Chapter Title : അടങ്ങാത്ത ദാഹം 1 [Achuabhi]

പൊയ്ക്കൊണ്ടിരുന്നു....

വന്നിട്ട് അഞ്ചുദിവസം ആയപ്പോഴേക്കും അവിടെയുള്ള മിക്ക ആളുകളുടെയും പ്രിയപ്പെട്ടവനായി മാറിയിരുന്നു അജു.

ഒരു ദിവസം വൈകിട്ട് സ്കൂളൊക്കെ കഴിഞ്ഞു തിരിച്ചെത്തുമ്പോഴാണ്  എപ്പഴും അടഞ്ഞു തന്നെ കിടക്കുന്ന ഒരു ജനൽപാളി തുറന്നു കിടക്കുന്നത് അവന്റെ ശ്രദ്ധയിൽ പെട്ടത്...

""ഈ റൂമിൽ ആരാണ്.... ഷംലാത്തായുടെ റൂം അല്ല എന്തായാലും, ഇനി റൂം ക്ലീൻ ചെയ്യാൻ സുജാത ചേച്ചി വല്ലതും തുറന്നതാണോ...?""
അജു  ഒരു നിമിഷം അവിടെ നിന്നാലോചിച്ചുകൊണ്ട്  ചേച്ചിയാണെകിൽ ഒന്നുപേടിപ്പിക്കാമെന്നും കരുതി മെല്ലെ നടന്നു അകത്തേക്ക് നോക്കുമ്പോഴാണ് മനസിലായത് അത് ഷിഫാനയുടെ  മുറിയാണെന്ന്..

സുജാത ചേച്ചീ പറഞ്ഞപോലെ
ഷംലത്തിത്തായുടെ മകളാണ് ഷിഫാന. അകത്തു ആളെ കണ്ടില്ലെങ്കിലും അടുക്കുംചിട്ടയും ഇല്ലാത്ത മുറിയും പലയിടത്തായി കിടക്കുന്ന ഡ്രെസ്സുകളും ബുക്കുകളും മറ്റുസാധനങ്ങളുമൊക്കെ വാരിവിതറിയ നിലയിലാണ്. ഇവിടെ വന്നിട്ട് ഇതുവരെയും കാണാത്ത ഒരു മുഖം ആയിരുന്നു ഷിഫാനയുടെത്....
ആളെയൊന്നു കാണാൻ പറ്റിയില്ലെങ്കിലും കിട്ടിയ അവസരം പാഴാക്കാൻ അവൻ ഒരുക്കമല്ലായിരുന്നു.

കൈയ്യിലിരുന്ന ബുക്കിൽ നിന്ന് ഒരു പേപ്പർ കീറിയിട്ട് അതിൽ എഴുതി.

""ഷിഫാന എന്നല്ലേ പേര്......
എന്റെ പേര് അജു എന്നാണ്. ഇവിടെ നിങ്ങളുടെ സ്കൂളിൽ പഠിപ്പിക്കാൻ വന്നതാണ് താമസമൊക്കെ ഈ ഔട്ട്ഹൗസിലാണ്. എപ്പഴും മുറിയിൽ തന്നെ ഇരുന്നാൽ ബോറടിക്കില്ലേ തനിക്ക്..?
ഇടയ്ക്കൊക്കെ പുറത്തോട്ടു ഇറങ്ങിക്കൂടെ...
പിന്നെ, പറയണമെന്ന് തോന്നി പറഞ്ഞതാണ് കെട്ടോ..... ഒരു ഫ്രണ്ട് പറഞ്ഞതാണെന്ന് വിചാരിച്ചാൽ മതി.. """

അവൻ ആ പേപ്പർ മടക്കി ജനൽ പടിയിൽ വെച്ചിട്ടു മെല്ലെ നടന്നു വീട്ടിലേക്ക് കയറി.

""പ്രശ്നം ആകുമോ ……… ?"" അജു വീണ്ടുമൊന്നു ചിന്തിച്ചു.
""ആഹ്ഹ വരുന്നത് വരട്ടെ....
പണ്ട് എന്റെയും പ്രശ്നം