Chapter Title : അഞ്ജലിതീര്‍ത്ഥം സീസന്‍ 2 പാര്‍ട്ട്‌ 4 [Achu Raj]

നിക്കെടാ അവിടെ”
അത് പറഞ്ഞുകൊണ്ട് അഞ്ജലി ഹരിയുടെ പുറകെ ഓടി പെട്ടന്ന് ഒരു ആള്‍ അഞ്ജലിയുടെ മുന്നിലേക്ക്‌ ചാടി വീണു...അഞ്ജലി സ്ഥബ്തയായി നിന്നു...അപ്പോളേക്കും അവിടം നല്ലപ്പോലെ ഇരുട്ടിയിരുന്നു..കാവിലെ വിളക്കിന്‍റെ വെളിച്ചത്തില്‍ അവള്‍ ആ രൂപം ഒന്ന് നോക്കി കണ്ടു ..
ഹരിയെ വിളിക്കാന്‍ അവള്‍ തുനിഞ്ഞെങ്കിലും പക്ഷേ അവളുടെ ശബ്ദം പുറത്തേക്ക് വന്നില്ല....അവളുടെ തൊണ്ട വരണ്ടുണങ്ങി...കണ്ണുകള്‍ ഭയചികിതമായി ..അഞ്ജലിയുടെ ശ്വാസ നിശ്വാസം കൂടി വന്നു..
അവള്‍ക്കു മുന്നില്‍ വന്ന രൂപ്പത്തെ അഞ്ജലി നോക്കികണ്ടു...ജടപിടിച്ച മുടിയു വലിയ താടിയും ഉള്ള ഒരു കാഷായാ വസ്ത്രധാരി..ഏതോ കാട്ടുവാസിയെപ്പോലെ തോന്നി അവള്‍ക്കു...
വലിയൊരു ഭാണ്ട കെട്ടും കൈയില്‍ വലിയൊരു വടിയും അതില്‍ നാഖത്തിന്റെ മുഖം കൂടെ കണ്ടപ്പോള്‍ അഞ്ജലിയുടെ പകുതി ജീവന്‍ പോയി ..ഒരിറ്റു വെള്ളത്തിനായി അഞ്ജലി ചുണ്ട് നനച്ചു..തന്‍റെ മുന്നില്‍ നില്‍ക്കുന്ന ആളുടെ ചുവന്ന കണ്ണുകള്‍ തന്നെ നോക്കുന്നത് കണ്ടു അഞ്ജലി ഭയന്നു വിറച്ചു..
അഞ്ജലിക്ക് ചുറ്റും അയാളൊന്നു നടന്നു അവളെ ഒരു പ്രത്യക ഭാവത്തില്‍ നോക്കി അയാള്‍ തന്‍റെ വിരലുകള്‍ കൊണ്ട് ഹരി കെട്ടിയ താലി പതുക്കെ ഉയര്‍ത്തി നോക്കി...അയാളുടെ വലിയ നഖങ്ങള്‍ മുഴുവനെ ചെളി നിറഞ്ഞത്‌ പോലെ ആയിരുന്നു...
“നീ...നീ ജയിച്ചു എന്ന് നിനക്ക് തോന്നുണ്ടോ?”
അയാളുടെ വലിയ ശബ്ദം വീണ്ടും അഞ്ജലിയില്‍ ഭയം ഇരട്ടിപ്പിച്ചു..
“ഈ ഒരു താലി മാത്രം മതിയാകുമോ അവനെ നിന്‍റെ സ്വന്തമാക്കാന്‍”
തല ചരിച്ചു പിടിച്ചു കൊണ്ട് അഞ്ജലിയുടെ മുഖത്തിനു അരികില്‍ അയാള്‍ വന്നുകൊണ്ട്‌ ചോദിച്ചു...അയാളില്‍ നിന്നും വമിക്കുന്ന ഗന്ധം അഞ്ജലിയില്‍ അറപ്പുളവാക്കി..അവള്‍ മുഖം തിരിച്ചു പിടിച്ചു..
“ഈ ..ഈ ഒരു താലിയില്‍ അവനെ കോര്‍ത്തിടാന്‍ നിനക്ക് സാദിക്കില്ല...ഈ നില്‍ക്കുന്ന കാവിലമ്മക്ക് പോലും നിന്നെ ..നിന്‍റെ ശാപത്തില്‍ നിന്നും രക്ഷിച്ചെടുക്കാന്‍ സാദിക്കില്ല...അറിയോ...നിനക്ക് പിന്നില്‍ ഉണ്ട് നിന്‍റെ ശത്രുക്കള്‍”
അത് പറഞ്ഞു അയാള്‍ ആര്‍ത്തട്ടഹസിച്ചു ചിരിച്ചു..ആ കാവും കാടും അരുവിയും വിറച്ചു...രുദ്രനായ ആ നാഗം പോലും മാളത്തില്‍ ഒളിച്ചു...അവിടമാകെ ഭീതിയുടെ പിടി വീണു...അഞ്ജലിക്ക് ആര്‍ത്തു കരയണം എന്നുണ്ട് പക്ഷെ അവള്‍ തറച്ചു വച്ച ആണിയില്‍ നില്‍ക്കുന്നപ്പോലെ അനങ്ങാതെ നില്‍ക്കുകയാണ്..
“നിന്‍റെ വിധി നിന്‍റെ ശാപം..അതെല്ലാം