അന്നമ്മ എന്റെ ഭാര്യ

ANNAMMA ENTE BHARYA AUTHOR:ആദി

ഇതൊരു അനുഭവ കഥയുടെ നേർസാക്ഷ്യമാണ് കൂടുതൽ പറഞ്ഞു ബോർ ആക്കുന്നില്ല. കഥയിലൂടെ നമുക്ക് കൂടുതൽ പരിചയപ്പെടാം..

വീക്കിലി റിപ്പോർട്ട് സബ്മിറ്റ് ചെയ്യാനുള്ളത് കൊണ്ട് തന്നെ അതിക വെള്ളിയാഴ്ചയും ഇങ്ങനെയാണ്. ഡ്യൂട്ടി ടൈം കഴിഞ്ഞാലും ഇരിക്കേണ്ടി വരുന്നു. ഏഴ്‌ മണി കഴിഞ്ഞാൽ പിന്നെ സെക്യൂരിറ്റി ബാബുവേട്ടനും ഞാനും മാത്രമേ അഞ്ച് നിലയുള്ള ആ വലിയ കെട്ടിടത്തിൽ കാണൂ.. പ്രൈവറ് കമ്പനി ആയത് കൊണ്ട് തന്നെ ഒട്ടപ്പാച്ചിൽ ഒരുപാട് കൂടുതലാണ്.  സാമ്പത്തിക പ്രയാസങ്ങൾ ഇല്ലാതാക്കാൻ കടിച്ചു പിടിച്ചു നിൽക്കുന്നു എന്നതാണ് സത്യം. ഒരു ബിരുദധാരി ആയിട്ടും ഈ ജോലി തന്നെ കിട്ടാൻ ഒരുപാട് കഷ്ടപ്പെട്ടിട്ടുണ്ട്. ജോലി എന്ന് പറയുമ്പോൾ  മാനേജർ അസിസ്റ്റന്റ് ആണ് കേട്ടോ.. ബേസിക്കലി മുംബൈ കാരിയായ ഓപ്പറേഷൻ ഹെഡ് ജീന മാഡത്തിന്റെ അസിസ്റ്റന്റ്.  ആരും കൊതിക്കുന്ന ആ കസേരയിൽ എത്താൻ ചെറു പ്രായത്തിൽ തന്നെ മാഡത്തിന് കഴിഞ്ഞിരുന്നു. ഉന്നത വിദ്യാഭാസവും ഉയർന്ന ജീവിത നിലവാരവും അവർക്ക് മുന്നോട്ടുള്ള പ്രായണങ്ങളിൽ അനുകൂലമാവുകയായിരുന്നു. എങ്കിലും നൂറ്റിപ്പത്ത് ശതമാനം അർപ്പണ ബോധമുള്ള ജോലികാര്യങ്ങളിൽ തികഞ്ഞ നിഷ്ഠയുള്ള അവർ ഈ നിലയിലേക്ക് വളർന്നതിൽ  ആർക്കും തെല്ലും അത്ഭുതമുണ്ടായിരുന്നില്ല.മാഡം മുംബൈയിൽ നിന്ന്  ട്രാൻസ്ഫർ ആയതിൽ പിന്നെയാണ് ഇവിടെ കമ്പനി പച്ച പിടിച്ചത്. ഒരിക്കലും കിട്ടില്ലെന്ന് കരുതിയ വലിയ വലിയ ക്ലയന്റ് - നെയൊക്കെ മാഡം തന്റെ വരുത്തിയിലാക്കിയത് കൊണ്ട് തന്നെ ജീന മാടത്തിന്റെ വാക്കാണ് ഇവിടെ അവസാന വാക്ക്. കൃത്യനിഷ്ഠയിൽ ഒരു വിട്ടു വീഴ്ചക്കും തയ്യാറല്ലാത്ത മാടത്തിന്റെ അസിസ്റ്റന്റ് ആവുക എന്നുള്ളത് തന്നെ മുള്ളിൻ മേൽ നിൽക്കുന്നത് പോലെയാണ്. അത് കൊണ്ട് തന്നെയാണ് വാരാന്ത്യത്തിലുള്ള ഈ അധിക ജോലി. കഴിഞ്ഞ ആഴ്ചയിലെ റിപ്പോർട്ടുകൾ വരുന്ന ആഴ്ചയിലെ പരിപാടിക്രമങ്ങൾ മീറ്റിംഗുകൾ ഇതൊക്കെ ഷെഡ്യൂൾ ചെയ്യാനുണ്ടാവും.ഓരോന്ന് ആലോചിച്ചു സമയം അതിക്രമിച്ചിരിക്കുന്നു ഒരുവിധം തരക്കേടില്ലാത്ത രീതിയിൽ എല്ലാം തയ്യാറാക്കി ഓഫിസിൽ നിന്നിറങ്ങുമ്പോൾ മണി എട്ടര കഴിഞ്ഞിരുന്നു.നല്ല വിശപ്പ് ഉണ്ടെങ്കിലും ഒരു കാലി ചായ പോലും കുടിക്കാനുള്ള സമയമില്ല. നാട്ടിലേക്കുള്ള അവസാന ബസ് ഇപ്പോൾ വരും . മുടിഞ്ഞ തിരക്കായിരിക്കും എങ്കിലും