Chapter Title : അപരൻ 1 [Indra]

"നിന്റെ ശബ്ദത്തിന് എന്തുപറ്റി? ഡള്ളാണല്ലോ. മീരയുമായി വഴക്കിട്ടോ?" മനു ചിരിച്ചുകൊണ്ട് ചോദിച്ചു.

ഹരിക്ക് ആ ചോദ്യത്തിന് മുന്നിൽ പിടിച്ചുനിൽക്കാൻ പാടായിരുന്നു.

"ഒന്നുമില്ലടാ. ചെറിയ തലവേദന. നീ നാളെ വാ. ബാക്കി എന്നിട്ട് സംസാരിക്കാം."

"ശരി. നാളെ രാവിലെ വിളിക്കാം."

കോൾ കട്ടായി.

ഹരി ഫോൺ കയ്യിൽ പിടിച്ച് സോഫയിലേക്ക് ചാരി.

നാളെ മനു വരും.

തന്റെ അപരൻ.

അവൻ ഓർത്തു. ചെറുപ്പത്തിൽ കണ്ണാടിയിൽ നോക്കുന്നതുപോലെയായിരുന്നു മനുവിനെ നോക്കുന്നത്. ഒരേ ഉയരം, ഒരേ നിറം, ഒരേ മുഖം. സ്കൂളിൽ പഠിക്കുമ്പോൾ ടീച്ചർമാർക്ക് പോലും മാറിപ്പോകുമായിരുന്നു. ബന്ധുക്കൾ പോലും ചോദിക്കുമായിരുന്നു ആരാണ് ഹരി, ആരാണ് മനു എന്ന്.

വളർന്നപ്പോൾ ചെറിയ മാറ്റങ്ങൾ വന്നു. മനു ജിമ്മിൽ പോകാൻ തുടങ്ങി. അവന് ഹരിയേക്കാൾ കുറച്ചുകൂടി മസിലുകൾ വന്നു. ഹരി ജോലിയുടെ ടെൻഷനിൽ അല്പം മെലിഞ്ഞു. എന്നാലും ഒറ്റനോട്ടത്തിൽ കണ്ടാൽ ഇരട്ടകളാണെന്ന് മനസ്സിലാകും.

പക്ഷേ ഇപ്പോൾ...

താൻ ഒന്നിനും കൊള്ളാത്തവനായി മാറി. ഒരു കുഞ്ഞിന് ജന്മം നൽകാൻ പോലും കഴിയാത്തവൻ. എന്നാൽ മനുവോ? അവൻ പൂർണ്ണ ആരോഗ്യവാനാണ്. തനിക്ക് നഷ്ടപ്പെട്ടതെല്ലാം അവനിലുണ്ട്.

ആ ചിന്ത ഹരിയുടെ മനസ്സിൽ ഒരു തീപ്പൊരിയിട്ടു.

അവൻ എഴുന്നേറ്റ് കണ്ണാടിക്ക് മുന്നിൽ പോയി നിന്നു. തന്റെ മുഖത്തേക്ക് സൂക്ഷിച്ചു നോക്കി. ഈ മുഖം തന്നെയാണ് മനുവിനും.

ഡോക്ടർ പറഞ്ഞ വാക്കുകൾ വീണ്ടും ഓർമ്മ വന്നു. 'അജ്ഞാതനായ ഡോണർ'.

എന്തിന് അജ്ഞാതൻ?

എന്തിന് പേരും മുഖവും അറിയാത്ത, ഏതോ ജാതിയിലും മതത്തിലും പെട്ട ഒരാളുടെ വിത്ത് സ്വീകരിക്കണം? ഇവിടെ തന്റെ ചോര തന്നെ ഉള്ളപ്പോൾ? തന്റെ അതേ അച്ചിൽ