത്തവ. നീ പോയി വല്ല പണിയും നോക്ക്."

"എപ്പോഴും ഇത് തന്നെയാണല്ലോ പറയുന്നത്!" എന്റെ ശബ്ദം അറിയാതെ ഉയർന്നു. ഉള്ളിൽ സങ്കടവും ദേഷ്യവും ഒരുപോലെ ഇരച്ചുകയറി.

"മതി... പറഞ്ഞത് കേട്ടല്ലോ. എന്റെ സമയം കളയാതെ പോ" അമ്മ വീണ്ടും ഒരു തെറ്റായ ഉത്തരത്തിന് നേരെ ക്രൂരമായി ചുവന്ന വര വരച്ചു.

അമ്മയുടെ ആ നിഷേധം എന്റെ ഉള്ളിൽ വലിയൊരു മുറിവായി മാറി. എന്റെ ആഗ്രഹങ്ങളേക്കാൾ അമ്മയ്ക്ക് വില ആ ഉത്തരക്കടലാസുകൾക്കാണെന്ന് എനിക്ക് തോന്നി. ആ ചുവന്ന മഷി കൊണ്ട് അവർ എന്റെ സ്വപ്നങ്ങളെയും വെട്ടിത്തിരുത്തുകയാണോ?

അമ്മയുടെ വാക്കുകൾ ഉള്ളിൽ തറഞ്ഞു നിൽക്കുന്നത് കൊണ്ട് ഞാൻ മട്ടുപ്പാവിലെ ഒഴിഞ്ഞു കിടന്ന കസേരയിൽ തന്നെ അഭയം പ്രാപിച്ചു. അപ്പോഴാണ് മുറ്റത്ത് ഒരു വണ്ടി വന്നു നിൽക്കുന്ന ശബ്ദം കേട്ടത്. നോക്കിയപ്പോൾ അച്ഛന്റെ അകന്ന ബന്ധുവായ സെബാസ്റ്റ്യൻ അങ്കിളാണ്.

അങ്കിളിനെ കണ്ടാൽ തന്നെ ഒരു പ്രൗഢിയാണ്. വെളുത്ത ജൂബയും മുണ്ടും, കണ്ണിൽ നേർത്ത ഫ്രയിമുള്ള ഗ്ലാസ്. ഗൾഫിൽ കുറേക്കാലം ബിസിനസ് ഒക്കെ നടത്തിയിട്ട് ഇപ്പോൾ നാട്ടിൽ സെറ്റിൽഡ് ആണ്. കാറിന്റെ ഡിക്കി തുറന്ന് അദ്ദേഹം രണ്ടു വലിയ കവറുകൾ പുറത്തെടുത്തു.

"മെർലിൻ..." ഹാളിലേക്ക് കയറിച്ചെന്നു കൊണ്ട് അദ്ദേഹം ഉറക്കെ വിളിച്ചു.

അമ്മ പേപ്പർ നോക്കുന്നത് നിർത്തി വേഗം എഴുന്നേറ്റു വന്നു. "ആ സെബാസ്റ്റ്യൻ ചേട്ടാ... എന്താ ഈ വഴിക്ക്?"

കൈയിലിരുന്ന കവറുകൾ മേശപ്പുറത്തേക്ക് വെച്ച് അദ്ദേഹം ചിരിച്ചു. "നാളെ ക്രിസ്മസ് അല്ലേ? ഞങ്ങൾക്ക് വേണ്ടി കുറച്ച് സാധങ്ങൾ വാങ്ങാൻ പോയതാ എടുത്തപ്പോൾ പിന്നെ കുറച്ച ഇവിടെത്തേക്കും ഇരിക്കട്ടെ എന്ന് കരുതി. നല്ല നാടൻ കോഴിയും ബീഫും ഉണ്ട്."

"ഇതൊക്കെ എന്തിനാ ചേട്ടാ... ജോൺ