Chapter Title : അനസൂയ [Krish]

ഇന്ന് ഇവിടെ തന്റെ കൂടെ കിടക്കാം എന്ന് സണ്ണി ചിലപ്പോൾ സ്വപ്നം കാണുന്നുണ്ടായിരിക്കുമെന്ന് അവൾക്ക് തോന്നി.
മനസ്സിൽ ചെറിയ ഒരു പേടി തോന്നാതിരന്നില്ല. പക്ഷേ ഒരു ചെറിയ കള്ളം സംരക്ഷിക്കാൻ വേണ്ടി ഏത് ബലപ്രയോഗത്തിനും താൻ വഴങ്ങി കൊടുക്കും എന്ന് അയാൾ വിശ്വസിക്കില്ല എന്ന് അവൾക്ക് ഉറപ്പുണ്ടായിരുന്നു. തന്റെ ഇഷ്ടത്തോടുകൂടി മാത്രമേ എന്തെങ്കിലും നടക്കൂ എന്ന് മനസ്സിലാക്കിയാൽ അയാൾക്ക് കൊള്ളാം. അവൾ സ്വയം ധൈര്യപ്പെടുത്തി.

"ഇത് മുഴുവനും സണ്ണിയുടെ പ്രോപ്പർട്ടി ആണോ?"
അനസൂയ ചോദിച്ചു.
"അതെ." അയാൾ പുഞ്ചിരിച്ചു. "അനസൂയക്ക് ഇഷ്ടപ്പെട്ടോ?"
"പിന്നെന്താ ഇഷ്ടമായി."
"എനിക്കത് കേട്ടാ മതി. എന്നാപ്പിന്നെ നമുക്ക് അല്പം ഇരിക്കാം അല്ലേ?"
സണ്ണി കിച്ചണിലേക്ക് പോയി രണ്ടുമൂന്നു കുപ്പികളും ആയി വന്നു.
സ്കോച്ച്, സോഡ, തണുത്ത വെള്ളം. എല്ലാമുണ്ട്.
"സണ്ണി എല്ലാ തയ്യാറെടുപ്പോടും കൂടിയാണല്ലോ."
"തനിക്കുവേണ്ടിയാടോ."
"ഞാൻ ഇങ്ങനെ ഇത്തരം കമ്പനി കൂടുന്ന ആളൊന്നുമല്ല കേട്ടോ."
"അതെനിക്കറിയാം. അത് നമ്മുടെ സന്തോഷം വർദ്ധിപ്പിക്കുകയേ ഉള്ളൂ."

സാധനങ്ങൾ സെന്റർ ടേബിളിൽ വച്ച് അയാൾ പിന്നെയും കിച്ചണിലേക്ക് പോയി. ഇത്തവണ രണ്ട് ഗ്ലാസുകളും ഒരു കാസറോളും കൊണ്ടാണ് മടങ്ങിവന്നത്.
"ഞാൻ കുറച്ചേ കഴിക്കൂട്ടോ. സണ്ണിയുടെ സന്തോഷത്തിനു വേണ്ടി മാത്രം."
അനസൂയ പറഞ്ഞു.
"താൻ നന്നായി കഴിക്കുന്ന ആളാണെന്ന് ഭരത് എന്നോട് പറഞ്ഞിട്ടുണ്ട്."

"അതൊക്കെ കുറെ പണ്ടാണ്. ഞങ്ങളുടെ ഹണിമൂൺ സമയത്ത്. ഇപ്പോ അങ്ങനെയൊന്നുമില്ല."
"എന്നാലും ഒരെണ്ണം ആവാം എൻറെ കൂടെ."
"അതും ഈ പട്ടാപകൽ..."
അനസൂയ മടിച്ചു.
"അടുത്ത തവണ നമുക്ക് രാത്രി അടിക്കാം."
"അയ്യടാ." അവൾ ചിരിച്ചു. "ചെക്കന്റെ പൂതി കണ്ടോ!"
"അനസൂയ എങ്ങനെ