Chapter Title : അഴകുള്ള സെലീന 4 [Nima Mohan]

മേദിനി തടഞ്ഞു.

"മതി.. മതി.. ഇന്നിത്രയും മതി..മോൻ ചെല്ല്.."
അവളവനെ ഉന്തിത്തള്ളി വിട്ടു.

ശൗരി ഒന്നു ചിരിച്ചിട്ട് പോകാനിറങ്ങി. ചെക്കനെ പിടിച്ച് നിർത്തിയില്ലെങ്കിൽ പണിയാകുമെന്ന് അവൾക്ക് തോന്നി. അവൻ ദിവസവും വന്ന് ഇത് പോലെ എന്തേലും ഒപ്പിച്ചിട്ട് പോകും.. ആരേലും കണ്ടാൽ തീർന്നു. മേദിനി ആലോചനയോടെ അവൻ പോകുന്നതും നോക്കി നിന്നു.
**********
അന്ന് വൈകുന്നേരമാണ് സെലീന ശൗരിയെ കാണുന്നത്. അവൾക്ക് രാവിലെ സ്പെഷ്യൽ ക്ലാസ്സ് ഉണ്ടായിരുന്നത് കൊണ്ട് നേരത്തെ പോയിരുന്നു.
"എങ്ങനെയുണ്ട് നിൻ്റെ പനി..കുറവുണ്ടോ.."
അവൻ തലയാട്ടി.

"ഞാനിന്നലെ അങ്ങോട്ട് വരണമെന്ന് വിചരിച്ചത.. മമ്മി വിട്ടില്ല.. എനിക്കൂടെ പനി പിടിക്കുമെന്ന് പറഞ്ഞ്. "
അവൻ മൂളി.

"ഞാൻ ട്യൂഷന് പോയിട്ട് വരാം.. നീയിവിടെ കാണില്ലേ.."
അവൻ തലകുലുക്കി.

അവന് തന്നോടൊരു താൽപര്യക്കുറവ് പോലെ സെലീനയ്ക്ക് തോന്നി.
"നിനക്കെന്നോട് പിണക്കം വല്ലതുമാണോ ശൗരീ.."
"ഏയ്.."

അവൻ തല വെട്ടിച്ചു.
"പിന്നെ സംസാരിക്കാനെന്താ ഒരു ബുദ്ധിമുട്ട്.."
അവളവൻറെ കൈത്തണ്ടയിൽ ഒരു നുള്ള് വെച്ച് കൊടുത്തു.
"പോ പെണ്ണേ..ട്യൂഷന് താമസിക്കും..വേഗം ചെല്ല്.."

അമർത്തിയൊന്നു മൂളിയിട്ട് സെലീന നടന്നു. അവളുടെ ട്യൂഷൻ കഴിയുന്ന വരെ ശൗരി ഗ്രൗണ്ടിൽ നടക്കുന്ന ക്രിക്കറ്റ് കളി കണ്ടു നിന്നു.

ട്യൂഷൻ കഴിഞ്ഞപ്പോൾ പതിവിലും താമസിച്ചതിനാൽ പതിവ് ബസ്സ് പൊയ്ക്കഴിഞ്ഞിരുന്നു. പിന്നാലെ വന്ന ബസ്സ് നിറച്ച് ആളുകളും. സെലീനയെ ശൗരി പിന്നിലെ ഡോറിൽ കൂടി കയറ്റി. പിന്നാലെ അവനും കയറി.

തിരക്കിനിടയിലൂടെ അകത്തേക്ക് കയറിയ സെലീന നിൽക്കാൻ അൽപ്പം സ്ഥലം കിട്ടിയ ഇടത്തേക്ക് ഒതുങ്ങി നിന്നു. പിന്നാലെ വന്ന ശൗരി അവളെ വട്ടം പിടിച്ചു നിന്നു. തൻ്റെ