Chapter Title : അപസര്‍പ്പക വനിത 2

പനമരത്തേല്‍ മുറിയില്‍ നിന്നിറങ്ങി വന്നു. വലത് കയ്യില്‍ സഹസഞ്ചാരിയായ ഇരട്ടകുഴല്‍ തോക്ക് ബലമായി പിടിച്ചീരുന്നു. ഇടത് കൈയ്യിലുള്ള ബുള്ളറ്റ് നിറച്ച ചെറിയ ബാഗ് സേവ്യറിന്റെ കയ്യിലേക്ക് ഇട്ട് കൊടുത്തു.

"...വാടാ സേവ്യറേ.....നമ്മുക്കൊരു പിടി പിടിച്ച് നോക്കാം...". അന്നാമ്മ ഉറച്ച മനസ്സോടെ പറഞ്ഞുകൊണ്ട് അടുത്തുള്ള ജനാലയുടെ അടുത്ത് ചെന്ന് തോക്ക് നീട്ടി ഉന്നം പിടിച്ചു. സേവ്യര്‍ പമ്മി പമ്മികൊണ്ട് അന്നാമ്മയുടെ അടുത്ത് പരുങ്ങി നിന്നു. എന്റെ മനസ്സില്‍ ഭയം വര്‍ദ്ധിച്ചുകൊണ്ടേ ഇരുന്നു. ഞാന്‍ ഷേര്‍ളി മാഡത്തിനരുകില്‍ അഭയം പ്രാപിച്ചു.

"...അന്നാമ്മോ.....എന്തായീ.....".

"..ഓ...എന്താകാനാ.....ഇരുട്ടത്ത് കണ്ണ്‌ പിടിക്കിണീല്ല്യ...അത്രന്നേ...".

"...സേവ്യറേ....അന്നാമ്മയുടെ കണ്ണാടയെടുത്ത് കൊടുത്തേ....ഇല്ലേല്‍ തെറ്റി നമ്മളെ തന്നെ വെടി വെയ്ക്കും...ഹഹഹഹ....".

".....ഓ...പിന്നേ....". നൊടിയിടയില്‍ ഓടിപ്പോയി സേവ്യറില്‍ കൊണ്ടുവന്ന കണ്ണാട വാങ്ങി വച്ച് ഉന്നം പിടിച്ച്കൊണ്ട് അന്നാമ്മ പറഞ്ഞു.

ഇതെല്ലാം കണ്ട് പേടിച്ച് വിറച്ച് നില്‍ക്കുന്ന എന്നെ നോക്കി മാഡം പുഞ്ചിരിച്ചു.

"...വൈഗ്ഗ...നിന്റെ പീ.എച്.ഡീ ടെ സബ്ജെക്റ്റല്ലാ അല്ലേ ഇത്.....ഹഹഹഹഹ...". മാഡം അട്ടഹസിക്കുന്നത് പോലെ ചിരിച്ചു.

"...മാഡം....".

"....പേടിക്കാതെ പട്ടത്തീ....ഇതൊക്കെ ഒരു രസമല്ലേ.....".

ഞാന്‍ ഒന്നും പറഞ്ഞില്ല. വെടിയൊച്ചകള്‍ നിലച്ച സമയം ആയിരുന്നു. പെട്ടെന്ന് വാതിലിലൂടെ കാലില്‍ വെടികൊണ്ട അവസ്ത്ഥയില്‍ ഞങ്ങളുടെ ഖൂര്‍ക്ക രാംസിങ്ങ് മുടന്തി വന്നു സോഫയില്‍ ഇരുന്നു. അവന്റെ കാലില്‍ നിന്ന് ചോര കുടു കുടാന്ന് ഒഴുകുന്നുണ്ടായിരുന്നു. തന്റെ വേണ്ടപ്പെട്ടവര്‍ക്ക് എന്തെങ്കിലും സംഭവിക്കുന്നത് ഷേര്‍ളി മാഡത്തിന്‌ സഹിക്കാന്‍ കഴിയുമായിരുന്നില്ല. അവര്‍ ചാടി എഴുന്നേറ്റ് അഴിച്ചിട്ട നേര്‍ത്ത ഗൌണ്‍ ആ നഗ്നമായ മദാലസ ശരീരത്തിലേക്ക് ധരിച്ചു. അതിനടുത്ത നിമിഷത്തിലാണ്‌ അവരുടെ അടുത്തുള്ള തൂക്കിയിട്ട വലിയ വിളക്കില്‍ ഒരു വെടിയുണ്ട പാഞ്ഞു കയറി പൊട്ടി താഴേ വീണ്‌ ചിഹ്നഭിന്നമായത്.

"...അന്നാമേ ...കാദറേ....സ്നൈപ്പര്‍ ഗണ്‍ അവരുടെ കയ്യിലുണ്ട്....അധിക സമയം ഒരേ സ്ഥലത്ത് നില്‍ക്കാതേ.......".

ഷേര്‍ളി മാഡം ഷെല്‍ഫിനടുത്തേക്ക് നടക്കുന്നതിനിടയില്‍ പറഞ്ഞു. അടക്കി വച്ച പുസ്തകങ്ങള്‍ നിറച്ച ഷേല്‍ഫ് തള്ളിമാറ്റി. അതിന്‌ പുറകില്‍ ചുമരില്‍ ഘടിപ്പിച്ച ഒരു സേഫിന്റെ നബര്‍ ലോക്കില്‍ രഹസ്സ്യ കോഡ് അമര്‍ത്തി. തുറന്ന് വന്ന സേഫില്‍ നിന്ന് ചെറിയ മിഷ്യന്‍ ഗണ്‍ എടുത്ത് വേഗത്തില്‍ പരിശോദിച്ചു. അതിനെ ഒപ്പം ഇരിക്കുന്ന തിരകള്‍ നിറച്ച നാല്‌