Chapter Title : ബൈസൺവാലിയിലെ എസ്റ്റേറ്റ് 1 [കുട്ടപ്പായി]

ഇന്ന് തന്നെ ഞാൻ റോയിയെ വിളിച്ചു പറഞ്ഞോളാം നീ നാളെ തന്നെ തോട്ടത്തിലേക് പൊക്കോ, കാര്യം നിന്റെതാണെങ്കിലും ആകെ വല്ലപ്പോഴും അല്ലെ അവിടെ ഒക്കെ പോയി നിന്നിട്ടുള്ളു. കൃഷി ഒക്കെ നോക്കി കുറച്ചുകാലം അങ്ങനെ പോട്ടെ. കാര്യങ്ങൾ ഒക്കെ പഠിക്കുകേം ചെയ്യാമല്ലോ. റോയി നിന്നെ എല്ലാ കാര്യത്തിലും സഹായിക്കും. അവൻ മിടുക്കനാ. നിന്നെ അവൻ നേരെ ആക്കി എടുത്തുകൊള്ളും". അങ്ങനെ കാര്യങ്ങൾക്ക് ഒരു തീരുമാനം ആയി. ആന്റോ മുറിയിലേക് നടന്നു. അവനു സന്തോഷവും തോന്നിയില്ല സങ്കടവും തോന്നിയില്ല. അമ്മയും ലില്ലിയും കൂടി അവനെ ഉപദേശിക്കാൻ മുറിയിലേക്കെത്തി. 2 പേരും പറഞ്ഞത് ഒരേ ഒരു കാര്യം. കുറച്ചു നാൾ ഒന്ന് മാറി നിൽക്കുന്നത് നല്ലതാണെന്ന്. അന്റോയ്ക്കും അത് ശരി ആണെന്ന് തോന്നി. ലില്ലിയും ഭർത്താവും ഡിന്നറിനു ശേഷം തിരിച്ചു പോയി. ആന്റോ കിടന്നു, നാളത്തെ യാത്രയെ ഓർത്ത്.

രാവിലെ തന്നെ ആന്റോ എണീറ്റു എല്ലാം പാക്ക് ചെയ്തിരുന്നു. കുര്യൻ കുറച്ചു കാശും കാറിന്റെ കീയും ആനിയമ്മയുടെ കയ്യിൽ ഏൽപ്പിച്ചിട്ട് പമ്പിലേക് പോയിരുന്നു. ആനിയമ്മ മകനെ അശ്വസിപ്പിച്ചു " എല്ലാം നിന്റെ നല്ലതിനല്ലേ മോനെ, നീ പോയിട്ട് വാ". ആന്റോ കാറുമായി പമ്പിലേക് പോയി. ഫുൾ ടാങ്ക് ഡീസൽ അടിച്ചു. കുര്യാച്ചായൻ ഓഫീസിൽ ഇരിപ്പുണ്ടായിരുന്നു. ഓഫീസിലേക്ക് കേറാതെ ആന്റോ നേരെ വണ്ടി വിട്ടു. വൈകിട്ട് ആയപ്പോളേക്കും ആന്റോ തോട്ടത്തിൽ എത്തി. നല്ല ഇളം കാറ്റും മഞ്ഞും ഉണ്ടായിരുന്നു. അടിമാലി കഴിഞ്ഞപ്പോളേ അവൻ ജാക്കറ്റ് എടുത്തു ഇട്ടിരുന്നു. 60 ഏക്കർ തോട്ടത്തിന്റെ ഒത്ത നടുവിൽ ഒരു ചെറിയ വീട്. വീടെന്നോ ബംഗ്ലാവെന്നോ