Chapter Title : അനസൂയ [Krish]

അനിതയുടെ ഇൻസ്റ്റാഗ്രാം ഫോട്ടോസ് കൂടി കണ്ടപ്പോൾ അനസൂയക്ക് അവളോടുള്ള മതിപ്പ് പിന്നെയും വർദ്ധിച്ചു.
എന്തൊരു മാറ്റമാണ് അനിതയ്ക്ക്. തന്റെ അത്രയും ഭംഗിയൊന്നും ഇല്ല. കഴിവും ഇല്ല. എന്നിട്ടും ഫംഗ്ഷനുകളിൽ നിറഞ്ഞു നിൽക്കുകയാണ് അവൾ.
ഗേൾസ് എന്ത് ഹാപ്പി ആയിട്ടാണ് അവളുടെ കൂടെ നിൽക്കുന്നത്. അവളുടെ കൂടെ നിന്ന് ഫോട്ടോ എടുക്കുന്നത് തന്നെ എന്തോ ഭാഗ്യമാണ് എന്ന് ഒരു തോന്നൽ അവരുടെയെല്ലാം മുഖത്തുണ്ട്.

അനിതയുടെ വാക്കുകൾ കേട്ടപ്പോൾ അനസൂയ ഒരു കാര്യം മനസ്സിൽ ഉറപ്പിച്ചു.
ഇനി ഭർത്താവിൻറെ മുമ്പിൽ കൈ നീട്ടേണ്ട ആവശ്യമില്ല.
ഒരു ലക്ഷം രൂപയുടെ സാധനങ്ങൾ പാക്ക് ചെയ്ത് ഡിസ്ട്രിബ്യൂട്ട് ചെയ്താൽ ചുരുങ്ങിയത് കാൽ ലക്ഷം രൂപ കിട്ടും. രണ്ടുമാസത്തിനകം രണ്ടോ മൂന്നോ ലക്ഷം രൂപയുടെ സാധനങ്ങൾ ഈസി ആയിട്ട് വിൽക്കാൻ പറ്റുമെന്നാണ് അനിത പറഞ്ഞത്. എൻറെ കൂടെയാണെങ്കിൽ ഹെൽപ്പ് ചെയ്യാൻ പരമു ഉണ്ടല്ലോ.
പക്ഷേ മൂലധനം കയ്യിലില്ല എന്നതായിരുന്നു പ്രശ്നം.
"ലോൺ എടുക്കാം. പേഴ്സണൽ ലോൺ ഒക്കെ ഈസി ആയിട്ട് കിട്ടും. "
അനിത പറഞ്ഞു.

അടുത്ത ദിവസം തന്നെ അനസൂയ ബാങ്കിലേക്ക് പോയി. ലോൺ കിട്ടുമോ എന്നറിയാൻ.
നന്നായി മേക്കപ്പ് ഒക്കെ ഇട്ട് ഒരു സിനിമ സ്റ്റാറിനെ പോലെയാണ് പോയത്.
ലുക്ക് മാത്രമേയുള്ളൂ. അതു കണ്ടിട്ടെങ്കിലും ലോൺ കിട്ടട്ടെ. അവൾ കരുതി.
മാനേജർ ഒരു ചെറുപ്പക്കാരൻ ആയിരുന്നു. അയാൾക്ക് തന്നെ ഇഷ്ടപ്പെട്ടു എന്ന് അയാളുടെ നോട്ടം കണ്ടപ്പോൾ അനസൂയക്ക് മനസ്സിലായി.
പക്ഷേ അതുകൊണ്ട് കാര്യമുണ്ടായില്ല.

"ഇത് മാർച്ച് മാസമാണ് മാഡം. സാമ്പത്തിക വർഷം അവസാനിക്കുന്നത് കൊണ്ട് ഈ മാസം ഞങ്ങൾ ലോൺ കൊടുക്കുന്നില്ല.