Chapter Title : അർത്ഥം അഭിരാമം 2 [കബനീനാഥ്]

ജോലിക്ക് സ്ത്രീകളെ നിർത്താനെളുപ്പമാ....."

അജയ് സീലിംഗിലേക്ക് നോക്കി ആരോടെന്നില്ലാതെ പറഞ്ഞു ...

"സ്വർണ്ണത്തിന്റെയോ സൗന്ദര്യത്തിന്റെയോ കാര്യം എടുത്തിട്ടാൽ മതി .... മാസങ്ങളോളം ഊണും ഉറക്കവും ഇല്ലാതെ നിന്നോളും...."

" മതിയെടാ എന്നെ തിന്നത് .....?"

അവൾ ദേഷ്യം ഭാവിച്ചു ....

" ഞാനൊരു പാവം ആയതുകൊണ്ടല്ലേ ഇതൊക്കെ കേട്ടു കിടക്കുന്നത് ... "

" അത്ര പാവമൊന്നുമല്ല ....."

" അതെന്താ ....?"

"പാവങ്ങളാണോ കയ്യിൽ പിച്ചാത്തിയുമായി നടക്കുന്നത്..?"

"അജൂ .... നീയാ കാര്യം വിട്....."

രാജീവിലേക്ക് സംസാരം വന്നതും അവൾ പറഞ്ഞു...

അജയ് അവൾക്കരികിലേക്ക് നീങ്ങിക്കിടന്നു ....

" അമ്മാ....."

"ഉം ... " അവളൊന്നു മൂളി ....

" അച്ഛനെന്നോട് സ്നേഹമൊന്നുമില്ല .... അന്നാ കുത്ത് മാറിപ്പോയാൽ എനിക്കീ ലോകത്ത് സ്വന്തമെന്ന് പറയാൻ ആരാ ഉള്ളത് എന്ന് ഓർത്തിരുന്നോ ....?"

അഭിരാമിയുടെ ഹൃദയത്തെ ഭയം ഗ്രസിച്ചു തുടങ്ങി ....

" ഒരാൾ ഇല്ലാതായി ... ഒരാൾ ജയിലിലും ... അജയ് ആണല്ലേ .... അവൻ എങ്ങനെയെങ്കിലും ജീവിച്ചോളും ... അല്ലേ....?"

അവന്റെ കണ്ഠം ഇടറിത്തുടങ്ങിയത് അവൾ ശ്രദ്ധിച്ചു ....

" ഒരു ദിവസമെങ്കിൽ ഒരു ദിവസം .. നിങ്ങളുടെ നെഞ്ചിൽ , കെട്ടിപ്പിടിച്ച് കിടന്നുറങ്ങാനാ ഓരോ വെക്കേഷനും ഞാൻ ഓടി വന്നിരുന്നത് ...."

അഭിരാമി വരണ്ട തൊണ്ട, ഉമിനീരിറക്കി നനച്ചു...

"സത്യത്തിൽ ഞാനല്ലേ , അമ്മാ പാവം ......?"

അജയ് വിങ്ങലോടെ കിടക്കയിലേക്ക് മുഖം താഴ്ത്തി ...

മാതൃവാത്സല്യത്താൽ വലം കൈ കൊണ്ട് അവളവനെ ചുറ്റിപ്പിടിച്ചു ....

" അജൂ .... കരയല്ലേടാ ..."