Chapter Title : അരളിപ്പൂന്തേൻ 4 [Wanderlust]

ചീപ്പ് പരിപാടിയായിപ്പോയല്ലോ…

സ്നേഹ പോയ്ക്കഴിഞ്ഞ് കുറച്ചു കഴിയുമ്പോഴേക്കും തുഷാര വെറുംകൈയോടെ ഞങ്ങളുടെ അടുത്തേക്ക് വന്നു. അവൾ വരുന്ന കണ്ട ഉടനെ പ്രവി കസേരയൊഴിഞ്ഞു. തുഷാരയുടെ കണ്ണുകൾ വിടർന്നു. നൈസായിട്ട് പ്രവിയെ നോക്കിയൊന്ന് ചിരിച്ചു. നീതുവും പിന്നെ വേറെ രണ്ടാളും കൂടി ഉണ്ടായിരുന്നെങ്കിലും പ്രവി മാത്രം എഴുന്നേറ്റ് തുഷാരയ്ക്ക് ഇരിപ്പിടമൊരുക്കി. അവൾ വന്നിരുന്നതും ഞാൻ നീതുവിനോടും ബാക്കിയുള്ളവരോടും ഇപ്പൊ വരാമെന്നും പറഞ്ഞ് രണ്ടുപേർക്ക് ഇരിക്കാവുന്ന ഒരു ടേബിളിലേക്ക് മാറിയിരുന്നു. വേറൊന്നുമല്ല, അഥവാ എന്റെ വായിൽ നിന്നും വല്ല ഭരണിപ്പാട്ടോ മറ്റോ വന്നാൽ അവർ കേൾക്കണ്ടല്ലോ എന്ന് വിചാരിച്ചിട്ടാണ് ഞാൻ മാറിയിരുന്നത്. എന്റെ പുറകേ തുഷാരയും വന്ന് എനിക്ക് അഭിമുഖമായി ഇരുന്നു.

: എന്റെ കുടയെവിടെ…

: അത് കളഞ്ഞുപോയി. നിങ്ങൾ വേറെ വാങ്ങിക്കോ

: കളഞ്ഞുപോയെന്നോ….

: എന്താ അങ്ങനൊരു വാക്ക് കേട്ടിട്ടില്ലേ, പോയി അത്രതന്നെ

: ഇതാ സ്നേഹയ്ക്ക് പറഞ്ഞപോരായിരുന്നോ… രാജകുമാരിയെ ഇങ്ങോട്ട് എഴുന്നള്ളിക്കേണ്ട വല്ല ആവശ്യവും ഉണ്ടായിരുന്നോ.. എഴുന്നേറ്റ് പോടി

: ദാസപ്പന്റെ മൂക്കിടിച്ചു പരത്തിയ ധൈര്യത്തിൽ എന്റടുത്തു കളിക്കല്ലേ…കാന്റീൻ ഇയാളുടെ തറവാട്ട് സ്വത്തൊന്നും അല്ലല്ലോ, ഞാൻ ഇവിടിരിക്കും. പറ്റാത്തവർക്ക് എഴുന്നേറ്റ് പോകാം..

(കസേര തള്ളി എഴുന്നേറ്റ ഉടനെ എന്റെ മനസിൽ മറ്റൊരു ചിന്ത വന്നു.. ഉടനെ അവിടെ തന്നെ ഇരുന്നു… അല്ല ഞാൻ എന്തിനാ എഴുന്നേറ്റ് പോകുന്നെ, കാന്റീൻ ഇവളുടെ തന്തയുടെ വകയൊന്നും അല്ലല്ലോ. അത് മാത്രമല്ല അവൾ പറഞ്ഞ ഉടനെ എഴുന്നേറ്റുപോയാൽ ഈ പീറപ്പെണ്ണിന്റെ മുന്നിൽ തോറ്റപോലെ ആവില്ലേ…നീ ഇരിക്കെടാ ശ്രീ…)

: എന്തെ പോണില്ലേ ?

ഞാൻ പല്ലുകടിച്ചതല്ലാതെ അവളോട് മറുപടിയൊന്നും