Chapter Title : അഞ്ജലീപരിണയം 5 [സിദ്ധാർഥ്] [Climax]

മോൾക്ക് നിന്നെപ്പോലെ ഒരു അമ്മ വേണ്ട. അവൾ വന്ന് അവളുടെ അമ്മയുടെ വീരകഥകൾ കേൾപ്പിക്കണ്ടെങ്കിൽ ഇപ്പൊ തന്നെ ഇറങ്ങിക്കോ...."

"പ്രണവ് പ്ലീസ്....."

അവൾ അവന്റെ കാലിൽ കെട്ടിപിടിച്ച് ഇരുന്ന് കരഞ്ഞു.പ്രണവ് അവളുടെ മുടിയിൽ പിടിച്ച് എഴുനേൽപ്പിച്ച് ബാഗും എടുത്ത് പുറത്തേക്ക് നടന്നു. വാതിൽ തുറന്ന് ബാഗ് പുറത്തേക്ക് എറിഞ്ഞ് അവളെയും പുറത്തേക്ക് പിടിച്ച് തള്ളി.

"ഇനി നിന്നെ എന്റെയും എന്റെ മോളുടെയും ജീവിതത്തിൽ കണ്ടുപോകരുത്..."

അതും പറഞ്ഞ് അവൻ അവൾക്ക് മുമ്പിൽ വാതിൽ വലിച്ചാടച്ചു. അഞ്ജലി ആകെ തകർന്ന് നിന്നുപോയി. തന്റെ ജീവിതം, കുടുംബം എല്ലാം അവസാനിച്ചു.എല്ലാം സ്വയം നശിപ്പിച്ചു.കരയാൻ പോലും ആവാതെ അവളുടെ കവിളുകൾ വിറച്ചു.മനസ്സ് തകർന്ന് പുറത്തേക്ക് നടന്നു.ബാഗ് എടുത്ത് അവൾ പുറത്തേക്കിറങ്ങി. ആ സമയം പെട്ടന്ന് മഴയും പെയ്തു. മഴ നനഞ്ഞ് അവൾ റോഡിലേക്ക് ഇറങ്ങി നടന്നു. നടന്ന് നീങ്ങിയപ്പോ അവൾക്ക് മുന്നിൽ ഒരു കാർ വന്ന് നിന്നു. കാറിൽ നിന്ന് ഡോർ തുറന്ന് അലക്സ്‌ ഇറങ്ങി വന്നു. അവനെ കണ്ട് അവൾ ഒന്ന് നിന്നു.

"അഞ്ചു നീ വണ്ടിയിൽ കേറ്...."

അവൻ അവളെ ഡോർ തുറന്ന് കാറിൽ കേറ്റി ഇരുത്തി. അഞ്ജലി ഒന്നും പറയാതെ കാറിൽ കയറി ഇരുന്നു. ഉള്ളിലെ ദേഷ്യം പുറത്ത് കാണിക്കാതെ അവൾ ഇരുന്നു.അലക്സ്‌ കാറിൽ കേറി വണ്ടി നേരെ അവന്റെ വീട്ടിലേക്കെടുത്തു. അവന്റെ വീട് എത്തിയപ്പോ അവൻ ഇറങ്ങി അവളെയും കൊണ്ട് അകത്തേക്ക് നടന്നു. അകത്ത് കയറി വാതിൽ അടച്ച് അവൻ അവൾക്ക് ടവൽ എടുത്ത് കൊടുത്തു.

"അഞ്ചു ആർ യു ഓക്കേ....?"

അവന്റെയാ ചോദ്യം കേട്ട് അവൾ അവനെ തീഷ്ണമായി നോക്കി. അവളുടെ കണ്ണുകൾ ചുമന്നിരുന്നു. ആ കണ്ണുകളിൽ കത്തുന്ന ദേഷ്യം അവൻ കണ്ടു.

"നീ.... നീ എന്നെ ചതിക്കുകയായിരുന്നു അല്ലേടാ....!!!?"

"എഹ്.... എന്താ...."

അതിനുള്ള മറുപടിയായി അവൾ അവന്റെ കാരണത്ത് ഒന്ന് പൊട്ടിച്ചു.എന്നിട്ട് അവന്റെ കോളറിൽ കേറി പിടിച്ചു.

"എന്റെ ജീവിതം ഇങ്ങനെ തകർക്കാൻ എന്ത് തെറ്റാടാ ഞാൻ നിന്നോട് ചെയ്തേ എഹ്... പറയടാ...."

"ഹ ഹ...ഹ ഹ...ഹ..."അലക്സ്‌ പൊട്ടിച്ചിരിച്ചു.

"പ്പാ നിർത്തട നിന്റെ ചിരി,