Chapter Title : അർത്ഥം അഭിരാമം 4 [കബനീനാഥ്]

താടിയിൽ ചാരി അവൻ ചോദിച്ചു……

"എത്ര തോന്നിക്കും……….?"

അവൾ മറുചോദ്യം എടുത്തിട്ടു..

" ഒരു നാല്പത്തഞ്ച്, നാല്പത്താറ്…… "

മുഖത്ത് ഒരു ഭാവവ്യത്യാസവും വരാതെ അവൻ തന്നെ കളിയാക്കുകയാണെന്ന് അഭിരാമി തിരിച്ചറിഞ്ഞു……

" പോടാ… നീ പറഞ്ഞത് ഒരാറു വർഷം മുൻപുള്ള വയസ്സാ.. അതു കൂടി കൂട്ടിപ്പറ… "

അവളും ഭാവവ്യത്യാസമേതുമില്ലാതെ പറഞ്ഞു…

പണി തിരിച്ചടിച്ചതറിഞ്ഞ് അജയ് ഒരു നിമിഷം നിശബ്ദനായി, പിന്നെ വിരലുകൾ നിവർത്തി കൂട്ടാൻ തുടങ്ങി……

" നാല്പത്തിയാറ്, നാല്പത്തഞ്ച്‌, നാല്പത്തിനാല്… "

"ഇതെന്താ കീഴോട്ട് എണ്ണുന്നത്……….?"

അവൾ ആശ്ചര്യം ഭാവിച്ചു.

"അമ്മയുടെ പ്രായം കീഴോട്ടല്ലേ.."

അവന്റെ പ്രശംസയിൽ അവളുടെ മുഖം ഒന്ന് പ്രകാശിച്ചു……

എങ്കിലും അവൾ പറഞ്ഞത് ഇങ്ങനെയാണ്…

" മതി സുഖിപ്പിച്ചത്…… കിടന്നുറങ്ങാൻ നോക്ക്… "

" ശരി , കിടന്നേക്കാം … "

അജയ് കൈത്തലം ഒഴിവാക്കി, ശിരസ്സ് തലയിണയിലേക്ക് വെച്ചു …

കുറച്ചു നിമിഷങ്ങൾ കടന്നുപോയി..

"അമ്മാ.."

അജയ് വിളിച്ചു…

" ഉം……...."

പകുതി മയക്കത്തിൽ അവൾ വിളി കേട്ടു.

" വിനയനങ്കിളും ആന്റിയും ഡിവോഴ്സാണോ… ? "

" നീ അവളെ ആന്റി എന്നൊന്നും വിളിക്കണ്ട… പേര് പറഞ്ഞാൽ മതി…… "

അഭിരാമിയുടെ ഉറക്കം പമ്പ കടന്നു……

" അതെന്തെങ്കിലുമാകട്ടെ.. ഡിവോഴ്സാണോ………? "

"ആയിരിക്കും…… വർഷങ്ങളിത്രയും ആയില്ലേ.. കൃത്യമായി എനിക്കറിയില്ല… "

"അങ്കിളിനോട് ചോദിച്ചില്ലേ……… ?"

" വിനയേട്ടന് വിഷമമാകുമെന്ന് കരുതി ഞാൻ ചോദിച്ചിട്ടില്ല … എന്നോട് പറഞ്ഞിട്ടുമില്ല… …. "

"അങ്കിളിന് സ്വത്തുക്കളൊക്കെയുണ്ടോ … ?"

"അതിനേക്കുറിച്ചും എനിക്കറിയില്ല , ഒന്നും വിറ്റിട്ടൊന്നുമില്ല, കുടി തുടങ്ങുന്നതിനു