Chapter Title : അരളി പൂവ് 3 [ആദി 007]

നോക്കി ഇരിക്കണോ.വീട്ടിൽ പോയി പടിച്ചൂടേ "

"എന്റെ പൊന്നെ അതൊന്നും നടക്കൂല.കിച്ചുവിന്റെ പുറകെ ഓടാനെ സമയം കിട്ടുന്നില്ല അപ്പോഴാ"
അർച്ചന പിന്നെയും പുസ്തകത്തിലേക്ക് തിരിഞ്ഞു

"കഷ്ടം ഉണ്ട് കേട്ടോ....!
ചേച്ചിയോട് ഇത്തിരി നേരം മിണ്ടാനാ ഞാൻ ഓടിവരുന്നേ.ഹം ഇരുന്നു പഠിച്ചോ"
ശ്രുതിയുടെ സ്വരത്തിൽ അല്പം വിങ്ങൽ നിറഞ്ഞു നിന്നു ശേഷം പതിയെ തിരിച്ചു നടക്കാൻ തുടങ്ങി

"നിക്കടി പൊട്ടിക്കാളി "
ശ്രുതിയുടെ കൈയിൽ പിടിച്ചു തന്റെ അടുത്തുള്ള കസേരയിൽ ഇരുത്തി

"പിണങ്ങാതെ പോത്തേ"
പുസ്തകം മടക്കി വെച്ച് കസേര പൂർണമായി ശ്രുതിയുടെ വശത്തേക്ക് അർച്ചന തിരിച്ചു.

"ചേച്ചി നാളെ എന്നെ കാണാൻ ഒരു കൂട്ടര് വരും"
പരിഭവമെല്ലാം കാറ്റിൽ പറത്തി ചെറു നാണത്തോടെ ശ്രുതി പറഞ്ഞു

"ആഹാ കൊള്ളാല്ലോ.എന്നിട്ടിപ്പഴാണോ കൊരങ്ങെ എന്നോട് പറയുന്നേ"

"ചേച്ചി .....! ഞാൻ ഒന്ന് ഫ്രീ ആവണ്ടേ .
ഞാൻ ഫ്രീ ആവുമ്പോ ചേച്ചി ബിസി"

"അതൊക്കെ അവിടെ നിക്കട്ടെ ആരാ പയ്യൻ.അന്ന് ഫോട്ടോ കാണിച്ച ചെക്കൻ ആണോ "

"മം അത് തന്നെ ചേച്ചി.എനിക്കാണേൽ ഒരു ടെൻഷൻ"

"അത് എന്തിനാ ....?"

"പുള്ളിക്ക് എന്നെ ഇഷ്ടവുമൊ എനിക്ക് നിറം അല്പം കുറവല്ലേ "
(അല്പം നിരാശ മുഖത്ത് നിഴലാടി)

അർച്ചന ശ്രുതിയുടെ മുഖം മെല്ലെ പിടിച്ചു ഉയർത്തി
"ഡി കൊരങ്ങി പെണ്ണെ .അങ്ങനെ ഒന്നും ചിന്തിക്കാതെടി.നിറത്തിലൊന്നും ഒരു കാര്യവും ഇല്ല നിനക്ക് നല്ലൊരു ജോലി ഉണ്ട് കറുപ്പ് മോശം നിറമൊന്നുമല്ല.നീ ചുമ്മാ നെഗറ്റീവ് ആവല്ലേ"

"ഹ്മ്മ്മ്"
ശ്രുതി ആത്മവിശ്വാസത്തോടെ ഒന്ന് മൂളി

പുറത്ത് ചെറിയ ഒച്ചയും ബഹളവും ഒക്കെ കേട്ടു തുടങ്ങി.ഇരുവരും