Chapter Title : അഞ്ചന ചേച്ചി 6 [Eros - God of Lust] [Climax 2]

വേണമെന്ന് നിങ്ങള്‍ക്ക് തീരുമാനിക്കാം.’ അത്രയും പറഞ്ഞിട്ട് അവള്‍ കട്ടാക്കി.

ഒരു മണിക്കൂര്‍ കഴിഞ്ഞ് എന്റെ അമ്മ പിന്നെയും വിളിച്ചു. അഞ്ചനയുടെ വീട്ടുകാര്‍ക്കും സമ്മതം ആണെന്ന് പറഞ്ഞതും ഞങ്ങൾ നാല് പേരും സന്തോഷിച്ചു.

‘ചേച്ചി ഇത്ര ബോള്‍ഡ് ആയി സംസാരിക്കുന്നത് ഞാൻ കണ്ടിട്ടില്ല.’ രാകേഷ് അല്‍ഭുതപ്പെട്ടു.

‘ഇനിയെങ്കിലും ബോള്‍ഡ് ആയില്ലെങ്കിൽ എനിക്ക് എന്റെ വിക്രമിനെ നഷ്ടപ്പെടും. അവനെ നഷ്ടപ്പെടുത്തി കൊണ്ട്‌ എനിക്ക് സ്വര്‍ഗത്തില്‍ പോലും പ്രവേശിക്കേണ്ട.’ സോഫയിൽ എന്നോട് ചേര്‍ന്നിരുന്നു കൊണ്ട്‌ അവള്‍ പറഞ്ഞു.

അന്നേരം എനിക്ക് തോന്നിയ അഭിമാനവും സന്തോഷത്തിനും അതിരില്ലായിരുന്നു. വറ്റാത്ത ഉറവ പോലെ എന്റെ ഉള്ളില്‍ നിന്നും അവളോടുള്ള സ്നേഹം പ്രവഹിച്ചു കൊണ്ടിരുന്നു.

എന്നെയും മറന്ന് അവളുടെ തോളത്ത് കൈ ചുറ്റി ചേര്‍ത്തു പിടിച്ചുകൊണ്ട് കവിളിൽ ഉമ്മ കൊടുത്തു.

പക്ഷേ ഏതോ സിനിമയിൽ കാണുന്നത് പോലെ മറിയയും രാകേഷും വിസ്മയത്തോടെയാണ് നോക്കിയത്.

“ഏട്ടാ, പിന്നേ കമ്പനിയില്‍ ഉള്ള സകലര്‍ക്കും ഒരു പാര്‍ട്ടി കൊടുക്കണം. മറ്റന്നാൾ തന്നെ കൊടുക്കാം. ബഷീര്‍ മാമയെയും മുസ്തഫ ചേട്ടനെയും വിളിക്കണം.” രാകേഷ് ഉത്സാഹത്തോടെ പറഞ്ഞു.

“ശരിയാണ്. നമുക്ക് പാര്‍ട്ടി കൊടുക്കണം.” മറിയയും ആവേശത്തോടെ പറഞ്ഞു, ഞാനും രാകേഷും ഇന്നുതന്നെ അതിനു വേണ്ടിയുള്ള ഏര്‍പ്പാടുകൾ ചെയ്യാം.” അതും പറഞ്ഞ്‌ അവർ രണ്ടുപേരും ബിസിയായി.

ഫോണിലൂടെ തന്നെ മറിയ ആരെയൊക്കെയോ വിളിച്ച് കുറെ കാര്യങ്ങള്‍ ഏല്പിച്ചു.

“ഇനി ബാക്കിയുള്ളത് നാളെ ഞാനും രാകേഷും നോക്കിക്കോളും.” മറിയ ഉത്സാഹത്തോടെ പറഞ്ഞു.

രാത്രി ഞങ്ങൾക്കൊപ്പം കഴിച്ച ശേഷം രാകേഷ് അവന്റെ ഫ്ലാറ്റിലേക്ക് പോകാൻ ഒരുങ്ങി.

“എടാ രാകേഷേ, നിനക്കും ഇവിടെ നിന്നാൽ എന്താ കുഴപ്പം? +”