Chapter Title : അവളുടെ ലോകം എന്റെയും 6 [ഏകൻ]

ഞാൻ കൊടുക്കാം. മോൾക്ക് പരീക്ഷയാ.. അതുകൊണ്ട് മുറിയിൽ ഇരുന്നു പടിക്കുകയാ " എന്ന് പറഞ്ഞു ചേച്ചി അച്ചായന് ഫോൺ കൊടുത്തു.

"ഡാ നാളെ തന്നെ ഇങ്ങോട്ട് കയറി വരികയൊന്നും വേണ്ട. കുറേ വർഷങ്ങൾക്ക് ശേഷം പോയതല്ലേ. അവിടെ എന്തെങ്കിലും ചെയ്തു തീർക്കാൻ ഉണ്ടെങ്കിൽ എല്ലാം തീർത്തിട്ട് വന്നാൽ മതി.. പിന്നെ അങ്ങോട്ട് പോകേണ്ട ഒരു കാര്യവും ഉണ്ടാകരുത്. ഇവിടെ തന്നെ ഉണ്ടാകണം എന്നും.. നിന്റെ ചേച്ചിക്ക് എപ്പോഴും നിന്നെ ഓർത്ത് സങ്കടമാ. നീ തനിച്ചു താമസിക്കുന്നത് പറഞ്ഞു.. നീ അടുത്ത് ഇല്ലാത്തത് പറഞ്ഞു. അവൾക്ക് നീ വെറും അനിയൻ അല്ല. അവളുടെ മകൻ ആണ്. ഞങ്ങളുടെ മകൻ.. അതുകൊണ്ട് ഇനി നിന്നെ വെറുതെ ഇങ്ങനെ വിടില്ല. പെണ്ണിനെ നീ കണ്ട് വെച്ചോ. ബാക്കിയെല്ലാം ഞങ്ങൾ നോക്കും." അച്ചായൻ പറഞ്ഞു.

അച്ചായനോട് എനിക്ക് മറുത്ത് ഒന്നും പറയാൻ കഴിഞ്ഞില്ല. പിന്നെയും

ഞാൻ അച്ചായനോട് കുറച്ചു സമയം സംസാരിച്ചു ഫോൺ വെച്ചു.. പിന്നെ ഹരിയേട്ടനെയും ശാലുവിനെയും വിളിച്ചു സംസാരിച്ചു.. അവിടേയും മക്കൾക്ക് പരീക്ഷ ആയത് കൊണ്ട് മക്കളോട് സംസാരിച്ചില്ല.

"ഡാ എങ്ങനെ ഉണ്ടെടാ യാത്രയൊക്കെ ? ഇവിടെ മക്കൾക്ക് പരീക്ഷ ആയത് കൊണ്ടാ അല്ലെങ്കിൽ ഞങ്ങളും വന്നേനെ.. ഇനി ഒരിക്കൽ ആവട്ടെ നമുക്ക് എല്ലാവർക്കും കൂടെ പോകാം . " ശാലു പറഞ്ഞു.

പിന്നെ ഹരിയേട്ടന്റെ വീട്ടിൽ പോകുന്നതിനെപ്പറ്റി ശാലു ചോദിച്ചു.. പറ്റിയാൽ പോകാം എന്ന് ഞാൻ പറഞ്ഞു..

ഫോൺ വെച്ച ശേഷം എന്റെ അടുത്ത് കിടന്നു ഉറങ്ങുന്ന ചിന്നുവിനെ ഞാൻ നോക്കി.. എന്ത് സുന്ദരിയാണ് .. തനിക്ക് എന്തോ ഈ പെണ്ണിനോട് ഇഷ്ട്ടം തോന്നുന്നുണ്ടോ? ആര് കണ്ടാലും ഇഷ്ട്ടം തോന്നും . വെറും പാവമാണ് ഈ പെണ്ണ്.. അന്ന് അങ്ങനെ ഒന്നും സംഭവിച്ചില്ലായിരുന്നെങ്കിൽ എവിടെയോ കിടക്കേണ്ട പെണ്ണ്.. ദേ ഇവിടെ എന്റെ അടുത്ത് കിടക്കുന്നു. ഒരു ദിവസം കൊണ്ട് ഇവൾ എന്റെ മനസ്സ് വല്ലാതെ കീഴടക്കുന്നു.. എന്നെനിക്ക് തോന്നി. അവളുടെ മുഖത്തു നിന്നും എനിക്ക് കണ്ണെടുക്കാൻ തോന്നിയില്ല.

ഇവളെ ചൂണ്ടി കാണിച്ചാൽ അച്ചായൻ എനിക്ക് ഇവളെ കെട്ടിച്ചു തരുമോ?. ഇല്ല . അച്ചായൻ എന്നല്ല അവരാരും സമ്മതിക്കില്ല ഇങ്ങനെ ഒരു അവസ്ഥയിൽ ഉള്ള പെണ്ണിനെ കെട്ടാൻ അവർ ആരും സമ്മതിക്കും എന്ന് തോന്നുന്നില്ല.

ഞാൻ അവളുടെ അടുത്ത് എന്റെ ഇടതു കൈകുത്തി ചെരിഞ്ഞു കിടന്നു. പതിയെ അവളുടെ മുടിയിൽ തഴുകി.. പിന്നെ അവളുടെ