Chapter Title : അടയാളങ്ങൾ [സിമോണ]

പറയുന്നത്...
അതും എന്റെ ഉറ്റ സുഹൃത്തിന്റെ അനുജൻ....
അമ്മക്കറിയുമോ... ഞാൻ എടുത്തു നടന്നിട്ടുണ്ട് അവനെ....
കുളിപ്പിച്ച് കൊടുത്തിട്ടുണ്ട്... ചോറ് വാരിക്കൊടുത്തിട്ടുണ്ട്.....
അവന്റെ അപ്പി കഴുകിക്കൊടുത്തിട്ടുണ്ട്....
എന്റെ മോനെപ്പോലെ നോക്കിയിട്ടുണ്ട്.... എന്നിട്ട്....
എങ്ങനെ തോന്നി അമ്മെ അമ്മയ്ക്കിതുപറയാൻ....."

നിമിഷ നേരം കൊണ്ട് രമ്യ തന്റെ കണ്ണുകൾ കലക്കി നിറച്ചു....
സീരിയലുകൾ കണ്ടു കണ്ട് മനസ്സ് കലങ്ങിപ്പോയ പാവം അമ്മായിയമ്മ, മരുമകളുടെ ആ പെർഫോമൻസ് കണ്ട് അന്തം വിട്ടിരുന്നുപോയി....

"......മോളേ.. ഞാൻ!!!!!....."

"......വേണ്ട!!!!... വേണ്ടമ്മേ!!!!....
ഇപ്പൊ തന്നെ ഇറങ്ങി പോവാൻ പറയാം ഞാൻ അവനോട്....
വേണ്ട... അമ്മയ്ക്ക് വിശ്വാസമില്ലാത്ത ഒരുത്തനും ഈ വീട്ടിൽ നിൽക്കണ്ട.....
ഇപ്പൊ തന്നെ പറയാം ഞാൻ.....
ആയിഷയുമായുള്ള ബന്ധവും ചേട്ടന്റെ ഗൾഫ് ജോലിയും ഒക്കെ പൊയ്ക്കോട്ടേ....
അതൊന്നും എനിക്ക് പ്രശ്നമല്ല...
'അമ്മ സന്തോഷമായി ഇരുന്നാൽ മാത്രം മതി എനിക്ക്....
അത് മാത്രം....."

ടി വി യുടെ റിമോട്ട് ബെഡിലേക്കെറിഞ്ഞ് തന്റെ മാംസളതകളെ തുള്ളിക്കുലുക്കി പുറത്തേക്കിറങ്ങാൻ പോയ രമ്യയെ അമ്മായിയമ്മ തടഞ്ഞു...

"......അരുത് മോളെ... അരുത്....
വീട്ടിൽ വന്ന അതിഥിയെ അങ്ങനെ തള്ളിപ്പറഞ്ഞയക്കരുത്....
ഈശ്വരകോപം ഉണ്ടാവും..... അതീ കുടുംബം മുഴുവൻ കലക്കും....
അമ്മയോട് പൊറുക്കു മോളെ... അമ്മയോട് പൊറുക്കൂ.....
നിങ്ങൾ തമ്മിലുള്ള ബന്ധത്തിന്റെ ആഴം ഈ അമ്മയ്ക്കറിയില്ലായിരുന്നു മോളേ.. അറിയില്ലായിരുന്നു...."

അമ്മായിയമ്മയുടെ കണ്ണിൽ നിന്ന് ധാരധാരയായി കണ്ണീർ ഒഴുകുന്ന കണ്ട രമ്യയായിരുന്നു ഇത്തവണ അന്തം വിട്ടുപോയത്....
തന്റെ പെർഫോമൻസ് ഇത്രയ്ക്കങ്ങോട്ട് ഏൽക്കുമെന്ന് അവൾക്കുപോലും വിശ്വാസമില്ലായിരുന്നു....

എന്നാൽ അവൾ ചന്നം പിന്നം വലിച്ചെറിഞ്ഞ ഡയലോഗുകളിൽ നിന്ന് "മകന്റെ ഗൾഫ് ജോലി" എന്ന വാക്ക് മാത്രമേ ആ അമ്മയുടെ കാതിലെത്തിയിരുന്നുള്ളു എന്നതായിരുന്നു യാഥാർഥ്യം.....

ഇതേസമയം അമ്മായിയമ്മയുടെയും മരുമകളുടെയും അമറൻ പെർഫോമൻസുകൾ, മുറിയുടെ സൈഡിൽ ഉറപ്പിച്ചിരുന്ന ചെറിയ മരസ്റ്റാന്റിലിരുന്ന ഗുരുവായൂരപ്പന്റെ ഗോൾഡൻ ഫ്രെയിം ഇട്ട പടത്തിനുള്ളിൽ ഒളിപ്പിച്ചുവെച്ച ഒളിക്യാമറയിലൂടെ ലൈവ് കണ്ടോണ്ടിരുന്ന ദൈവത്തിന്റെ കണ്ണുതുറിച്ചു....

പാവം ദൈവം!!!!...

ചാനലുകൾ തോറും കുടുംബം കലക്കി സീരിയലുകൾ വഴിക്കും വഴിക്കും വരുന്നതുകണ്ട് ഇതൊന്നു നിയന്ത്രിക്കാൻ പലതവണ തന്നോട് പറഞ്ഞ ചിത്രഗുപ്തനെ ചുണ്ടത്ത് വിരൽ വെച്ച് "അയ്യേ!!!.. പൂ!!!...പൂ!!!..." വിളിച്ച് കളിയാക്കാൻ തോന്നിയ അഭിശപ്തനിമിഷങ്ങളെയോർത്ത് തലയ്ക്ക് കൊടുംകൈ