Chapter Title : അങ്കിൾ ജോൺ S2 3 [Thomas Shelby] [സീസൺ 2]

കഴിഞ്ഞ് വീട്ടിൽ എത്തിയശേഷമുള്ള ആദ്യ കുറച്ചു ദിവസങ്ങൾ കാര്യങ്ങൾ സാധാരണ മട്ടിലാണ് മുന്നോട്ടുപോയത്. ജോലിയിൽ പ്രവേശിക്കുകയും വീട്ടിലെ കാര്യങ്ങൾ നോക്കി നടത്തുകയും ചെയ്തു. ഞാനും ശ്രുതിയും മാത്രമുള്ള നിമിഷങ്ങളും അങ്ങനെത്തന്നെ കടന്നുപോയി. ഫോൺ വിളിക്കാമെന്നു പറഞ്ഞിട്ടും ജോൺ വിളിക്കാതിരുന്നത് എന്നിൽ ഒരുവശത്ത് ഭയമുണ്ടാക്കിയെങ്കിലും, മറു വശത്ത് ചെറിയൊരു ആശ്വാസവും നൽകി. ഇതിനിടയിലും ക്യാമറയും ജിപിഎസും ഞാൻ കൃത്യമായി പരിശോധിക്കുന്നുണ്ടായിരുന്നു. എന്നാൽ സംശയകരമായി ഒന്നും കണ്ടെത്താൻ സാധിച്ചതുമില്ല.

​അങ്ങനെ യാത്ര കഴിഞ്ഞ് ഒരാഴ്ചയോളം പിന്നിട്ട ശേഷമാണ് ശ്രുതിയുടെ പെരുമാറ്റത്തിൽ വീണ്ടും പഴയ മാറ്റങ്ങൾ കണ്ടുതുടങ്ങിയത്. ഏകദേശം ഒരാഴ്ചയ്ക്ക് ശേഷമാണ് ആ സംഭവമുണ്ടായത്. ഒരു ദിവസം ഓഫീസ് കഴിഞ്ഞ് വീട്ടിലെത്തിയ കിരൺ കണ്ടത് ആളനക്കമില്ലാത്ത വീടാണ്. ശ്രുതി ഇതുവരെ വന്നില്ലേ എന്ന് അവൻ ആലോചിച്ചു. കാരണം അവൾ വീട്ടിലെത്തേണ്ട സമയം കഴിഞ്ഞിരുന്നു. കിരണിനേക്കാൾ ഒന്നൊന്നര മണിക്കൂർ മുൻപ് ഓഫീസ് കഴിയുന്ന ആളാണ് ശ്രുതി. എന്നിട്ടും അവൾ എത്തിയിട്ടില്ല.

​കിരൺ വേഗം ഫോണെടുത്ത് ശ്രുതിയുടെ മെസ്സേജ് വല്ലതും ഉണ്ടോ എന്ന് നോക്കി. ഇല്ല, ലേറ്റ് ആകുമെന്നതിനെക്കുറിച്ച് ഒന്നും പറഞ്ഞിട്ടില്ല. അവൻ ഉടൻതന്നെ ശ്രുതിയുടെ ഫോണിലേക്ക് വിളിച്ചു. ആദ്യം ഒന്നോ രണ്ടോ റിംഗ് ചെയ്തെങ്കിലും പിന്നീട് അത് കട്ടായി. വീണ്ടും വിളിച്ചപ്പോൾ ‘ഫോൺ നോട്ട് റീച്ചബിൾ’ എന്ന് കാണിച്ചു. ഉടൻ വാട്സാപ്പിൽ മെസ്സേജ് അയച്ചെങ്കിലും ഡബിൾ ടിക്ക് വീണില്ല.

​കിരണിന് ചെറിയൊരു ഭയം തോന്നി. അവൻ ഒന്നുകൂടി വിളിച്ചു നോക്കിയ ശേഷം ഉടൻതന്നെ ജിപിഎസ് എടുത്തു നോക്കി. ലൊക്കേഷൻ കാണിക്കുന്നത് പരിചയമുള്ള സ്ഥലത്തു തന്നെയാണ്—അതെ, ഹരിയുടെ വീട്!

​“ഹരിയുടെ വീടാകാനേ സാധ്യതയുള്ളൂ...” കിരൺ