അവൻ പറഞ്ഞ കഥ

Avan Paranja Kadha | Author : Jasmin

രാഹുൽ അവളുടെ മുടിയിഴകളിൽ തലോടിക്കൊണ്ട് ചോദിച്ചു, "എന്തിനാ മോളെ നാട്ടുകാരെകൊണ്ടും കുടുംബക്കാരെക്കൊണ്ടും അമ്മക്ക് ചീത്തവിളി കേൾപ്പിക്കുന്നത്? കുടുംബക്കാരുടെ വാക്ക് കേൾക്കാതെ അമ്മ ഇഷ്ടപ്രകാരം ചെയ്തു എന്നും പറഞ്ഞാ ഇപ്പോൾ തന്നെ അവരുടെ കുത്തുവാക്കുകൾ. ഇനി നീ വിശാഖിനോട് തെറ്റി എന്നുകൂടി അവരറിഞ്ഞാൽ? ഇത് പോലെ ചെറിയ കാര്യങ്ങൾക്ക് നീ ഡിവോഴ്സ് വേണമെന്നൊക്കെ പറഞ്ഞാൽ ആരെങ്കിലും അംഗീകരിക്കുമോ?

നാളെ അഞ്ജുവിന്റെ കല്യാണമാണ്, അമ്മ കരഞ്ഞു വിളിച്ചു റൂമിൽ കതകടച്ചിരിപ്പാണ്. ഏറെ കാലത്തിനു ശേഷം എല്ലാവരും കൂടുന്ന കല്യാണമാണ് മംഗലത്ത് തറവാട്ടിൽ. ലണ്ടനിൽ നിന്ന് ഷീബയാന്റി, ചേച്ചിമാർ, സിങ്കപ്പൂരിലെ കൃഷ്ണേച്ചി, ദുബായിൽ നിന്ന് വല്യമ്മായീ അമ്മാവന്മാർ ചെറിയമ്മായി എല്ലാരും എത്തീട്ടുണ്ട് രേവു...

നീ പോയി അമ്മേ വിളിച്ച് സോറി പറഞ്ഞിട്ട് അമ്മേനേം കൂട്ടി മംഗലത്തേക്ക് വാ, കാറ് ഇവിടെ ഇട്ടേക്കാം, ഞാൻ ബൈക്കിൽ പോകാം. ഒരുപാട് കാര്യങ്ങൾ ഇനി അവിടെ തീർക്കാനുണ്ട്. മണ്ഡപത്തിലേക്കുള്ള സാധനങ്ങൾ ഒന്നും എത്തിച്ചിട്ടില്ല. ചെറിയച്ഛൻ എന്നെ കാത്ത് മുഷിഞ്ഞിട്ടുണ്ടാകും".

ഉണ്ണ്യേട്ടാ...

പോകാനായി എണീറ്റ രാഹുലിന്റെ കൈകളിൽ കടന്ന് പിടിച്ചു കൊണ്ട് അവൾ കരച്ചിൽ തുടർന്നു.

"എന്നെയൊന്ന് മനസ്സിലാക്ക് അരുണേട്ടാ, അമ്മക്ക് ഇപ്പോളും സഹോദരന്റെ മകനോടുള്ള സ്നേഹമാണ്, എന്നെ അയാൾ കൊന്നാലും ചിലപ്പോൾ അമ്മ എന്നെയായിരിക്കും കുറ്റം പറയുന്നത്".

അതിനും വേണ്ടി എന്ത് പ്രശ്നമാടീ നിങ്ങൾ തമ്മിലുള്ളത്? രാഹുൽ അവളോട് ചോദിച്ചു.

"എന്റെ പ്രശ്നങ്ങൾ അയാൾ തന്നെയാണ്, നിങ്ങളൊന്നും കാണുന്ന ആളല്ല എന്റെ മുന്നിൽ വരുന്ന വിശാഖ്. അയാൾക്കെന്നെ സംശയമാണ്, അച്ഛനും, ഉണ്ണ്യേട്ടനും,