Chapter Title : അർത്ഥം അഭിരാമം 6 [കബനീനാഥ്]

രാത്രി മുതൽ അംഗീകരിച്ചു തുടങ്ങിയിരുന്നു……

"അവർ വനത്തിലായിരിക്കും എന്നല്ലേ നീ പറഞ്ഞത്… പറ്റുമെങ്കിൽ രണ്ടിനേം വനത്തിലിട്ട് തീർക്കാൻ പറ്റുമോന്ന് നോക്കടാ… "

പാതി തമാശയും പാതി കാര്യവുമായിട്ടാണ് കാഞ്ചന  പറഞ്ഞതെങ്കിലും ശബ്ദത്തിനു മൂർച്ചയുണ്ടായിരുന്നു..

രാജീവ് അവളെ നോക്കി…

" നീ വിചാരിക്കുന്നതു പോലെ അത്ര എളുപ്പമല്ല അത്… ഒന്നാമത് ഫോറസ്റ്റ് ., ഹെക്ടർ കണക്കിനു വനത്തിൽ എവിടെയാണെന്നു വച്ച് കണ്ടുപിടിക്കാനാ… "

കാഞ്ചന അയാളെ കേട്ടിരുന്നു…

"ചാവക്കാട്ടെ പിള്ളേരുടെ തണ്ടെല്ലുറപ്പു പോരാ, വനത്തിൽ കയറി പണിയാൻ … "

രാജീവ് മുഖത്തിരുന്ന കണ്ണട വിരൽത്തുമ്പാൽ ഒന്നുകൂടി ഉറപ്പിച്ചു……

"എങ്കിൽ നീ പീറ്റർ ഹെയ്നെ വിളിച്ചു നോക്ക്… "

കാഞ്ചന ചിരിയോടെ പറഞ്ഞു……

" അതും പറ്റില്ലെങ്കിൽ പുലിയോ ആനയോ പിടിക്കാൻ പ്രാർത്ഥിക്കാനേ തരമുള്ളു…… "

കൂട്ടിച്ചേർത്തിട്ട് കാഞ്ചന എഴുന്നേറ്റു…

രാജീവ് സെറ്റിയിലേക്ക് ചാരി കണ്ണുകളടച്ചു..

അവർ പുറത്തു വരാൻ വൈകുന്നത് അപകടമാണ്…

പൊലീസ് അന്വേഷിച്ചാൽ താഹിറിലേക്ക് ചെല്ലാം…

വിനയചന്ദ്രന്റെ കൂസലില്ലായ്മ, അയാൾ തന്നെയാണ് അവരെ ഒളിപ്പിച്ചതെന്ന് വിളിച്ചു പറയുന്നുമുണ്ട്…

എത്രയും പെട്ടെന്ന് അജയും അഭിരാമിയും പൊലീസ് സമക്ഷം എത്തിയാൽ മാത്രമേ തനിക്കു രക്ഷയുള്ളൂ എന്ന് രാജീവ് അറിഞ്ഞു തുടങ്ങി……

" നീ ചായ കുടിക്ക്………. "

കാഞ്ചനയുടെ സ്വരം അയാളെ ചിന്തയിൽ നിന്നുണർത്തി……

രാജീവ്, നിവർന്നിരുന്ന് ചായക്കപ്പ് കയ്യിലെടുത്തു..

"എല്ലാം ശരിയാകുമെടാ… അപ്പോൾ നീയെന്നെ മറക്കാതിരുന്നാൽ മതി… "

കാഞ്ചന അയാളെ ആശ്വസിപ്പിച്ചു……

രാജീവിന്റെ ഫോൺ അകത്തു നിന്നും ബല്ലടിച്ചു..

അയാൾ ഝടുതിയിൽ എഴുന്നേറ്റ് റൂമിലേക്ക് ചെന്നു……

താഹിറായിരുന്നു ലൈനിൽ…

കാഞ്ചന സെറ്റിയിലിരിക്കുന്നത് കണ്ടുകൊണ്ട് അയാൾ ഫോണെടുത്തു…