Chapter Title : അനസൂയ [Krish]

ജയിക്കാൻ പറ്റാതെ വരുമ്പോൾ ഭരത് കയ്യൂക്ക് കൊണ്ടാണ് ജയിക്കാറ്.

ഒരിക്കൽ കരണത്ത് അടിച്ചിട്ട് മൂന്ന് ദിവസം അനസൂയ പനിച്ചു കിടന്നു. അവസാനം അയാളുടെ വാദം അംഗീകരിച്ചു കൊടുത്തപ്പോഴാണ് ഹോസ്പിറ്റലിൽ കൊണ്ടുപോകാൻ അയാൾ തയ്യാറായത്. പോരാത്തതിന് വഴക്കിന് ശേഷം കുറെ ദിവസത്തേക്ക് വാക്കുകൊണ്ട് നോക്കുകൊണ്ടും അവളെ പീഡിപ്പിച്ചു കൊണ്ടിരിക്കും. മിണ്ടാൻ പോലും പറ്റില്ല.

അതുകൊണ്ടുതന്നെ വല്ലാതെ തർക്കിക്കാൻ അനസൂയ ധൈര്യപ്പെടാറില്ല. ഭരതിന്റെ മുരട്ട് സ്വഭാവം കാരണം എല്ലാം വിട്ടിട്ടു പോയാലോ എന്ന് ചിലപ്പോഴൊക്കെ അനസൂയക്ക് തോന്നാറുണ്ട്. പക്ഷേ മക്കളെ ഓർത്തും അച്ഛനമ്മമാരെ ഓർത്തും എല്ലാം ക്ഷമിച്ച് അനസൂയ തന്നെ ഒതുങ്ങാറാണ് പതിവ്. ശാന്തമായിരിക്കുന്ന സമയത്ത് വലിയ സ്നേഹമാണ് താനും.

കയ്യിൽ അത്യാവശ്യം പൈസ ഒക്കെ ഉണ്ടെങ്കിലും ഭരത് അനുവിന് വേണ്ടി കൂടുതലൊന്നും സ്പെൻഡ് ചെയ്യാറില്ല. ഭയങ്കര പിശുക്കാണ്. കുട്ടികൾക്ക് പോലും എന്തെങ്കിലും വേണമെങ്കിൽ കുറെ പറയണം. അതിൻറെ നിരാശയും അവളിലുണ്ട്.

പക്ഷേ ഭർത്താവിൻറെ നിഴലിൽ ഒതുങ്ങി തീരാനൊന്നും അവൾക്ക് താൽപര്യമില്ല. എങ്ങനെയെങ്കിലും വല്ല ചില്ലറയും സംഘടിപ്പിക്കാൻ അവൾ അവളുടേതായ വഴികൾ ആലോചിക്കാറുണ്ട്. വീടിനു വടക്കുവശത്തായി ഒരു ചെറിയ കുളം അവൾ ഉണ്ടാക്കിയിട്ടുണ്ട്. വീട്ടിൽ വേലയ്ക്ക് വരുന്ന പരമുവിനെ കൊണ്ട് ആ കുളം അവൾ വൃത്തിയാക്കി അതിൽ മീൻ വളർത്തുന്നുണ്ട്.

ഒരു കിലോഗ്രാം ഭാരം വരുന്ന മീനുകളെ ഇടയ്ക്കിടയ്ക്ക് പരമുവിനെക്കൊണ്ടുതന്നെ മാർക്കറ്റിൽ കൊണ്ടുപോയി വിൽപ്പനയ്ക്ക് കൊടുക്കാറുണ്ട്. ഓണം ആകുമ്പോൾ വീടിൻറെ പിൻഭാഗത്തായി മഞ്ഞയും ഓറഞ്ചും മല്ലികപ്പൂക്കൾ ഉണ്ടാക്കി ടൗണിൽ കൊണ്ടുപോയി വിൽപ്പനയ്ക്ക് വയ്ക്കാറുണ്ട്. ഇങ്ങനെ ചെറിയതോതിൽ തനിക്കായി എന്തെങ്കിലും വരുമാനം കണ്ടെത്താൻ അനു എപ്പോഴും ശ്രമിക്കാറുണ്ട്.

തൻറെ കസിൻറെ കല്യാണത്തിന്