Chapter Title : അടിമയുടെ ഉടമ 4 [കിച്ചു✍️]

പാടത്തെ പണിക്കാരെ നോക്കുക എന്തേ..?”

“ഓ... ആയിക്കോട്ടെ അങ്ങുന്നേ പാടത്തെ കാര്യം ഞാൻ ഏറ്റു...”

വളഞ്ഞു കുത്തി നിന്ന് രാമൻ നായർ മറുപടി പറയുന്നത് ചായ്പ്പിലെ അഴികൾക്കിടയിലൂടെ ചിരുത നോക്കി കണ്ടു. പുഴക്കരയിലെ തെങ്ങുംതോപ്പ് ചിരുതയുടെ കുടിയുടെ തൊട്ടാണ്, അവൾ അപകടം മണത്തു... ഇനിയെന്താണ് ഒരു മാർഗ്ഗം..

പെട്ടന്ന് ബുദ്ധിയിൽ തെളിഞ്ഞ മാർഗ്ഗവുമായി അവൾ കോരന്റെ അടുത്തേക്കോടി... കൈകാലുകൾ കഴുകി ശുചിയാക്കി തമ്പുരാട്ടിയുടെ നടു തിരുമ്മാൻ തയ്യാറെടുത്ത കോരന്, ചിരുത പറഞ്ഞത് കേട്ട് അവളെ ചവിട്ടി കൊല്ലാനുള്ള ദേഷ്യമുണ്ടായി.

ചിരുത പുറത്തായി അത്രേ..! ഇനിയിപ്പോ അത് തീരുന്നതു വരെ കോലോത്തെ അടിച്ചതിൽ കേറ്റില്ല ഇനിയിപ്പോ എങ്ങനെ തമ്പുരാട്ടിയെ തിരുമ്മും..?

ഇച്ഛാഭംഗത്തോടെ നിൽക്കുന്ന കോരനെയും കടന്നു, അടുക്കളയിലെ വാല്യക്കാരിയോട് കാരണവും ബോധിപ്പിച്ചു… അവൾ വേഗം കുറുക്കു വഴിയേ കുടിയിലേക്കോടി... അധികാരി എത്തുന്നതിനു മുന്നേ കുടിയിലെത്തണം തേതിയേ മാറ്റണം...

അങ്ങനെ ഒരു പത്രവായന ഒന്നും ശീലമില്ലാത്ത ആളാണ് യശോദ തമ്പുരാട്ടി. അന്ന് വെറുതെ കോലായിൽ പത്രം കിടക്കുന്ന കണ്ടപ്പോൾ ഒരു കൗതുകത്തിനു മറിച്ചു നോക്കിയതാണ് അതിലെ ഒരു വാർത്തയിൽ തമ്പുരാട്ടിയുടെ കണ്ണുടക്കി…

ആ വലിയ കണ്ണ് കുറേകൂടി വിടർന്നു “നേരത്തെ പാറ്റ്ന ഹൈക്കോടതി ജസ്റ്റിസായി സേവനമനുഷ്ഠിച്ച ജസ്റ്റിസ് ചന്തു മേനോൻ ദില്ലി ഹൈക്കോടതി ചീഫ് ജസ്റ്റിസായി ഡൽഹിയിൽ സത്യപ്രതിജ്ഞ ചെയ്തു.”

“ഇന്ത്യയിലെ ഏറ്റവും പ്രായം കുറഞ്ഞ ജഡ്ജായ ഇദ്ദേഹത്തിന് 43 വയസ്സാണ് പ്രായം....” എന്നിങ്ങനെ പോകുന്ന വാർത്തയാണ് തമ്പുരാട്ടി തികഞ്ഞ ജിജ്ഞാസയോടെ വായിച്ചതു... ചന്തു... തമ്പുരാട്ടി പിറുപിറുത്തു…

പിന്നെ പത്രം മടക്കി വെച്ച് മുകപ്പിലെ കയറി അവിടെ അവിടെ വീശിയടിക്കുന്ന കുളിർ കാറ്റിൽ തന്റെ ശരീരോഷ്മാവ് അടങ്ങാൻ അനുവദിച്ചു ആട്ടു കട്ടിലിൽ ചാഞ്ഞു പാതി അടഞ്ഞ കണ്ണുകളുമായി കിടന്ന യശോദ തമ്പുരാട്ടിയുടെ മനസ്സ് ഒരു പാട് കാലം പുറകിലേക്ക് പോയി...

തമ്പുരാട്ടി പഠിച്ചിട്ടുണ്ടോ എന്ന് പോലും കോലോത്തെ വാല്യക്കാർക്കോ മറ്റു നാട്ടുകാർക്കോ അറിയില്ല. എന്നാൽ ഇപ്പോൾ കാണുന്ന കല്ലിനെ പിളർക്കുന്ന കല്പന പുറപ്പെടുവിക്കുന്ന ആ ആത്തോലമ്മ ഒരിക്കൽ ഒരു കോളേജ് കുമാരി ആയിരുന്നു…

കൃത്യമായി പറഞ്ഞാൽ 22 വർഷം മുൻപ് ബിരുദവുമെടുത്തു