അർദ്ധപ്രാണസഖി 4

Ardhapranasakhi Part 4 | Author : Lee Child

[ Previous Part ] [ www.kkstories.com]

രണ്ട് വർഷങ്ങൾക്ക് മുമ്പ്…

സ്ഥലം: ഡൽഹിയിലെ ഒരു രഹസ്യ സ്കാം കോൾ സെന്റർ.

പുറംലോകത്തിന് ഇതൊരു സാധാരണ ബിസിനസ് പ്രോസസ്സ് ഔട്ട്സോഴ്സിംഗ് യൂണിറ്റാണ്. എന്നാൽ ഉള്ളിൽ, ഡിജിറ്റൽ ലോകത്തെ വഞ്ചനകളുടെ വലിയൊരു ശൃംഖല തന്നെ പ്രവർത്തിക്കുന്നുണ്ടായിരുന്നു. എയർകണ്ടീഷണറുകളുടെ മൂളക്കവും കീബോർഡുകളുടെ ശബ്ദവും ആ മുറിയിലെ നിശബ്ദതയെ ഭേദിച്ചു.

ഏകദേശം നാൽപ്പത്തിയഞ്ചു വയസ്സ് തോന്നിക്കുന്ന ഒരാൾ തന്റെ ഡെസ്കിൽ ഇരുന്നു കംപ്യൂട്ടർ സ്ക്രീനിലേക്ക് നോക്കുകയാണ്. മുഖത്ത് വല്ലാത്തൊരു പിരിമുറുക്കം.

അയാൾ വിയർക്കുന്നുണ്ടായിരുന്നു. അയാൾക്ക് മുന്നിലെ വഴി അടഞ്ഞതുപോലെ, ജീവിതം ഒരു വലിയ പ്രതിസന്ധിയിൽ ചെന്ന് മുട്ടി നിൽക്കുന്നു. പെട്ടെന്നാണ് അയാളുടെ സിസ്റ്റത്തിൽ ഒരു മെയിൽ നോട്ടിഫിക്കേഷൻ തെളിഞ്ഞത്.

അയാൾ അത്ഭുതപ്പെട്ടു. ഈ രഹസ്യ നെറ്റ്‌വർക്കിൽ ഇത്തരമൊരു ഇമെയിൽ വരാൻ യാതൊരു സാധ്യതയുമില്ല. പരിചിതമെന്ന് തോന്നിയ ആ ലിങ്കിൽ, അല്പം ശങ്കയോടെയാണെങ്കിലും അയാൾ ക്ലിക്ക് ചെയ്തു.

പെട്ടെന്ന് മോണിറ്റർ കറുത്ത നിറമായി മാറി. ഒരു നിമിഷം എല്ലാം നിശ്ചലം. തൊട്ടടുത്ത നിമിഷം അയാളുടെ ഹെഡ്സെറ്റിലൂടെ ഒരു ശബ്ദം മുഴങ്ങി. ശാന്തമായ, എന്നാൽ അധികാരമുള്ള ഒരു പുരുഷ സ്വരം.

"ഗുഡ് ഈവനിംഗ്, മിസ്റ്റർ രവീന്ദ്ര കൗശിക്..."

അയാൾ ഞെട്ടിപ്പോയി. ആ പേര് ഈ ലോകത്ത് ആരും അറിയാൻ പാടില്ലാത്തതാണ്. വിറയ്ക്കുന്ന ശബ്ദത്തിൽ അയാൾ ചോദിച്ചു: "നിങ്ങൾ... നിങ്ങൾ ഇത് എങ്ങനെ അറിഞ്ഞു? ആരാണ് നിങ്ങൾ?"

മറുഭാഗത്തെ ശബ്ദത്തിൽ ഒരു ചെറിയ ചിരി പടർന്നു: "അതൊരു വിഡ്ഢിത്തം നിറഞ്ഞ ചോദ്യമാണ് മിസ്റ്റർ രവീന്ദ്ര. നിങ്ങൾ ഇപ്പോൾ കണക്ട് ആയിരിക്കുന്നത് സൈബർ ലോകത്തേക്കാണ്. ഇവിടെ നിങ്ങളുടെ ഹൃദയമിടിപ്പ് പോലും ലേലത്തിന് വെക്കാം. പക്ഷേ ഭയപ്പെടേണ്ട, നിങ്ങളെ പുറംലോകത്തിന് മുന്നിൽ തുറന്നു കാട്ടാനല്ല ഞാൻ വന്നത്. നമുക്കൊരു ഡീൽ ആയാലോ?"

രവി തന്റെ ഇരിപ്പിടത്തിൽ ഒന്ന് അമർന്നിരുന്നു. "എന്ത് ഡീൽ?"

"നിങ്ങൾ ഇപ്പോൾ അന്വേഷിച്ചുകൊണ്ടിരിക്കുന്ന കേസിനാവശ്യമായ തെളിവുകളും വിവരങ്ങളും ഞാൻ നൽകാം. പകരമായി എനിക്ക് വേണ്ടത് നിങ്ങളുടെ സഹായമാണ്. ഇതിന്റെ ആദ്യ ഗഡു ഇപ്പോൾ തന്നെ നിങ്ങളുടെ ഫോണിൽ എത്തും."

പെട്ടെന്ന് അയാളുടെ ഫോണിൽ ഒരു മെസേജ് വന്നു. അത് തുറന്നു നോക്കിയ രവി സ്തബ്ധനായിപ്പോയി. താൻ മാസങ്ങളായി ജീവൻ പണയപ്പെടുത്തി അന്വേഷിക്കുന്ന ആ കേസിന്റെ ഏറ്റവും നിർണ്ണായകമായ ചില തെളിവുകൾ!

ഹെഡ്സെറ്റിലൂടെ വീണ്ടും ആ ശബ്ദം വന്നു: "ഇപ്പോൾ സന്തോഷമായോ? എങ്കിൽ തയ്യാറെടുത്തോളൂ. ഇതൊരു ലോങ്ങ് ടേം പ്രോജക്ട് ആണ്. ഇനി നമുക്ക് ഒരുമിച്ച് നീങ്ങാം."

രവി എന്തെങ്കിലും മറുപടി പറയുന്നതിന് മുമ്പ് തന്നെ സ്ക്രീൻ പഴയപടിയായി. ആ ഇമെയിലും മെസേജും അവിടെ വന്നതിന്റെ യാതൊരു അടയാളവും അവശേഷിപ്പിക്കാതെ അപ്രത്യക്ഷമായി…

താൻ കണ്ടതും കേട്ടതും സത്യമാണോ എന്ന് വിശ്വസിക്കാനാവാതെ രവി പകച്ചുനിന്നു. ഇരുട്ടിലിരുന്ന് ചാണക്യനെപ്പോലെ നീ കരുക്കൾ നീക്കുന്ന ആ 'അജ്ഞാതൻ' ആരാണെന്ന് അയാൾക്ക് അപ്പോഴും മനസ്സിലായിരുന്നില്ല.

വിശ്വനാഥന്റെ ആഡംബര മന്ദിരം വെളിച്ചത്തിൽ കുളിച്ചു നിൽക്കുകയാണ്. എന്നാൽ ആ വെളിച്ചത്തിനിടയിലും