Chapter Title : അമ്മയും മോളും മന്ത്രിയും [Bify]

വെള്ളഷർട്ടും കുഞ്ഞു സ്കർട്ടും ഇട്ട് കാലും തുടയും കാണിച്ചു വെള്ള സ്കൂട്ടറിൽ കോളേജിൽ പോയിരുന്ന ഡെയ്സിക്കും സ്വന്തമായി ഒരു ആരാധക സംഘം ഉണ്ടായിരുന്നു. അവളുടെ സ്കർട്ട് കാറ്റടിച്ചു മാറുന്ന കാഴ്ച്ച കാണാൻ അവർ മൊബൈൽ ക്യാമറയുമായി കാത്തു നിന്നു .

വീട്ടിൽ നിന്നും 5 കിലോമീറ്റര് അകലെ ആയിരുന്നു റിസോർട്ടിന്റെ സ്ഥലം. പള്ളിപോക്കുകാരുമായി ഉണ്ടായ കൂട്ട് പ്രദേശത്തെ മറ്റ് സ്ത്രീകളുമായുള്ള പരിചയത്തിലേക്കും സ്ത്രീ സ്വയം സഹായസംഘത്തിന്റെ നേതൃത്വത്തിലേക്കും ജീനയെ എത്തിച്ചു . റിസോർട്ടും ഒപ്പം നദിക്കരയിലെ മറ്റ് പ്രൊജെക്ടുകളിലും ഒരുപാടു പേർക്ക് ജോലി ജീനയും മാർക്കോസും വാഗ്‌ദാനം ചെയ്തിരുന്നു. ഉള്ള സമ്പാദ്യം മുഴുവൻ പദ്ധതിക്ക് തികയാതെ വന്നപ്പോൾ അവർ വീടും റിസോർട്ടിന്റെ സ്ഥലവും പണയം വച്ച് ലോൺ എടുത്തു. അതിനൊക്കെ അവരെ അന്ന് സഹായിച്ചത് തോമസ് പള്ളിക്കലും അയാളുടെ സഹായി മാത്തൻ പെരുമ്പാടിയും ആയിരുന്നു. അവരുമൊത്തു മിക്ക രാത്രിയും കുടിച്ചു പൂസായാണ് മാർക്കോസ് വീട്ടിൽ എത്തിയിരുന്നത്. വീടിന് താഴത്തെ കവലയിലെ പ്രസംഗമണ്ഡപത്തിൽ ഇരുന്ന് വെള്ളം അടിക്കുന്ന മൂവർക്കും രാത്രി ആരും വരാത്ത ആ റോഡിൽ പൂര്ണസ്വാതന്ത്ര്യം ഉണ്ടായിരുന്നു .പല തവണ ജീനയും ഡെയ്‌സിയും വഴക്ക് ഉണ്ടാക്കിയെങ്കിലും അതൊന്നും അയാൾ കാര്യമാക്കിയില്ല. അങ്ങനെ ഇരിക്കെ കടുത്ത ഇടതുപക്ഷക്കാരായ രണ്ടു പേർക്ക് മാർക്കോസ് ജോലി കൊടുത്തത് തോമസും മാത്തനുമായി ചില മുറുമുറുപ്പ് ഉണ്ടാക്കി. വെള്ളപ്പുറത്ത് ആ മുറുമുറുപ്പ് വഴക്കിലേക്കും തല്ലിലേക്കും എത്തി. കണ്ടാൽ സാജൻ പി ദേവിനെപ്പോലെ ഇരിക്കുന്ന മാത്തന്റെയും സി ജി രവിയെപ്പോലെ ഇരിക്കുന്ന തോമസിന്റെയും ഒപ്പം അധികനേരം തല്ലുപിടിക്കാൻ എലുമ്പനായ മാർക്കോസിന് കഴിഞ്ഞില്ല. അടികൊണ്ട് നിലത്തുവീണ മാർക്കോസ് എണീറ്റ് മുണ്ടിലെ പൊടിയും തട്ടിക്കളഞ്ഞു അവരെ പുലഭ്യം പറഞ്ഞുകൊണ്ട് കവലയിൽ നിന്ന് കയറ്റം കയറി വേഗത്തിൽ വീട്ടിലേക്ക് നടന്ന് പോയി.

വീട്ടിൽ വന്ന മാർക്കോസ് തോമസിനെയും മാത്തനെയും പച്ച തെറിവിളിച് കട്ടിലിൽ കയറി കിടന്നു .മാത്തന്റെ മകൻ ആൽവിനുമായി രഹസ്യമായി പ്രണയത്തിൽ ആയിരുന്ന ഡെയ്സിയെ ആ വഴക്ക് ഭയപ്പെടുത്തി.അച്ഛനോടും അമ്മയോടും പ്രായത്തിന്റേതായ ഒരു വെറുപ്പ് അവൾക്ക് ഉണ്ടായിരുന്നു.കൂട്ടുകാരെയും മറ്റും തുടർച്ചയായി വിട്ടുപോകേണ്ടിവന്ന അവൾ എല്ലാം അമ്മയുടെ തെറ്റായാണ് കണ്ടത്. അവൾ