ശ്യാമിനെ ഇന്നും രാവിലെ തന്നെ പ്രിൻസിപ്പാൾ മാഡം റൂമിലേക്ക് വിളിപ്പിച്ചു, ശ്യാം പ്രിൻസിപ്പാൾ ശിവാനി മാഡത്തിന്റെ മുറിയിലേക്ക് ചെന്നു. മാഡം, കംപ്യൂട്ടറിൽ എന്തോ ചെയ്തു കൊണ്ടിരിക്കുന്ന നേരത്ത് ശ്യാം റൂമിലേക്ക് കയറി ചെന്നു. ശ്യാമിനെ കണ്ട ശിവാനി അവനെ മൈൻഡ് ചെയ്യാതെ കംപ്യൂട്ടറിൽ തന്നെ നോക്കി ഇരുന്നു, കുറേ നേരം അവിടെ നിന്നിട്ട് ശ്യാം പതുക്കെ ചോദിച്ചു. ശ്യാം : - മാം, ഞാൻ ക്ലാസ്സിൽ കയറിക്കോട്ടെ? ശിവാനി : - (ശ്യാമിനെ നോക്കി, കണ്ണട അഴിച്ചു ടേബിളിൽ വെച്ചു എന്നിട്ട് എഴുന്നേറ്റ് വന്നു അവന്റെ അടുത്ത് നിന്നു തോളിൽ കൈ വെച്ചു അല്പം സ്നേഹത്തോടെ ചോദിച്ചു) നിന്നെ ഞാൻ എന്താണ് ചെയ്യേണ്ടത് ശ്യാം? ഡൈലി നീ ഇങ്ങനെ ഓരോന്ന് ഒപ്പിച്ചു വെച്ചാൽ ഞാൻ നിന്റെ അമ്മയെ വിളിച്ചു പറയേണ്ടി വരും, അവൾക്ക് ടെൻഷൻ ആവുമല്ലോ എന്ന് ഓർത്തു ഞാൻ ഒന്നും പറയാഞ്ഞിട്ടു ആണ്. ശ്യാം : - മാം ഇനി ഉണ്ടാവില്ല. ശിവാനി : - ഇത് തന്നെ അല്ലേ നീ എപ്പോഴും പറയാറുള്ളത്? നീ ഇന്നും ഹോസ്റ്റലിൽ തല്ല് ഉണ്ടാക്കി, രണ്ട് ദിവസം മുൻപും ഇത് തന്നെ അവസ്ഥ. ശ്യാം : - ആദ്യം അവർ ആണ് തുടങ്ങി വെച്ചത്, വേറെ വഴി ഇല്ലാതെ ഞാൻ തിരിച്ചു തല്ലിപ്പോയത് ആണ് . ശിവാനി : - നിനക്ക് അറിയാലോ ?എന്റെ ഒരേ ഒരു റിസ്കിൽ ആണ് നിന്നെ നിന്റെ അമ്മ ഇങ്ങോട്ട്