Chapter Title : അനുരാഗലോലരാത്രി [മാക്രി ഗോപാലൻ]

അവർ പറഞ്ഞു.

“എങ്ങിനെ…?”

“മുഖത്ത് ആ കള്ളത്തരം ഇപ്പോഴും ഉണ്ട്.”

ഞാൻ ചിരിച്ചു.

“ടീച്ചർക്ക് ഇപ്പോഴും എന്നെ വായിച്ചെടുക്കാൻ അറിയാം അല്ലേ…”

“ഏഴാം ക്ലാസിൽ നിന്നെ സഹിച്ച ടീച്ചറല്ലേ ഞാൻ…”

അതും പറഞ്ഞ് അവർ ചിരിച്ചു.

ആ ചിരിയോടെ അവരുടെ കവിള് ചെറുതായി ചുവന്നു.

ഞാൻ കുറച്ച് നേരം ഒന്നും പറയാതെ വണ്ടി ഓടിച്ചു.ആ രാത്രി ആ കാറിനുള്ളിൽ…എന്റെ അടുത്ത് ഇരിക്കുന്നത് എന്റെ പഴയ ടീച്ചർ മാത്രമല്ലായിരുന്നു.

വർഷങ്ങളായി മനസ്സിൽ നിന്ന് പോകാതെ നിന്ന എന്റെ ആദ്യ പ്രണയമായിരുന്നു.

#----#

അവരുടെ വീടിന്റെ മുന്നിൽ കാർ നിർത്തുമ്പോൾ സമയം ഒരുപാട് വൈകിയിരുന്നു.

പുറത്ത് ചെറിയ കാറ്റ് ഉണ്ടായിരുന്നു. മഴ പെയ്യാൻ പോകുന്ന പോലെ ആകാശം മുഴുവൻ ഇരുണ്ടു കിടക്കുന്നു. ദൂരെയൊക്കെ ഇടിമിന്നൽ തെളിയുന്നുണ്ട്.

കാറിനുള്ളിൽ മാത്രം ഒരു വിചിത്രമായ നിശബ്ദത.

ഇത്ര നേരം സംസാരിച്ചു വന്നിട്ടും…
ഇപ്പോൾ ഒന്നും പറയാൻ പറ്റാത്ത അവസ്ഥ.

ടീച്ചർ സീറ്റ് ബെൽറ്റ് അഴിച്ചു എന്നെ നോക്കി ചിരിച്ചു.

“എന്നാ പോട്ടെ അമീ…”

ഞാനും ചിരിച്ചു തല ആട്ടി.

“പോകല്ലേ…ഇങ്ങനെ കുറച്ചുകൂടെ എന്റെ അടുത്ത് ഇരുന്നൂടെ…” മനസ്സിൽ ഞാൻ പറഞ്ഞത് അതായിരുന്നു.

പക്ഷേ വായിൽ നിന്ന് ഒന്നും വന്നില്ല.

അവർ ഡോർ തുറക്കാൻ പോയിട്ട് പെട്ടെന്ന് എന്തോ ഓർത്ത പോലെ തിരിഞ്ഞു.

“അയ്യോ… നിന്റെ നമ്പർ ചോദിക്കാൻ മറന്നു.”

“അതാണോ…”

ഞാൻ വാല്ലറ്റ് എടുത്തു.

അതിൽ നിന്ന് കാർഡ് എടുക്കാൻ പോയിട്ട് ഞാൻ അത് വീണ്ടും അകത്ത് വെച്ചു.

അവർ അത് ശ്രദ്ധിച്ചു.

“എന്താ… കാർഡ് തരാൻ അല്ലേ എടുത്തത്…”

ഞാൻ ചെറുതായി