Chapter Title : അൻഷിദ 4 [ നസീമ ]

അപ്പൊ ഇന്നിവിടെ കൂടി നാളെ അവളെയും കൂട്ടി ഒരുമിച്ച് പോകാം.

ഉമ്മയുടെ സ്നേഹപൂര്‍വം ഉള്ള നിര്‍ബന്ധത്തിന് മുന്നില്‍ അവർ വഴങ്ങി. അന്നു രാത്രി അവര്‍ക്ക് വേണ്ടി ഉമ്മ നല്ല ബീഫ് ബിരിയാണിയും പെട്ടിയപ്പവും മുട്ടമാലയും ഒക്കെ ഒരുക്കി സല്‍ക്കരിച്ചു.

രാത്രി കിടക്കുമ്പോ നീതു എന്നോട് പറഞ്ഞു, എടി നിന്നെ ഞങ്ങൾ ഇനിയും റാഗ് ചെയ്യും.!

ഏഹ്!!

അതെടി, ആ പേരും പറഞ്ഞ്‌ വന്നത് ഞങ്ങൾക്ക് ഇനിയും ഇതൊക്കെ തിന്നാലോ, അല്ലേൽ മര്യാദയ്ക്ക് ഹോസ്റ്റലിലും ഇതൊക്കെ കൊണ്ട്‌ താ എന്നാൽ വെറുതെ വിടാം..

ഹ ഹ .

അങ്ങനെ പിറ്റേ ദിവസം ,ആര്‍ കാരണം ആണോ ഞാൻ കോളേജ് ജീവിതം അവസാനിപ്പിക്കണമെന്ന് തീരുമാനിച്ചത്‌, അവരുടെ കൂടെ തന്നെ വീണ്ടും കോളേജിലേക്ക് പുറപ്പെട്ടു. പോകുന്നതിനു മുമ്പ് അമ്മായി എന്നെ വിളിച്ചു ഗൗരവമായി ചോദിച്ചു

ഞാൻ ഒരു കാര്യം ചോദിച്ചാല്‍ നീ സത്യം പറയണം!

എന്താ അമ്മായി?

സത്യത്തിൽ അന്നവർ തന്ന പഴത്തിനു വണ്ണവും നീളവും കുറഞ്ഞ് പോയത് കൊണ്ടല്ലേ നീ ഇവിടെ വന്ന് വിഷമിച്ച് നിന്നത്.. ഹ ഹ ഹ

പോയേ.. ഒരു ചളിയും കൊണ്ട്‌ വന്നിനീ..

പിന്നീട് കോളേജ് ലൈഫിൽ എനിക്കാ സംഭവം ഉര്‍വ്വശി ശാപം ഉപകാരം എന്ന പറഞ്ഞത് പോലായി. അതോടെ എനിക്ക് റാഗിങ് എന്ന പേടി തീരെ ഇല്ലാതായി. ഈ സംഭവത്തോടെ നീതുവിന്റെ ബാച്ചിലെ പിള്ളേരൊക്കെ എന്റെയും ഫ്രണ്ട്സ് ആയി. അതോടെ കോളേജിൽ എനിക്ക് നല്ല ഫ്രീഡം കിട്ടി തുടങ്ങി. അതും സ്റ്റെഫിയുടെ കമ്പനിയും കൂടെ ആയപ്പോൾ അത്യാവശ്യം അലമ്പും കാണിച്ച് തുടങ്ങി. ഒരിക്കല്‍ ക്ലാസ് കട്ട് ചെയതു ഞങ്ങൾ സിനിമക്ക് പോയി. എന്റെ ജീവിതത്തില്‍ ആദ്യം ആയി തിയേറ്ററിൽ പോയി കണ്ട സിനിമ 'ട്രിവാന്‍ഡ്രം ലോഡ്ജ്' ഞാൻ ആകെ എക്സൈറ്റഡ് ആയിരുന്നു അന്ന്. ഒരു സിനിമ കണ്ടതിൽ എന്താ ഇത്ര പറയാന്‍ എന്ന് തോന്നും കേള്‍ക്കുന്നവർക്ക്, പക്ഷെ നിങ്ങള്‍ ഒരു യാഥാസ്ഥിതിക മുസ്ലീം കുടുംബത്തിൽ ജനിച്ചാൽ മാത്രമേ അത് മനസ്സിലാകൂ. ഞാൻ അക്കാലമത്രയും വിചാരിച്ചിട്ടുണ്ടായില്ല എന്നെന്കിലും തിയേറ്ററിൽ നിന്ന് ഒരു സിനിമ കാണുമെന്ന്.

സിനിമ കഴിഞ്ഞ്