Chapter Title : അർത്ഥം അഭിരാമം 3 [കബനീനാഥ്]

അവന്… ….

ചെറിയ വാശികളും പിണക്കങ്ങളും അവനുണ്ട് എങ്കിലും അവൻ അനുഭവിച്ച അനാഥത്വത്തിനു മുൻപിൽ അതൊന്നുമല്ലായെന്നും അവൾക്കു തോന്നി.

അവൾ കിടക്കയിൽ നിന്നും എഴുന്നേറ്റു…

വസ്ത്രങ്ങൾ നേരെയാക്കി അവൾ വാതിൽക്കലേക്ക് ചെന്നു……

നെരിപ്പോടിൽ വിറക് പൊട്ടുന്ന ശബ്ദം അവൾ കേട്ടു…

ഹാളിലേക്ക് നോക്കിയ അവൾ ഒരു നിമിഷം അമ്പരന്നു.

കാലുകൾ പിന്നിലേക്ക് നീട്ടിക്കുത്തി , കമിഴ്ന്നു കിടന്ന് ഇടംകൈയ്യും വലം കൈയ്യും മാറി മാറി നിലത്തു കുത്തി പുഷ് - അപ്പ് എടുക്കുകയാണ് അജയ്…….

ആ തണുപ്പിലും അവന്റെ വിയർപ്പിൽ ടീ ഷർട്ട് നനഞ്ഞിരിക്കുന്നു……

വിയർപ്പ് ഇറങ്ങിയൊലിച്ച്, അവന്റെ അരഭാഗം ചേരുന്നയിടത്ത് പാന്റിന്റെ നിറവ്യത്യാസം അവൾ കണ്ടു……

അത്ര മോശമല്ലാത്ത അവന്റെ ശരീരത്തിലെ കാഠിന്യം വന്നു തുടങ്ങിയ മസിലുകളിലേക്ക് ഒരു നിമിഷം അവൾ നോക്കി നിന്നു..

അജയ് വ്യായാമം ചെയുന്ന കാര്യവും ശരീരം സംരക്ഷിക്കുന്ന കാര്യവും അഭിരാമിക്കറിയാമായിരുന്നു……

നേരിയ കിതപ്പോടെ അജയ് നിലത്തേക്ക് പതിയെ കിടന്നതവൾ കണ്ടു……

" കഴിഞ്ഞോ സൽമാൻ ഖാനേ…….? "

കട്ടിളപ്പടിയിലേക്ക് ചാരി നിന്നുകൊണ്ട് ചെറിയ ചിരിയോടെ അവൾ ചോദിച്ചു……

പിന്നിൽ ശബ്ദം കേട്ട് കിടന്നുകൊണ്ട് തന്നെ അജയ് കഴുത്തു തിരിച്ചു…

"സൽമാനല്ല, ജോൺ എബ്രഹാം.."

ഇരു കൈകളും നിലത്തു കുത്തി നിവരുന്നതിനിടയിൽ അവൻ പറഞ്ഞു…

" പിന്നേ… …. കണ്ടേച്ചാലും മതി.."

" ഒരിക്കൽ മാറ്റിപ്പറയാതിരുന്നാൽ മതി…… "

അവൻ പറഞ്ഞു കൊണ്ട് അവളുടെ നേരെ കൈ നീട്ടി ..

അവളും കൈ നീട്ടി അവനെ വലിച്ചുയർത്താൻ ശ്രമിച്ചു…

"എന്താ പൊങ്ങുന്നില്ലേ… ?"

അവൻ കളിയാക്കി…

അഭിരാമി കട്ടിളപ്പടിയിൽ ഇടതു കൈ