Chapter Title : അവിഹിത ഗര്ഭം [Smitha]
ഉലഹന്നാന് ഗര്ജ്ജിച്ചു. ഫാദര് ഉലഹന്നാന്റെ ശബ്ദത്തിലെ ലോഹദാര്ഡ്യത്തിന് മുമ്പില് എലിസബത്ത് വിറച്ചു. ഒരിക്കലും അത്തരം ഒരു പ്രതികരണം സുന്ദരനായ ആ പുരോഹിതനില് നിന്ന് അവള് പ്രതീക്ഷിച്ചില്ല. പക്ഷെ വസ്ത്രം നേരെയാക്കി മുറിയില് നിന്ന് ഓടേണ്ടതിനുപകരം സിനിമകളില് പലപ്പോഴും കണ്ടിട്ടുള്ളത് പോലെ ബ്ലൌസ് ശക്തിയുപയോഗിച്ച് അവള് വലിച്ചുകീറി. എന്നിട്ട് വൈദികനെ നോക്കി. "കാണിച്ചു തരാം ഞാന്," അവള് ചീറി. "ചെവിയേ നുള്ളിക്കോ അച്ചന്!" പുറത്ത് കടന്നു കഴിഞ്ഞുള്ള രംഗങ്ങള് ഊഹിക്കാവുന്നതേയുള്ളൂ. പുറത്ത് നിന്ന സന്ദര്ശകരോട് കൈയും കലാശവും കാണിച്ച് താന് എങ്ങനെയാണ് കാമാഭ്രാന്തനായ ഒരു പുരോഹിതനില് നിന്ന് രക്ഷപ്പെട്ടതെന്ന് അവള് കരളും ചങ്കും അലിയിക്കുന്ന ഭാഷയില് വിവരിച്ചു. രോക്ഷാകുലരായി, ഫാദര് തറയിലിനെ മഹറോന് ചൊല്ലിക്കാന് ആവശ്യപ്പെടുന്നവര്ക്ക് പകരം നിസ്സംഗരായി തന്നെനോക്കുന്നവരെയാണ് എലിസബത്ത് കണ്ടത്. "എലിസബത്ത് ആന്റി," മിഷന് ലീഗിന്റെ സെക്രട്ടറി ക്രിസ്റ്റീന് അവളോട് പറഞ്ഞു. "പ്രശ്നം എന്നാന്ന് വെച്ചാ, ഞങ്ങക്ക് നിങ്ങള് രണ്ട് പേരെയും ശരിക്കറിയാം...അത് കൊണ്ട്..." "ക്രിസ്റ്റീനെ?" കളി കയറി എലിസബത്ത് ചോദിച്ചു. "നീയെന്നതാ ഈ പറയുന്നെ?" "ദ പ്രോബ്ലം ഈസ്....വി ആള് നോ ബോത്ത് ഓഫ് യൂ റ്റു ദ ബോട്ടം.... സോ..." ക്രിസ്റ്റീന് തുടര്ന്നു. എലിസബത്ത് മനസ്സിലാകാതെ അവനെ നോക്കി. "മലയാളത്തി പറഞ്ഞത് ആന്റിക്ക് മനസ്സിലാകാത്ത കൊണ്ടാ ഇംഗ്ലീഷില് പറഞ്ഞെ," അസാധാരണമായ ശാന്തതയോടെ ക്രിസ്റ്റീന് പറഞ്ഞു. "എന്ന് വെച്ചാ എലിസബെത്തെ...അച്ഛന്റെ മുറീലെ സി സി ക്യാമറയില്ലേ....ഞങ്ങള് ആദ്യം അത് ഒന്ന് ചെക്ക് ചെയ്യട്ടെ....എന്നിട്ട് പറയാം ബലാത്സംഘം ആരുന്നോ വശീകരണവാരുന്നോ എന്ന്..." എലിസബത്ത് കലികയറി കഥകളിയില് മാത്രം കാണുന്ന ചുവടുകള് വെച്ച് പുറത്തേക്ക് പോയി. "ഇപ്പം മനസ്സിലായില്ലേ....?" കൂടി നിന്നവര് പരസ്പ്പരം പറഞ്ഞു. വിനീത ആ കഥ ഓര്മ്മിപ്പിച്ചപ്പോള് ഫാദര് ഉലഹന്നാന് ചിരിക്കാന് ശ്രമിച്ചു. "വേണ്ട ടീച്ചറേ...അവള് ഒരു പെണ്ണല്ലേ...പാവം..അങ്ങനെ ഒരു തോന്നാബുദ്ധി തോന്നീന്നും വെച്ച്...." "അയ്യോടാ..." വിനീത കളിയാക്കി ചിരിച്ചു. "എന്തൊരു സഹതാപം! ഇത്രേം മനസ്സലിവ് ഒണ്ടാരുന്നേല് ആ പാവത്തിന്റെ ആഗ്രഹം അങ്ങ് നടത്തികൊടുക്കാന് മേലാരുന്നോ? ഞാന് വിശക്കുന്നവനായും ദാഹിക്കുന്നവനായും വരൂന്നല്ലേ കര്ത്താവ് പറഞ്ഞെക്കുന്നെ?" അത് പറഞ്ഞ് അവള് ഉച്ചത്തില് ചിരിച്ചു. അവളുടെ ചിരിയിലെ മുത്തുകളുടെ
💬 Comments
View all comments