Chapter Title : അർദ്ധപ്രാണസഖി 3 [Lee child]

​നഗരത്തിലെ തിരക്കുകളിൽ നിന്ന് മാറി, മങ്ങിയ വെളിച്ചവും മെല്ലെയുള്ള സംഗീതവുമുള്ള ആ കോഫി ഷോപ്പിൽ അവർ ഇരുന്നു. കുറച്ചുനേരം ഔദ്യോഗിക കാര്യങ്ങൾ സംസാരിച്ച ശേഷം അനന്യ കോഫി കപ്പിൽ വിരലുകൾ ഓടിച്ചുകൊണ്ട് വിഷയത്തിലേക്ക് കടന്നു.

​അനന്യ: "അർജുൻ... നമ്മൾ എത്രയൊക്കെ പ്രൊഫഷണൽ ആകാൻ ശ്രമിച്ചാലും, ആ ബോർഡ് മീറ്റിംഗിലെ കാര്യം എന്റെ മനസ്സിൽ നിന്ന് പോകുന്നില്ല. ശാലിനി വിശ്വനാഥൻ... അവർ ഇപ്പോൾ നമ്മുടെ കമ്പനിയുടെ ബോർഡ് മെമ്പറാണ്. നിന്റെ അമ്മയാണെന്ന് അറിഞ്ഞുകൊണ്ട് നിനക്ക് എങ്ങനെ ഇത്ര ശാന്തനായി ജോലി ചെയ്യാൻ കഴിയുന്നു?"

​അർജുൻ ജനലിലൂടെ പുറത്തെ ട്രാഫിക്കിലേക്ക് നോക്കി. അവന്റെ മുഖത്ത് പഴയ ഭാവഭേദങ്ങളൊന്നുമില്ലായിരുന്നു.

​അർജുൻ: "അനന്യ, നീ അവളെ ഒരു ബോർഡ് മെമ്പറായി കാണുന്നു, ഞാൻ അവളെ എന്റെ ജീവിതത്തിലെ ഒരു 'ക്ലോസ്ഡ് ചാപ്റ്റർ' ആയി കാണുന്നു. അവർ കമ്പനിയിൽ വന്നത് അഴിമതികൾ മറയ്ക്കാനാണോ അതോ കമ്പനിയെ രക്ഷിക്കാനാണോ എന്ന് എനിക്കറിയില്ല. പക്ഷേ ഒരു കാര്യം ഉറപ്പാണ്, അവർ കൊണ്ടുവരുന്ന മാറ്റങ്ങൾ ഈ കമ്പനിയുടെ സിസ്റ്റത്തെ തന്നെ ബാധിക്കും."

​അനന്യ: "അവർ വളരെ സ്ട്രിക്റ്റ് ആണെന്നാണ് കേൾക്കുന്നത്. ഇന്ന് രാവിലെ നടന്ന എക്സിക്യൂട്ടീവ് മീറ്റിംഗിൽ അവർ ചില പഴയ ഫയലുകൾ ആവശ്യപ്പെട്ടിട്ടുണ്ട്. അത് നിന്റെ ടീം ഹാൻഡിൽ ചെയ്യുന്ന സെക്ഷനിലെ ഫയലുകളാണ്. അവർ നിന്നെ തിരിച്ചറിയുമോ എന്ന പേടി നിനക്കില്ലേ?"

​അർജുൻ: "തിരിച്ചറിഞ്ഞാലും ഇല്ലെങ്കിലും എനിക്കൊന്നുമില്ല. ഞാൻ ഇവിടെ ദേവ് അല്ല, അർജുൻ ആണ്. അവർക്ക് വേണ്ടത് കമ്പനിയുടെ ഡാറ്റയാണ്, അത് ഞാൻ നൽകും. പക്ഷേ, ആ ഫയലുകൾക്കുള്ളിൽ അവർ പോലും കാണാൻ ആഗ്രഹിക്കാത്ത ചില