Chapter Title : അമ്മയുടെ ഓണം [അൻസിയ]

അവർ കഴിച്ചുകൂട്ടി..

ഇക്കുറി അനിയത്തി പത്താം ക്ലാസ്സിൽ ആണ് അവളുടെ സ്കൂളിൽ രണ്ടു മൂന്നു ദിവസത്തെ ആഘോഷം ഉണ്ട്... അവൾ മാത്രം പഴയതെല്ലാം ഇട്ട് പോകുന്നത് ഓർക്കാൻ കൂടി അവന് കഴിഞ്ഞില്ല... വീട്ടിൽ ചെന്ന് കയറി ഉണ്ണിക്കുട്ടൻ

"സുനിതെ.... " എന്ന് നീട്ടി വിളിച്ചു...

കുട്ടന്റെ വിളി കേട്ട് അവന്റെ അമ്മ സിന്ധു പുറത്തെക്ക് വന്നു....

"എന്തെ കുട്ടാ....???

"അമ്മെ സുനിത എവിടെ....??

"അവൾ കുളിക്കാൻ കയറി.... എന്തുപറ്റി...??

"ഹേയ്.... എന്ന അമ്മയും കുളിച്ച് റെഡി ആയിക്കോ നമുക്കൊന്ന് പുറത്ത് പോകാം...."

"പുറത്തോ.... എന്തിന്...??

"രണ്ടാം തിയ്യതി ഓണം അല്ലേ... ഡ്രസ്സ് എടുക്കാൻ.... "

"അതിന് എവിടുന്നാ കാശ്...??

"അതൊക്കെ എന്റെ കയ്യിൽ ഉണ്ട്.... നിങ്ങൾ വേഗം റെഡി ആയിക്കോ...."

"ഡാ.... കുറെ ആവില്ലേ....???

"അമ്മ അതൊന്നും ആലോചിക്കേണ്ട ഞാൻ പറഞ്ഞത് അങ്ങോട്ട് കേൾക്ക് .... ഞാൻ കുളത്തിൽ പോയി ഒന്ന് മുങ്ങി വരാം അപ്പോഴേക്കും നിങ്ങൾ ഒരുങ്ങിക്കോ...."

അതും പറഞ്ഞവൻ തോർത്തും എടുത്ത് മുറ്റത്തേക്ക് ഇറങ്ങി.... ഉണ്ണിക്കുട്ടൻ പോകുന്നതും നോക്കി സിന്ധു നിന്നു... പതിനേഴ് വയസ്സേ മകന് ആയിട്ടുള്ളു... അവന്റെ ചുമലിൽ ആണ് ഈ കുടുംബം... ചേട്ടൻ ഉണ്ടായിരുന്നെങ്കിൽ അവൻ ഇപ്പോഴും പഠിക്കാൻ പോകുക ആയിരിക്കും അവന്റെ വിധി..... പതിനെട്ട് തികയും മുന്നേ വീട്ടുകാരെ വിട്ട് വന്നതാ ചേട്ടന്റെ കൂടെ... പതിനാറ് കൊല്ലം ഒരുമിച്ചു ജീവിച്ചു .... കുട്ടന് പതിനാലും സുനിതക്ക് പന്ത്രണ്ടും വയസ്സുള്ളപ്പോ ചേട്ടൻ അങ്ങ് പോയി... മുപ്പത്തിയാറ് കഴിഞ്ഞ തന്റെ അവസ്ഥയോ....???

ഓരോന്ന് ആലോചിച്ച് നിൽക്കുമ്പോഴാണ് സുനിത കുളി കഴിഞ് പുറത്തേക്ക് വന്നത്...