Chapter Title : അർത്ഥം അഭിരാമം 1 [കബനീനാഥ്]

തന്നെ രാജീവ് മുൻവശത്തെ തുറന്ന വാതിലിലൂടെ അകത്തേക്ക് കയറി ..

ലിവിംഗ് റൂം കടന്ന് അയാൾ ഡൈനിംഗ് ഹാളിലേക്ക് വന്നു ...

" ഞാൻ കുറേയേറെ വിളിച്ചു ... " അയാൾ പറഞ്ഞു ...

" ഞാൻ കണ്ടു ... " പരുഷമായിരുന്നു അവളുടെ സ്വരം ..

"പിന്നെ എടുക്കാതിരുന്നത് ....?" അവളോട് അനുവാദം ചോദിക്കാതെ തന്നെ അയാൾ ഡൈനിംഗ് ടേബിളിനരുകിൽ കിടന്ന മരക്കസേരയിലേക്കിരുന്നു ..

"ഇനി അതിന്റെ ആവശ്യമില്ല, എനിക്കു പറയാനുള്ളത് ഞാൻ പറഞ്ഞു കഴിഞ്ഞു ... "

" അഭീ ... " അയാൾ മൃദുവായി വിളിച്ചു.

" നോ ..." അവൾ കോപത്തോടെ അയാളുടെ മുഖത്തു നോക്കി തടഞ്ഞു ..

"നിങ്ങളിനി എന്റെ പേര് ഉച്ചരിക്കരുത് ... "

" അല്ലാതെ ഞാൻ പിന്നെ നിന്നെ എന്തു വിളിക്കണം ...?"

" നിങ്ങൾ വന്ന കാര്യം പറഞ്ഞു പോകാൻ നോക്ക് ... " ഒരകലം സൂക്ഷിച്ചു കൊണ്ട് , അഭിരാമി അയാളിലേക്കടുത്തു.

" ഞാൻ പറഞ്ഞല്ലോ ..., ബിസിനസ്സ് ഡൾ ആയിരുന്നു ... അതൊക്കെ ഇൻവെസ്റ്റാണ് ... ഒരാറു മാസം കൂടി നിനക്കു ക്ഷമിച്ചു കൂടെ ...?"

" നിങ്ങൾക്കു ഞാൻ തന്ന അവധികൾ ഒരുപാട് കഴിഞ്ഞതാണ്, ഇനി ആ കാര്യത്തിൽ ഒരു എക്സ്ക്യൂസും എനിക്ക് കേൾക്കണമെന്നില്ല ... "

ഹാളിൽ നിന്നും അടുക്കളയിലേക്ക് തിരിയുന്ന ഇടനാഴിയിൽ അമ്മിണിയമ്മയുടെ മുഖം ഒന്ന് മിന്നിമറഞ്ഞത് രാജീവ് കണ്ടു.

" ഒരവസരം കൂടി ...." രാജീവിന്റെ സ്വരം ദയനീയമായിരുന്നു ...

" നോ കോംപ്രമൈസ്.... "