Chapter Title : അർത്ഥം അഭിരാമം 1 [കബനീനാഥ്]

അഭിരാമി അയാളുടെ മുഖത്തേക്ക് നോക്കി ..

" ഞാൻ ലീഗലായിട്ടു മുന്നോട്ടു പോകുന്നു.. അതിനുള്ള എവിഡൻസ് എന്റെ കയ്യിലുണ്ട്. എനിക്കു നഷ്ടപ്പെട്ടത് നീ , നീ തിരിച്ചു തന്നേ മതിയാകൂ..."

"അഭീ ... ഞാൻ പറഞ്ഞല്ലോ ...."

"നീ ഒന്നും പറയണ്ടെടാ..."

കോപാകുലയായി അഭിരാമി അയാളുടെ നേരെ ചീറി...

ശാന്തത കൈവിടാതെ തന്നെ , ഇടതു കൈയുടെ ചൂണ്ടുവിരലാൽ മുഖത്തിരുന്ന ഗ്ലാസ്സ് ഒന്നുകൂടി ഉറപ്പിച്ചു കൊണ്ട് രാജീവ് കസേരയിൽ നിന്നും എഴുന്നേറ്റു ..

"കൂൾ .... കൂൾ ... അഭീ ... "

അഭിരാമി മറുപടി പറയാതെ കൈകൾ പിന്നിൽ കെട്ടി അയാളെ നോക്കി കിതച്ചു കൊണ്ടിരുന്നു ...

"ഏതൊരു യുദ്ധത്തിനും ഒരു സന്ധിയും സമാധാന ചർച്ചകളുമൊക്കെയുണ്ട് ... ഇതു യുദ്ധമൊന്നുമല്ലല്ലോ ...."

സംസാരിച്ചു കൊണ്ട് , അയാൾ അവളുടെയടുത്തേക്ക് അടിവെച്ചു ...

"നിന്റെ പണം, എന്റെ പണം എന്നൊന്ന് നമുക്കിടയിൽ ഇല്ലായിരുന്നു .. ബട്ട് ... "

" പണം എന്റേതായിരുന്നുവല്ലോ.."

"ശരി തന്നെ, പക്ഷേ ഞാൻ നിന്റെ ആരായിരുന്നു ...?"

രാജീവ് ഒന്നുകൂടി അവളിലേക്കടുത്തു ..

"ആരുമല്ലായിരുന്നു ... " അവൾ പുച്ഛത്തിൽ ചിറി കോട്ടി ...

" അതേ, ആരുമല്ലായിരുന്നു ... പക്ഷേ, ആരുമല്ലാതാകുന്നതിനു മുൻപുള്ള ഞാനാണ് പറയുന്നത് എന്ന് കരുതി , ഒരാറു മാസം കൂടി നീ ക്ഷമിച്ചാൽ ......"

"രണ്ടര വർഷമായിട്ട് ഇല്ലാത്ത രണ്ട് കോടി നീ തരുമെന്ന് ഞാൻ വിശ്വസിക്കണമെന്ന് ...."

ആയമെടുക്കാൻ ഒരകലം കണക്കാക്കി അവൾ പിന്നോട്ടടി വെച്ചു.

"രണ്ടര വർഷത്തിന്റെ കൂടെ ഒരാറു മാസം കൂടി