Chapter Title : അർത്ഥം അഭിരാമം 10 [കബനീനാഥ്]

കൊല്ലണ്ട. കൊല്ലുമെന്ന് വരുത്തണം… "

കാഞ്ചന അയാളുടെ കണ്ണുകളിലേക്ക് നോക്കി……

" ചെക്ക്… …. ? "

ഒരു നിമിഷം രാജീവ് അവളെ തന്നെ സൂക്ഷിച്ചു നോക്കി……

പിന്നെ, അയാൾക്കും കാഞ്ചനയ്ക്കും ഇടയിലുള്ള ടേബിളിലേക്ക് ഒഴിഞ്ഞ ജ്യുസ് ഗ്ലാസ്സ് അമർത്തി വെച്ചുകൊണ്ട് പറഞ്ഞു……

" ചെക്ക്……..........."

******   *******  ******   ******

സന്ധ്യ മുതൽ മഴ ചാറിത്തുടങ്ങിയിരുന്നു……

അത്താഴം പാകം ചെയ്തത് അഭിരാമിയും അജയ് യും കൂടിയായിരുന്നു……

മഴക്കോളു കണ്ടതേ ഇരുവരും നേരത്തെ ഭക്ഷണം കഴിച്ചു……

അഭിരാമി അടുക്കള ക്ലീൻ ചെയുന്നതുവരെ അജയ് അവളുടെ അടുക്കൽ നിന്നു.

"മോനെന്താ ഉറങ്ങുന്നില്ലേ … ?"

അവനെ നോക്കി കുസൃതിച്ചിരിയോടെ അവൾ ചോദിച്ചു…

" പിന്നെ ഉറങ്ങാതെ… "

അവൻ കോട്ടുവായിട്ടു …

" എന്നാൽ പോയി കിടക്കാൻ നോക്ക്…… "

അജയ് അതു കേട്ടതും അടുക്കള വിട്ടിറങ്ങി.

പാത്രങ്ങൾ കഴുകി അവൾ ചെല്ലുമ്പോൾ ഹാളിലൊന്നും അവനെ കണ്ടില്ല……

താഴെ, വാതിലടച്ചോ എന്ന് ഒന്നുകൂടി പരിശോധിച്ച് അവൾ നൈറ്റി, ഇടതു കയ്യാൽ ഉയർത്തിപ്പിടിച്ച് പടികൾ കയറി…

അവനെ മുറിയിലും കാണാതെ വന്നപ്പോൾ അവളൊന്നമ്പരന്നു.

അജയ് പുറത്ത് ഊഞ്ഞാലിൽ മഴയും നോക്കിയിരിക്കുന്നത് അവൾ ഇടനാഴിയിൽ നിന്നു കണ്ടു…

" കിടക്കുവാണെന്ന് പറഞ്ഞിട്ട് ഇവിടെ വന്നിരിക്കുകയാണോ .?

മുടിയഴിച്ച് പിന്നിൽ കെട്ടിക്കൊണ്ട് അവൾ അവനടുത്തേക്ക് വന്നു..

"മഴ കാണാൻ ചുമ്മാ ഒരു രസം… പിന്നെ അമ്മ വരട്ടെ എന്ന് കരുതി…… "

അവൻ ചാറ്റൽമഴയിലേക്ക് നോക്കി പറഞ്ഞു …

" എന്നാൽ നീ മഴ കണ്ടിരിക്ക് … ഞാൻ പോയിക്കിടന്നുറങ്ങട്ടെ… …. "