Chapter Title : അർദ്ധപ്രാണസഖി 3 [Lee child]

ഓരോ സംശയങ്ങളാണ്. പക്ഷേ സത്യം എപ്പോഴും ലളിതമാണ്. നമുക്ക് തിരിച്ചു പോകാം?”

ബാംഗ്ലൂരിൽ നിന്നും മടങ്ങിയെത്തിയ നിരഞ്ജന നേരെ പോയത് കമ്മീഷണറുടെ ഓഫീസിലേക്കാണ്. അവളുടെ മനസ്സിൽ കോഫി ഷോപ്പിൽ കണ്ട അർജുന്റെ ആ ശാന്തമായ മുഖവും, വർഷങ്ങൾക്ക് മുൻപ് കാണാതായ ആ പത്താം ക്ലാസ്സുകാരൻ 'ദേവ്' എന്ന കുട്ടിയുടെ ഫോട്ടോയും മാറി മാറി തെളിയുന്നുണ്ടായിരുന്നു.

​കമ്മീഷണർ: "എന്താ നിരഞ്ജനാ, ബാംഗ്ലൂർ ഡ്യൂട്ടി എങ്ങനെയുണ്ടായിരുന്നു? നീ അന്വേഷിച്ച ആ പ്രതിയെക്കുറിച്ച് എന്തെങ്കിലും വിവരം കിട്ടിയോ?"

​നിരഞ്ജന: "ആ പ്രതിയെ കിട്ടിയില്ല സാർ... പക്ഷേ, അതിനേക്കാൾ പ്രധാനപ്പെട്ട ഒന്ന് ഞാൻ അവിടെ കണ്ടു. വർഷങ്ങൾക്ക് മുൻപ് നമ്മുടെ ലിസ്റ്റിൽ നിന്ന് 'മിസ്സിംഗ്' എന്ന് പറഞ്ഞ് ക്ലോസ് ചെയ്ത ആ കേസ് ഓർമ്മയുണ്ടോ? പാലക്കാട് നിന്ന് കാണാതായ ആ കുട്ടി... ദേവ്. അവനെ ഞാനിന്ന് അവിടെ കണ്ടു സാർ. അർജുൻ എന്ന പേരിൽ അവൻ അവിടെ ഒരു വലിയ കമ്പനിയിൽ ജോലി ചെയ്യുന്നു."

​കമ്മീഷണർ തന്റെ ഫയലിൽ നിന്ന് തലയുയർത്തി നിരഞ്ജനയെ ഒന്ന് രൂക്ഷമായി നോക്കി. അദ്ദേഹത്തിന്റെ മുഖത്ത് പെട്ടെന്ന് ഒരു ഗൗരവം പടർന്നു.

​കമ്മീഷണർ: "നിരഞ്ജനാ... നിനക്ക് തെറ്റിയതാകാം. ഒരുപാട് പഴയ കേസുകൾ തലയിൽ കയറ്റി വെക്കുന്നത് കൊണ്ടുള്ള തോന്നലാണിത്."

​നിരഞ്ജന: "അല്ല സാർ! അവന്റെ കണ്ണുകൾ... അവന്റെ ആറ്റിറ്റ്യൂഡ്... അത് സാധാരണ ഒരു പാലക്കാട്ടുകാരന്റേതല്ല. അവന്റെ അമ്മ ശാലിനി ഇപ്പോൾ ആ കമ്പനിയുടെ ബോർഡ് മെമ്പറാണ്. വിശ്വനാഥൻ എന്ന ബിസിനസ്സ് ടൈക്കൂണിന്റെ ഭാര്യയായിട്ടാണ് അവർ അവിടെ അറിയപ്പെടുന്നത്. ഇതിൽ എന്തോ വലിയ ദുരൂഹതയുണ്ട്. എനിക്ക് ആ ഫയലുകൾ ഒന്ന്