Chapter Title : ഭാഗ്യദേവത 12

ഞങ്ങൾ തീരുമാനിച്ച കാര്യം അവളെ ബോധ്യപ്പെടുത്തി. ഞാൻ അവൾക്ക് നല്ല ധൈര്യം കൊടുത്തത് കൊണ്ട്, അവൾക്ക് അതിൽ പൂർണ്ണ സമ്മതമായിരുന്നു... പിറ്റേ ദിവസം എത്തിച്ചേരേണ്ട രജിസ്റ്റർ ഓഫീസും ആവശ്യമുള്ള ഡോക്കിമെന്റ്സ് കൊണ്ട് പത്ത് മണിക്ക് പ്രസ്തുത രജിസ്റ്റർ ഓഫീസിൽ വന്ന് ചേരുവാനും പറഞ്ഞു കൊടുത്തു. ഞാൻ അമ്മയോട്, പറഞ്ഞ വാക്കുകൾ പാലിച്ചതായി കാണിക്കാൻ പിറ്റേന്ന് കാലത്ത് 7:30 ന് തന്നെ വീട്ടിൽ വന്നു ചേർന്നു,, നല്ല പിള്ള ചമഞ്ഞു.

കാലത്ത് അവൾ ടൗണിലേക്കാണെന്ന് പറഞ്ഞു വീട്ടിൽ നിന്നിറങ്ങി..... ഞാൻ അതിലും നേരത്തെ ഓഫീസിലേക്കെന്ന പേരിൽ വീട്ടീന്ന് ഇറങ്ങി..... അങ്ങിനെ... അന്ന് കാലത്ത് 11:00 മണിയോടെ..... ആ വിവാഹ രജിസ്ട്രേഷന്റെ ഫോർമാലിറ്റീസ് പൂർത്തിയാക്കി കൊണ്ട് ഞങ്ങൾ പുറത്തിറങ്ങി. ഒരു മാസത്തിനു ശേഷം ഔദ്ദ്യോകികമായുള്ള ഞങ്ങളുടെ വിവാഹം രജിസ്റ്റർ ചെയ്യാനുള്ള വിജ്ഞാപനം ഇറക്കി. തിയതി അവിടെ നിന്ന് കുറിച്ച് തന്നു. ഞങ്ങളുടെ രണ്ടു പേരുടെയും പേരും ഫോട്ടോയും പതിച്ച രെജിസ്ട്രേഷൻ നോട്ടീസ്, അവിടെത്തെ നോട്ടീസ്ബോർഡിൽ പതിക്കുകയും ചെയ്തു..... അതു കഴിഞ്ഞു അവൾ നേരെ വീട്ടിലേക്കും, ഞാൻ എന്റെ ജോലിക്കും പോയി. ഓഫീസിൽ പോയി ഒരു ലോങ്ങ്‌ ലീവ് ആപ്ലിക്കേഷൻ കൊടുത്തിട്ട് വന്നു. എല്ലാം വളരെ സാധാരണ മട്ടിൽ നീങ്ങിയ അന്നത്തെ ദിവസം സന്ധ്യയോട് കൂടി ഞാൻ ഹൈദരാബാദിലേക്ക് പോകാൻ പുറപ്പെട്ടു.... വെറും നാലോ അഞ്ചോ ദിവസത്തെ ഒഫീഷ്യൽ ടൂർ ആയതു കൊണ്ട്, എന്റെ ഡ്രസ്സ്‌ ചെറിയ ഒരു ട്രാവൽ ബാഗിൽ ഒതുക്കി റെഡിയാക്കി വച്ചിരുന്നു. അവൾ..... അത് ഇന്ന് ആയത്കൊണ്ടല്ല, പണ്ട് മുതൽക്കേ ....യാത്ര ചെയ്യുന്നത് ഞാനാണെങ്കിലും അതിന്റെ ഒരുക്കങ്ങൾ