Chapter Title : അമ്മയുടെ ചതി [ഫയർമാൻ]

ഉദ്യോഗസ്ഥന് അതുകൊണ്ടുതന്നെ  ശത്രുക്കളും ധാരാളമുണ്ടായിരുന്നു. അതിൽ രാഷ്ട്രീയത്തിലെ ഉന്നത നേതാക്കന്മാരും സമൂഹത്തിലെ പ്രമാണിമാരുമുണ്ടായിരുന്നു. അവരുടെയെല്ലാം വളരെ കാലമായുള്ള  ഗൂഢാലോചനയുടെ ഫലമാണ് ഇപ്പൊ ആ വീട്ടിൽ  നടന്നത്.

ഏതോ ഒരു കള്ളക്കേസിൽ അയാളെ നിഷ്പ്രയാസം അവർ പൂട്ടി. ശത്രുക്കളായി മറുവശത്ത് നിന്നിരുന്നവർ അതിശക്തന്മാരായിരുന്നു. അതുകൊണ്ടു തന്നെ പോലീസും മറ്റ് മാധ്യമങ്ങളും എല്ലാം അവർക്കൊപ്പം നിന്നു .പ്രസാദിനെ  അവർ റിമാൻഡ് ചെയ്തു ഇരുട്ടിൽ തള്ളി.

പ്ലസ് ടൂവിൽ പഠിക്കുന്ന പ്രണവിനോ വെറും 36 വയസ്സുള്ള വീട്ടമ്മയായ ആലീസിനോ ഒന്നും ചെയ്യാനാവാതെ നിസ്സഹായരായി നോക്കി നിൽക്കാനേ കഴിഞ്ഞുള്ളു. പ്രസാദിന്റെയും ആലീസിന്റേയും പ്രണയ വിവാഹമായിരുന്നു. അതിനാൽ ഇരുവീട്ടുകാരും അന്നും ഇന്നും ശക്തമായ എതിർപ്പിലായിരുന്നു. ഒരാവശ്യത്തിനു ബന്ധുക്കളോ നാട്ടുകാരോ പോലും കൂട്ടിനില്ലാത്ത അവസ്ഥ. ആകെയുള്ള ഒരു സപ്പോർട്ട് പ്രസാദിന്റെ അനിയൻ പ്രമോദായിരുന്നു.

അന്ന് വൈകിട്ട് പ്രമോദ് ആ വീട്ടിലേക്ക് ചെന്നു .

"പ്രണവേ .. ഏട്ടത്തി.. ആരെങ്കിലും വാതിൽ തുറക്ക്... " പ്രമോദ് പതുക്കെ വാതിലിൽ മുട്ടിക്കൊണ്ടു പറഞ്ഞു.

ആ വീട്ടിൽ പൂർണ്ണ നിശ്ശബ്ദതയായിരുന്നു. വാതിലും ജനലും എല്ലാം അടച്ചിരുന്നു. അകത്ത് ആളുണ്ടെന്ന് പോലും  പുറത്തറിയാത്ത അത്ര നിശബ്ദത.

പുറത്ത് വന്നത് പ്രമോദാണെന്ന് മനസ്സിലാക്കിയ ആലീസ് വാതിൽ തുറന്നു.

"വാതിലടച്ചോ.. വാതിലടച്ചോ.." അകത്ത് കേറിയ പ്രമോദ് ഒച്ച കുറച്ചു വാതിലടപ്പിച്ചു.

"പ്രണവ് എവിടെ.. " അകത്ത് കേറി ചുറ്റും നോക്കി പ്രമോദ് ചോദിച്ചു.

"രാവിലെ തൊട്ടു തുടങ്ങിയ കിടപ്പാ.. ഒരു തുള്ളി വെള്ളം പോലും കഴിച്ചിട്ടില്ല.. പ്രസാദേട്ടൻ ഇല്ലാത്തപ്പോ അവൻ കൂടി  ഇങ്ങനെ തുടങ്ങിയ ഞാനെന്തു ചെയ്യും.." ആലീസ് കണ്ണ് തുടച്ചുകൊണ്ട് ചോദിച്ചു; "