Chapter Title : അൻഷിദ [ നസീമ ]

ഒരു പിടിയില്ല. വാതിൽ തുറക്കുന്ന ശബ്ദം കേട്ട് കയ്യിലിരുന്ന ഫോൺ മാറ്റി വെച്ചു നൗഫൽ നോക്കി. കയ്യിലിരുന്ന പാൽ ടീ പോയിൽ വെച്ച് ഇനി എന്ത് ചെയ്യണം എന്ന മട്ടിൽ നിൽക്കുക ആണ് അൻഷിദ .അവനു ചിരി വന്നു .ആകെ ഒരു അങ്കലാപ്പ് ഉണ്ട് പെണ്ണിന്.

'ഇവിടെ വന്നു ഇരിക്കേടോ..'

കട്ടിലിന്റെ ഒരു സൈഡിൽ ഇരുന്നു അവൾ . 'make up ഒക്കെ കഴുകി കളഞ്ഞല്ലേ ,നന്നായി സത്യം പറഞ്ഞാൽ നേരത്തെ നിന്നെ കണ്ടു ഞാൻ പേടിച്ചു പോയി ,പെണ്ണ് കാണാൻ വന്നപ്പോൾ ഞാൻ കണ്ട പെണ്ണ് തന്നെ അല്ലേയെന്ന് സംശയിച്ചു പോയി.മേക്കപ്പ് ഒന്നും ഇല്ലാതെ തന്നെയാട്ടോ എന്റെ മൊഞ്ചത്തിക്ക് കൂടുതൽ മൊഞ്ചു' .

അവൾ മുഖം ഉയർത്താതെ ചിരിച്ചു .

'ഒന്ന് മുഖത്തേക്ക് നോക്കെടോ , ഇപ്പോഴത്തെ പെൺകുട്ടികൾക്ക് ഇത്രക്ക് നാണം ഉണ്ടോ? താൻ സ്കൂളിൽ ഒക്കെ വലിയ സംഭവം ആണെന്നാണല്ലോ ഷാഹിന പറഞ്ഞത് '

ഇത് പറഞ്ഞപ്പോൾ അൻഷിദ യുടെ മുഖം വാടിയത് നൗഫൽ ശ്രദ്ധിച്ചു. അവളുടെ താടിക്ക് പിടിച്ചു മുഖം ഒന്നുയർത്തിയപ്പോൾ കണ്ണ് നിറഞ്ഞിരിക്കുന്നു.

'അയ്യോ , എന്ത് പറ്റി, മോൾക്ക് സ്കൂളിൽ വല്ല പ്രണയവും ഉണ്ടോ ,ഈ കല്യാണത്തിന് ഇഷ്ടം ഉണ്ടായിരുന്നില്ലേ? '

അവനെ അമ്പരിപ്പിച്ചു കൊണ്ട് ഒരു പൊട്ടി കരച്ചിൽ ആയിരുന്നു പ്രതികരണം.ഒരു നിമിഷം അവൻ ആകെ പതറി പോയി. ഒരു നിമിഷം ഒരുപാടു ചിന്തകൾ മനസ്സിലേക്ക് ഇരച്ചു കയറി.

'ഇങ്ങനെ കരയാതെ കാര്യം പറ മോളെ..'

'എനക്ക്.. എനക്കിനിയും പഠിക്കണം' ഏങ്ങലടിച്ചു കൊണ്ടവൾ പറഞ്ഞു.

അമ്പരപ്പ് മാറി പെട്ടന്നതൊരു