Chapter Title : അത്ഭുതകരമായ പേടി സ്വപ്നം [Ztalinn]

എന്റെ ശരീരമല്ല. എനിക്ക് എന്താണ് സംഭവിച്ചത്. ഞാൻ ചിന്തിക്കാൻ തുടങ്ങി.

ഇനി സിനിമയിലൊക്കെ കാണുന്നത് പോലെ ഞാൻ മരിച്ചപ്പോൾ എന്റെ ആത്മാവ് മറ്റൊരാളിൽ കയറിയോ. ഹേ അങ്ങനെ ആവാൻ സാധ്യതയില്ല. പിന്നെ എങ്ങനെ ഇത് സംഭവിക്കും. അല്ലാതെ വേറൊരു മാർഗവും ഞാൻ നോക്കിയിട്ട് കാണുന്നില്ല. എന്തായാലും അതിനുള്ള ഉത്തരം കണ്ടെത്തണം. അതുവരെ ഈ വിഷ്ണുവായി ഇവിടെ നിൽക്കാം.എങ്ങനെയെങ്കിലും യഥാർത്ഥ ഞാൻ ആയി മാറണം.അതിനുള്ള മാർഗം കണ്ടെത്തി തിരിച്ച് ഞാൻ ആയി മാറണം. ഞാൻ തീരുമാനിച്ചു.

ഡോക്ടർ വന്ന് എന്നെ പരിശോധിക്കാൻ തുടങ്ങി. അവർ കരുതിയിരിക്കുന്നത് എന്റെ ഓർമ്മ പോയെന്നാണ്. ഡോക്ടറോട് സത്യം പറഞ്ഞാല്ലോ അല്ലേൽ വേണ്ട ഇനി ചിലപ്പോൾ എനിക്ക് ഭ്രാന്താ എന്ന് പറഞ്ഞ് ചിലപ്പോൾ പൂട്ടിയിടും. തത്കാലം ഇങ്ങനെ തന്നെ നിൽക്കട്ടെ. പിന്നീട് എന്താ വേണ്ടേതെന്ന് ആലോചിക്കാം ഞാൻ തീരുമാനിച്ചു.

ഭാഗ്യത്തിന് ഞങ്ങളുടെ രണ്ടാളുടെയും പേര് ഒന്ന് തന്നെയാണ് 'വിഷ്ണു'.എന്നെ കുറേ ടെസ്റ്റുകൾ നടത്തി തിരികെ റൂമിലേക്ക് കൊണ്ടുവന്നു.അപ്പോളാണ് എന്റെ വീട്ടുകാർ എന്ന് പറഞ്ഞവരേ ഞാൻ ശ്രെദ്ധിക്കുന്നത്.50 വയസ്സിന് മുകളിൽ പ്രായം തോന്നിക്കുന്ന ഒരു ചേട്ടൻ. എന്റെ അച്ഛൻ. നല്ലൊരു തറവാടിത്തം എടുത്ത് കാണിക്കുന്ന രൂപം.45 വയസ്സിന് മുകളിൽ പ്രായം തോന്നിക്കുന്ന സ്ത്രീ എന്റെ അമ്മ. സെറ്റ് സാരി ധരിച്ച ഐശ്വര്യമുള്ളൊരു സ്ത്രീ. പിന്നിടാണ് ഞാൻ എന്റെ ഭാര്യയെ ശ്രെദ്ധിക്കുന്നത് 20 വയസ്സോളം പ്രായം തോന്നിക്കുന്ന സുന്ദരിയായൊരു പെൺകുട്ടി.

ജോലിയൊന്നും ഇല്ലാത്ത എനിക്ക് ആര് പെണ്ണ് തരും എന്ന് ചിന്തിച്ച് നടന്ന എനിക്ക് ഭാര്യയോ. ഞാൻ അറിയാതെ ചിരിച്ചു പോയി. അവർ കാണാതെ ഞാൻ അത്‌ ഒതുക്കി പിടിച്ചു.

അവർ എന്നെ എന്തൊക്കെയോ പറഞ്ഞ് ആശ്വസിപ്പിക്കുന്നുണ്ടായിരുന്നു. കണ്ടിട്ട് നല്ല കാശുള്ള വീട്ടുകാരെണെന്ന് തോന്നുന്നു.ഇവിടെ ഇവരുടെ മകനായി കഴിയുന്നത് എനിക്ക് ഗുണം ചെയ്യും. ഞാൻ കണക്ക് കൂട്ടി.എന്റെ വീട്ടിലെ കുറ്റപ്പെടുത്തലുകളിൽ നിന്ന് മാറി നിൽക്കാം. ഇവിടെ പുട്ട് അടിച്ച് സുഖിച്ച് കഴിയാം ഞാൻ കണക്ക് കൂട്ടി കൊണ്ടേയിരുന്നു.

എന്റെ ഭാര്യ എന്ന് പറഞ്ഞ പെൺകുട്ടിയെ വിലയിരുത്താൻ നോക്കി.വെള്ളുത്ത് വട്ട മുഖത്തോടു കൂടിയ പെൺകുട്ടി.കുറച്ച് വണമുള്ള പെൺകുട്ടി.എന്നാൽ തടിച്ചിയുമല്ല അങ്ങനത്തെ